Ezequiel 41:2 - Biblia Dc en Mixe de Quetzaltepec

² Ja tëjk akaj ja pya'a jä'ä y'ayenyëty tëkëëk xajpk ja tu'kkë'ënux ets myëjwiinëty ja pya'a tu'kxajpk ja mäjtsk kë'ënux. Ënet ojts tkijpxy ja wa'atspë it, majktëkëëk xajpk ja tu'kkë'ënux y'ayenyëty ets tëtujk xajpk ja mäjtsk kë'ënux myëjwiinëty.

Biblia Mixe de Quetzaltepec

² Ja tëjk akaj ja pya'a jä'ä y'ayenyëty tëkëëk xajpk ja tu'kkë'ënux ets myëjwiinëty ja pya'a tu'kxajpk ja mäjtsk kë'ënux. Ënät ojts tkijpxy ja wa'atspë it, majktëkëëk xajpk ja tu'kkë'ënux y'ayenyëty ets tëtujk xajpk ja mäjtsk kë'ënux myëjwiinëty.

Ezequiel 41:2 ပူးပေါင်းရင်းမြစ်များ

1 Reyes 6:17

Jap tsajptëkoty, jap ojts ëpëky wyi'imy ja tëkoty mëjpë mëti'ipë ayenyën majk xajpk, wintuuytsyow wyi'imy ma ja mëti'ipë ja tëkoty kënu'kxy ijtpën.

1 Reyes 6:2

Ja tsajptëjk mëti'ipë ja Salomón tyuknikojëyën ja Wintsën, jä'ä y'ayenyëty majkmokx xajpk, mëkoxk xajpk myëjwiinëty ets kyëjxmëty wëxtujk xajpk ja mäjtsk kë'ënux.

2 Crónicas 29:7

Ojts tyaj'ëtujknëtë ja tsajptëjk ma ja teetyëjk tyuntën ets ma ja wyit xyoxëty y'itën, mon pi'its ja jëën tëjk ojts wyë'ëmnë, ka'ap ja poom t'ëkyajtooynyëtë; nän ka'ap ja wintsë'kën t'ëkyajknëtë ma Wintsënën.

2 Crónicas 3:3

Ja potsy'ëjx mëti'ipë ja Salomón pyëjktakën, jä'ä y'ayenyëty tëkë'px xajpk ets mëkoxk xajpk myëjwiinëty.

2 Crónicas 3:7

Ojts ja tëkot tukwinpëjkëtyä'äy yë pu'ts pujxn, näjyëtu'un ja witsë, ja tëjkkaa, ja potsy ets ja tëjk'aaw tëjk'akaj, jam potsykyëjxm ojts tyajkojy tu'uk ja awinax käkn mëëtpë.

Éxodo 26:36

Oytyun näjyëtu'un tu'uk yë wit'atëëytyuk mëti'ipë mtuk'atëëytyukëpën, ma jam yajnitëkën yë tsajptëjk. Jä'ä y'ixë'atëty yë nyi'ujkën: uky, tsu'unk, tsapts ets linë wit awiity. Yajxon oy tsuj jyo'oky'atëty.

Éxodo 36:37

Ma ja wit tëjk yajnitëkën ma ja Dios jam kyëtä'äkyën, ojts t'oytyuny yë nyi'atëëytyuk, yë'ë mëët t'oytyuuny ja wit, tsu'unkpë, ukpyë, tsaptspë ets ja linë wit awiity, jëtu'un tjo'ktë tä oy yaj'ixëtyën.

Ezequiel 47:1

Ojtsës jatëkok ja ye'etyëjk xywyoownëjkxy ma ja tsajptëjk yajnitëkën. Ënätës n'ijxpaty ko japtëm ma akaj'ëjxën myuuty yë nëë, jam nyajtspëyë'ëkë xëëwpëtsëmtsyow, ma ja tsajptëjk nyajts'ixën. A'oytsyow ja nëë tnaye'ey ja tsajptëjk, ëpa'tkë'ëytsyow ma wintsë'këntyaknën.

Juan 10:7

Ënet ja Jesús ojts y'ënëmaaykyojënëtëpë: Tëy miits nëëmëtë, ëjts jëtu'un ijxtëm ja kemy aawën ma ja kupixyny nyaxtën.

Juan 10:9

Ëjts jëtu'un ijxtëm ja kemy aawën. Pën tëjkëp ma ëjtsën yë'ë nitso'okaanp. Jëtu'un nyaxa'any ijxtëm ja kupixyny tyëkëtën pyëtsëmtën ets jap jyi'kxypyaatë.