Ezequiel 42:1 - Biblia Dc en Mixe de Quetzaltepec

¹ Ojtsës ja ye'etyëjk xwyoowpëtsëmy jap tëja'p anëkëjxytsyow, etsës jap xykyuwo'owëy tëkoty ma ja tëjkën mëti'ipë jam anëkëjxmtsow yajpatpën, ma ja tëja'awën apojtstukypë ets ma ja tëjkën tsajptëjk jëxkë'pë.

Biblia Mixe de Quetzaltepec

¹ Ojtsës ja ye'etyëjk xwyoowpëtsëmy jap tëja'p anëkëjxytsyow, etsës jap xykyuwo'owëy tëkoty ma ja tëjkën mëti'ipë jam anëkëjxmtsow yajpatpën, ma ja tëja'awën apojtstukypë ets ma ja tëjkën tsajptëjk jëxkë'pë.

Ezequiel 42:1 ပူးပေါင်းရင်းမြစ်များ

Ezequiel 40:20

Jam ijty wiinkpë tëjkëtyakn yajpaaty ma ja tëja'awën anëkëjxmtsowpë. Ojts ja ye'etyëjk tkijpxy jënu'un myëjwiinëtyën ets jënu'un y'ayenyëtyën.

Ezequiel 40:17

Ënet ja ye'etyëjk ojts xywyoownëjkxyës jap tëja'p ma ja tsajptëjk ja nyitëja'awën. Ma ya'atë tëja'awën ojts yajtsaawinpotsë na'ëwtity, i'px majk ja tëjk yajtuknakojëy.

Ezequiel 42:13

Ënätës xy'ënëmaay: Yë tëjk mëti'ipë yajpatëpën anëkëjxmtsow ets ëpa'tkë'ëytsyow wa'ats yë'ëjëty, yë'ë të yajtuknikojëtë yë teetytyëjkëty ets jam tjë'kxtëty tpëktëty ja jë'kxy pëky mëti'ipë ënety ja Wintsën të yajtukwintsë'ëkën; jam tpëjktakta'atëty ja wintsë'kën wa'atsëtypë mëti'ipë ja'ay yajktëpën nino'oky nixämy ets mëti'ipë tyukunajxtëpën ja nëë poky, jä'ä ko tääpë tëjk wa'ats yë yajpaaty.

Ezequiel 42:4

Maajaty ja tëjk ja nyipëtsëëmtaknën tam tmëët'aty ja najxtakn, jä'ä myëjwiinëty tëkëëk xajpk ja tu'kkë'ënux ets i'px majktëkëëk xajpk ja tu'kkë'ënux, mëti'ipë tëkoty kuye'eyëpën. Ja tëjk'aaw aakjam nyas'ixë anëkëjxmtsow.

Ezequiel 41:1

Ënet ojts ja ye'etyëjk xywyoownëjkxyës jap tsajptëkoty ets tkijpxtaay yë xeny; jä'ä myëjwiinëty mäjtskëty mäjtsk xajpk.

Apocalipsis 11:2

Je'eyëp ko këtii xykijpxëty ja Dios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

Ezequiel 42:10

Maajaty ja potsy nyäxyën mëti'ipë tëja'ptsowën. Ëpa'tkë'ëmtsow, ma ja tëja'awën akojtukpyë ets ma ja tëjkën mëti'ipë xëëwpëtsëmytsyowën ma ja tsajptëjkën aaktam ja tëkot.

Ezequiel 41:9

Jä'ä myäjpxyëty ja potsy tëja'ptsowpë tu'kxajpk ja mäjtsk kë'ënux näjyëtu'un tä ja potsyën mëti'ipë tëkotsyowën.

Ezequiel 40:24

Ënet ja ye'etyëjk ojts xywoownëjkxyës ëpa'tkë'ëmtsow, ma ja tëjkëtyaknën, ënät ojts tkijpxy ja xeny mäjtskpa'ajëty ets ja tëjkwiin, näjyëtu'un myëjëty tä ja wiinkëtypë.

Ezequiel 40:14

Ojts näjyëtu'un tkijpxy ja tëjkwiin ets jä'ä ojts pyëtsimy tëtujk xajpk ja mäjtsk kë'ënux. Ja tëjkëty mëti'ipë yajpatëpën pë'aay ma ja tëjkëtyaknën jä'ä ja tsajptëjk tyëja'aw'ajtyp.

Ezequiel 40:28

Ënätës ojts jap xywyoownëjkxy jootjotytsyow ma ja tëja'awën, ëpa'tkë'ëytsyowpë yajpaatyën. Ojts tkijpxy ja tëjk'aaw ëpa'tkë'ëytsyowpë, näjyëtu'un ja kijpxën tmëët'aty tä ja më'ëka'anypyën.

Ezequiel 41:10

E ma ja tëkot y'apojtstuky'atën jä'ä myëjwiinëty tëtujk xajpk ja mäjtsk kë'ënux, jëtu'un y'ëwtity ja tëjk.