Ezequiel 43:2 - Biblia Dc en Mixe de Quetzaltepec

² etsës të n'ixy ko myiny ja Wintsën ja myëj'ajt y'oyajtën xëëwpëtsëmtsyow. Jëtu'un yajmëtoy tä nëë y'iitsy kyomyën ets ja naaxwiinyëtë të kyujajtä'äky.

Biblia Mixe de Quetzaltepec

² etsës të n'ixy ko myiny ja Wintsën ja myëj'ajt y'oyajtën xëëwpëtsëmtsyow. Jëtu'un yajmëtoy tä nëë y'iitsy kyomyën ets ja naaxwiinyëtë të kyujajtä'äky.

Ezequiel 43:2 ပူးပေါင်းရင်းမြစ်များ

Apocalipsis 18:1

Ko jëtu'un jyäjty, ënät wiinkpë ja tsajpjotmëtë kukäjpxy n'ijxyës, jam tsajpjotm tsyoony, mëk ja kuttujkën tmëkëtä'äky. Ojts ja naaxwiinyëtë tukjajëtyä'äy mëët ja jyajjën tyë'kxën.

Ezequiel 11:23

ets ja mëj'ajtën oyajtën pyëti'ky ets tmëjëkämkeky ja naax kajpn; jam ojts nyijkxy ma ja kopkën xëëwpëtsëmtsyowpë.

Isaías 6:3

Ets xim yam nyäy'ëna'anëtë: Wa'ats, wa'ats, wa'ats ja Wintsën mëti'ipë maaytyääyëpën winë; ujts ja naaxwiinyëtë yajpaaty mëët ja myëj'ajt y'oyajtën.

Ezequiel 10:4

Ënet ja Wintsën ja myëj'ajt y'oyajtën të pyëti'iky ma yajpaatën ja tsajpjotmëtë kukäjpxy ets të nyijkxy ma ja tsajptëjk yajnitëkën; ënät ja tsajptëjk të tyuktuky mëët ja yoots ets të jyajtä'äky jap tsajptëjk ëkë'p ja Wintsën ja myëj'ajt y'oyajtën.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Dios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Apocalipsis 1:15

Janty ajajp atsëmaamp ja tyeky, ijxtëm ja jempyë pujxnën ets jëtu'un kyäjpxy ijxtëm ja mëjnëë y'iitsy kyomyën.

Ezequiel 3:23

Ënätës të mpëtë'ëky etsës të nëjkxy jam joyjotm, jamës të n'ixy yë Dios yë myëj'ajt y'oyajtën, jëtu'un tä ënety të n'ixyënës jam Quebar ma ja mëjnëëpa'ajën. Ënätës nwintäky naaxkooy, ntukpatypyës yë naax yë nwinpokës.

Ezequiel 1:24

Ojtsës näjyëtu'un nmëtoy wi'ix ja kyäkn y'ëna'antë ko kyääkjëtitë: jëtu'un yajmëtoy tä mëjnëë y'iitsyën ko kyomy, tä kyäjpxyën mëti'ipë maaytyääyëpën winë, tä tsiptuunpëtëjk wya'kta'aktën. Ko wya'ak'oyëtë tääts ja kyäkn tkëëymyuktë.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.

Apocalipsis 14:2

Ënätës nmëtooy mëk y'ënä'äny tsajpjotm ijxtëm ja nëë tax y'iitsy kyomyën ets ijxtëm ja ënääw y'ënä'änyën, jëtu'un yajmëtoy tä yë ja'ay kyowtën.

Apocalipsis 19:6

Tääts nmëtooyës ijxtëm ja mayjyä'äy kyajpxtën, ijxtëm ja mëjnëë y'iitsy kyomyën ets ijxtëm ja ënääwën y'ënä'änyën: Tukxoontä'äky mëjjawë yë Dios yë xyëëw nyaxëty, jä'äkyëjxm ko yajkutujktsoony, ja Wintsën Mëti'ipë Maaytyääyëpën Winë.

Apocalipsis 19:1

Ko jëtu'un y'ëkjajty, ënätës nmëtooy ko mayjyä'äy kyajpxtë tsajpjotm ets mëk y'ëna'antë: Tukxoontä'äky mëjjawë yë Dios yë xyëëw nyaxëty, ja nitsokën, ja mëj'ajtën jaanty'ajtën ets ja mëk'ajtën Dios yë jyä'ä'ajtääpy,

Juan 12:41

Paaty ja Jeséas jëtu'un y'ënäny jä'ä ko tëë ënety t'ixy ja Jesús ja myëj'ajt jyääntyajtën, ets yë'ë nyikajpx nyimëtyak.

Habacuc 3:3

Jamtsow yë Wintsën tsyoony ma Temán ets Parán y'itjotmën jamtsow yë Dios wa'atspë myiny. Yë myëj'ajt y'oyajtën jëtu'unyë jam tsajpkëjxm jyajwä'kxy ets ja naaxwiinyëtë ja'ay y'ëwtatyë ets wyin'ëw wyinyä'äxyë.

Habacuc 2:14

Ets nëjkx ja naaxwiinyëtë tyuktujkta'ay mëët ja Wintsën ja myëj'ajt y'oyajtën, jëtu'un tä yë mëjnëë kyomyën.

Ezequiel 9:3

Ënet ja Israel Dios ja myëj'ajt y'oyajtën të pyëti'iky anëkëjxytsyow ma tyänëtën ja tsajpjotmëtë kukäjpxy ets të nyijkxy ma ja tsajptëjk'aawën. Ënet ja Dios të tmëkäjpxy ja ye'etyëjk ja'ay mëti'ipë linë wit xyox'ajtypyën ets wyëënkëjxy tmëëtëty ja mëti'ipë tyukjääpyën,

Apocalipsis 21:11

Janty ajajp janty atë'kxp mëët ja Dios ja myëj'ajtën jyääntyajtën, jëtu'un y'ajajy y'atsëmämy ijxtëm ja tsaa janty oypyën, ijxtëm tu'uk ja poop tsaajën mëti'ipë yajtuk'ijxnajxpën, ijxtëm ja ijxn yajtuk'ijxnaxyën.

Isaías 17:12

Mëtoow'itë wi'ix ya'axtën jyoktën yë mayjyä'äy, jëtu'un tä y'iitsy kyomyën yë mëjmejy. Jëtu'un ja naax kajpn myu'utë nyiitstë tä mëj komnëë y'amu'uyën.

Ezequiel 11:22

Ënet ja tsajpjotmëtë kukäjpxy kyääkë'ktë ets pyapëtë'këtë ja tëkäämpë. Ja Israel Wintsën ja myëj'ajt y'oyajtën ojts jam nyäpyëjktä'äkyë këjxm,

Ezequiel 43:4

ënät ja Wintsën ja myëj'ajt y'oyajtën tyëjkëy ma ja tsajptëjkën, xëëwpëtsëmtsyow.

Ezequiel 44:2

Jam ojts yë Wintsën xy'ënëëmës: Ya'atë tëjkëtyakn ëtuky yë wyë'ëma'any; ka'ap tjëkyepy y'ëwa'atsëty. Ni pën mëpaat jam kyatëkë, jä'ä ko Wintsën jam të nyäxy, mëti'ipë yë Israel ja'ayëty Tyios'ajtëpën. Paatykyëjxm ëtuky wyë'ëma'any.

Habacuc 3:4

Wimpity myiny të'kxp jajp, jap kyë'ëjootjoty të'kxp jap jyajpëtsëmy ets yaj'ixy ko tap yu'utsy tmëëtëty yë kuttujkën