Ezequiel 45:9 - Biblia Dc en Mixe de Quetzaltepec

⁹ Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.

Biblia Mixe de Quetzaltepec

⁹ Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.

Ezequiel 45:9 ပူးပေါင်းရင်းမြစ်များ

Zacarías 8:16

Ya'atë mëpaat xëmë xytyuntë: Mëtëy winë xynyikajpx xynyimëtya'aktëty ma miitsëtyën nixim niyam, mëtëy tii xynyipaye'eytyëty ets yë'ë xëmë mmaytyëp mtajtëp yë oyajtën jotkujk'ajtën miitsëty yajkutujkpëtëjkëty;

Ezequiel 44:6

Ënëëmë tääpë kajpn käjpxy kumëtoownajxpë: Ko jëtu'un yë Wintsën y'ënä'äny: Këtii xy'ëktuunëtë ëxëëkpë, miitsëty Israel ja'ayëty.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Isaías 1:17

Jatë wi'ix ja oypyë xytyuntëtyën, ja mëtëypyë jä'ä mtuntëp, putëkëtë mëti'ipë ëxëëk yajtuuntëpën, nipaye'eytyë ja ku'ooky u'unk, pa'ëyow najts'ëyowëtë ja ku'ookpyë to'oxytyëjk.

1 Pedro 4:3

Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Dios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.

Lucas 3:14

Ojts ja tsiptuunpë jënaakën tyajtëwtë: E ëëtsëty, ¿tiijës ntuntëp? Tääts ja Juan y'ëtsoowëtë: Ka'ap tii pën xypyëjkëtëty atsip ets ka'ap pën tii xytyukniwaanpätëty. Yë'ë tukjotkujk'atë ja mëju'unyëty.

Miqueas 2:9

Yë tyo'oxytyëjkëty jëtu'unyë jam xykyëxjëpijpëtë ma myaapäjnëtyën ets ja y'u'unk y'ëna'këty tëë ja xypyëjkëtë ja myëk'ajtën ets ja y'oyajtënëty.

Job 22:9

Ko ijty yë ku'ookytyo'oxy tii m'amëtoyë ka'ap ijty tii xymyo'oy ets ëxëëk ijty xytyuny yë ku'ooky u'unktëjk.

Job 20:19

Ojts nanëkookyëjxm tyajmëtuny tyaj'ëyoy yë ëyoopëja'ay; ojts tjä'äniwa'any ja jëën tëjk mëti'ipë ënety ka'ap yë'ë të tkojyën.

Jeremias 6:7

Jam Jerusalén jëtu'un jam ëxëëkpë yajpaaty tä muum nëë myuutyën. Tsip jam tuunëp, ëxëëk ja'ay jam nyätyunyë; näyajtsëtyujt näyajwintëkooyëp ja'ay je'eyë ets aak pëjk aak ijxëtëp.

Ezequiel 7:11

Winkëxë'knëp ja tsiptuunk ets aak ëxëëktuuntëp ja ja'aynyë. Ma yë'ëjëtyën nitii kya'ëktsowtëjkënë.

Ezequiel 7:23

Jam xy'ixëty tu'uk yë pujxntejpxy, jä'ä ko ma kajpnën may yë ja'ay mëti'ipë nitujkëpën ko yaja'ay'ooky, ni'ikyë naax kajpn tyuktujknë mëët yë tsiptu'un tsipkajpxën.

Ezequiel 8:17

Ënätës yë Wintsën të xy'ënëëmë: ¿M'ijxypyë? Ka'ap yë Judá kajpn kyu'uxyë mëët ja ëxëëktu'un ëxëëk kajpxën, tëë ja jëën tsip tyajtëjkëtyä'äy ma ja naax kajpnën. Janaam jatsojk je'eyë ëxëëkjaty tii tuntë etsës xyajjoot'anpëktë ets jyä'ty njëjpjotyës ëxëëk yowë xyuuktë jyoktë.

Amós 5:24

Yë'ëjës ntsojkpy ets winë mëtëy yajnipaye'eyëty tä nëë pyëyi'ikyën tu'uwitsy ets ja oypyë ja tu'unën kajpxën xëmë y'itëty tä nëë myuutyën.

Miqueas 6:10

Ma ëxëëk ja'ay yë jyëën tyëjkën tam wit meeny yajpaaty mëti'ipë të tony të tmeetsyën, jä'ä ko ka'ap tii mëtëy të tkijpxy.

Zacarías 7:9

Ya'atës yam ni'ënä'ämëp: Ko miitsëty mëtëy winë xynyipaye'eytyëty ets oy mja'ay'atëty, mëët'atëp yë pa'ëyo'owën najts'ëyo'owën nixim niyam.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.