Ezequiel 41:22 - Biblia Dc en Mixe de Quetzaltepec

²² jam tu'uk ja wintsë'këntyakn mëti'ipë oytyunyën mëët ja kepy, mäjtsk kë'ënux myëjwiinëty pa'apa'a jä'ä kyëjxmëty tu'kxajpk, myëët'ajtyp ja y'ëjx ets ja pya'a, kepy mëët y'oytyunyëty. Ënätës ja ye'etyëjk xy'ënëmaay. Ya'atë wintsë'këntyakn mëti'ipë jam ijtpën Wintsën wintuuy.

Biblia Mixe de Quetzaltepec

²² jam tu'uk ja wintsë'këntyakn mëti'ipë oytyunyën mëët ja kepy, mäjtsk kë'ënux myëjwiinëty pa'apa'a jä'ä kyëjxmëty tu'kxajpk, myëët'ajtyp ja y'ëjx ets ja pya'a, kepy mëët y'oytyunyëty. Ënätës ja ye'etyëjk xy'ënëmaay. Ya'atë wintsë'këntyakn mëti'ipë jam ijtpën Wintsën wintuuy.

Ezequiel 41:22 ပူးပေါင်းရင်းမြစ်များ

Malaquías 1:12

E miitsëty, ni'ikyës xyajjoot'anpëktë, maaytyëp mtajtëp jëtää, koos jyëkyejpy ixtijy nwë'ëmëtyës ets jyëkyejpy jä'ä nyajmo'ojëtyës ja kääky jë'kxy ka'apë pën t'ëk tsojknën.

Malaquías 1:7

Miitsëty yë'ë mëmiintëp maas yë nwintsë'këntyaknën ja kääky uuky mëti'ipë ka'ap wya'atsëtyën ets ni'ikyë xyajtëwtë: ¿Maatën myajmëtëkoy? Miitsëty jam xymyëtëkoytyës ma mmaytyën mtajtën ko jyëkyejpy ka'ap yajmëj ixëty yë nwintsë'këntyaknës

Ezequiel 44:16

Jyëkyejpy näjyëtu'un tyëkëtëty maas yë ntsajptëjkën ets tmëwinkontëty yë nwintsë'këntyaknës ets jam ja tyuunk tyajtu'uye'eytyëty ets yë'ë tyuntëp mëti'ipë ënety jap tuunk'ajtpën.

Ezequiel 23:41

jam nyäkyëxko'këtë ma ja maapäjnën oypyë tsujpë ets jëjp'ixy ja kääky uuky y'ijnë, jam ma ja kaaytyaknën ojts ja pa'akxu'kpë tpëjkta'aktë ets tyajtooytyë ja on mëti'ipës ënety ëjts të nyajtuknipëjktaakën.

Apocalipsis 8:3

Ënet ja wiinkpë ja tsajpjotmëtë kukäjpxy ok jyaak miiny, yë'ë myëët'ajtyp yë jëën xijn, aak pu'ts pujxnpë, ets jam wya'ak o'oyëy ma ja wintsë'këntyaknën; ets yajmooy may ja poom ets jam wyintsë'kën'atëty ma ja wintsë'këntyaknën aak pu'ts pujxnpë, jam winkon ma jam Tios'ëwtatën ja naax kajpn tëëpë oy jyuuky'atën.

1 Reyes 6:20

Ja tëkoty mëti'ipë yajtijpën kënu'kxy, jä'ä ënety y'ayenyëty mëkoxk xajpk, mëkoxk xajpk yë y'ok ets mëkoxk xajpk kyëjxmëty. Jam wyintuuytsyow ma ja tëkot ja kënu'kxypyën, ojts yë Salomón tu'uk tyaj'oyë yë wintsë'këntyakn, ajë kepy yajtuun, ets ojts tuknikoy pu'ts pujxn.

Apocalipsis 3:20

Ixtë, ëjts yamp tëjk pijkxp; pën xyyo'kmëtoopës ets tyaj'ëwa'atsy ja tëjk'aaw, tëkäjaanpës jap ma tyëjkën ets mëët n'a'ux'ata'anyës.

1 Corintios 10:21

Ka'ap tjëkyepy miits xytyuk'uukëtëty ja Wintsën ja y'a'ukën ets näjyëtu'un xytyuk'uukëtë ja ku'oypyë ja jyä'ä. Ets ka'ap tjëkyepy näjyëtu'un jam myajpaatëty ma ja Wintsën ja kyääypyäjnën ets myajpaatëty näjyëtu'un ma ja ku'oypyë ja kyääypyäjnën.

Cantares 1:12

Ko yë yajkutujkpë nyaaxweetsy winkon ma kyääypyäjnën, yë'ë jap xu'kp jojkp janty pa'akwijtsnë yë on mëti'ipës nätyukja'axëpën.

Proverbios 9:2

Tääts tyaj'o'ky yë tsajpkaa ets ja tyëjk tnixëëwtuuny; ojts ja uuky tnipëjktaakë, xu'kxpë ets pa'akpë, ets mëj këjää t'a'ijxëy ja ka'ayën ukën.

2 Crónicas 4:19

Yë Salomón ojts tni'ënä'ämë kyojëty tëkokyë ja apëjk atu'unën, mëti'ipë ënety jap tunaanpën ma ja Wintsën ja tsyajptëjkën: Tä ja pu'ts pujxn wintsë'këntyaknën ets ja kaaypyäjn ma ja tsajpkääky yajkëxma'kxëtyën mëti'ipë ja Wintsën yajtukmëyojxpën,

1 Reyes 7:48

Ojts ja Salomón näjyëtu'un tni'ënä'ämë ets tyaj'oyëtëty tëkokyë ja apëjk atu'unën mëti'ipë ënety japën tsajptëkoty: Ja wintsë'këntyakn mëti'ipë oytyunyën mëët ja pu'ts pujxn ets ja pëjkënpäjn mëti'ipë oytyunyëty mëët ja pu'ts pujxnën, ma ja tsajpkääky yajpëjktä'äkyën mëti'ipë Wintsën yajtukmëyojxpën,

1 Reyes 6:22

Jëtu'un wyë'ëmtaay ja tsajptëjk ja nyi'kx aak pu'ts pujxn nyikoyëty, näjyëtu'un tä ja wintsë'këntyaknën mëti'ipë jap ijtpën ma ëmaaytyëkotën wa'atspë.

Éxodo 30:8

Näyjyëtu'un ko jyënäkyxyëëwajnëty yajtoyëp jää ko näjyëtu'un ja kutë'kxën tjëjpkonëty. Ya'atë jëtu'unpë xëmë yaj'oytyuntëty Wintsën wyintum, tyim itëty jëtu'un kë'ëyxyëëw kë'ëyjyëmëjt.

Éxodo 25:23

Oytyun tu'uk yë kaaypyäjn yë'ë mtuk'oytyunëp yë acacië kepy, jä'ä y'ayeny'atëty mäjtsk kë'ënux ets myëjwiin'atëty tu'kkë'ënux, tu'kkë'ënux ja kujkm kyëjxm'atëty.