Ezequiel 41:16 - Biblia Dc en Mixe de Quetzaltepec

¹⁶ ma ja tëjk akajën ets ma y'ëwa'atsëtyën ets ja tëkot mëti'ipë na'ëwtity yajpatpën mëti'ipë tëkëëk nikë'ëjën, aak kepy wyinwopë tyimtso'ontä'äky jap pa'tkë'p ets tyimkëpety jap këjxy ma y'ëwa'atsëtyën, ja y'ëwa'atsajtën näjyëtu'un kepy wyinwopë.

Biblia Mixe de Quetzaltepec

¹⁶ ma ja tëjk akajën ets ma y'ëwa'atsëtyën ets ja tëkot mëti'ipë na'ëwtity yajpatpën mëti'ipë tëkëëk nikë'ëjën, aak kepy wyinwopë tyimtso'ontä'äky jap pa'tkë'p ets tyimkëpety jap këjxy ma y'ëwa'atsëtyën, ja y'ëwa'atsajtën näjyëtu'un kepy wyinwopë.

Ezequiel 41:16 ပူးပေါင်းရင်းမြစ်များ

1 Reyes 6:4

Salomón jä'ä ojts ja tsajptëjk ja nyi'ëwa'atsajtën t'oytyuunë aakmëët yë nyi'akap.

Ezequiel 40:25

Ja tëjk mëti'ipë jamën ma ja tëjkëtyaknën mëët ja nyitëjkwiin myëët'ajtyp ja nyi'ëwa'atsajtën na'ëwtityë, tä ja wiinkëtypën. Jä'ä myëjwiinëty na'ëwtityë majkmokx tu'uk xajpk ja mäjtsk kë'ënux y'ayenyëty ets tuktujk xajpk ja tu'kkë'ënux myëjwiinëty.

Ezequiel 40:16

Tu'ukjaty ja tëjk ojts yajpëjktakta'ay ja nyi'ëwa'atsajtën, jap tëkotsyow yë'ë myëët'ajtyp yë pujxn mëti'ipë y'apëjktujkpyën ets näjyëtu'un ja nyixeny mëti'ipë yajpatpën maajaty yajnitëkën ojts yajpëjktä'äky nyi'ëwa'atsajtën. Näyjyëtu'un ja tëjkwiin ojts yajpëjktä'äky ja nyi'ëwa'atsajtën jootjoty. Ma ja nyixenyën jam ojts kyëxkojy yë tëëxy kepy.

1 Reyes 6:15

Ja nyipotsy tëkotytsyowpë ojts tukwinwojpëtyä'äy ja ajë kepy, näjyëtu'un ja tëjk nikë'ë ets ja nyiye'eypyäjn yë'ë tyukwinwojpëy yë tsiin.

1 Corintios 13:12

Näyjyëtu'un tyam ja Dios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënety ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Dios të nijawën koos njääjëty.

Hageo 1:4

¿E miitsëty wi'ix m'ëna'antë, tëë jëtää tpaaty ja nyixëëw ma ja mjëën mtëjk oy xykyojëty ets jotkujk m'itëty oyës ja ntëjk taj xity yajpaatyë?

Ezequiel 42:3

Tu'k'it jap kyuye'eyë tëja'ptsow mëti'ipë jootjotyën, tëtujk xajpk ja mäjtsk kë'ënux myëjwiinëty ets tu'k'it tëja'ptsow nyijkxy ma ja tsaawinwaapën. Tëkëëk nikë'ë ja tëjk, jaakmëjjëp ja nyitëjkëtyakn, ka'ap jyëtu'unëty ja ëpa'tkë'ëypyën.

Isaías 6:4

Ko ja mëto'owën jëtu'un të yajmëtoowpaaty, ënät ja tsajptëjk të tyëkë yu'kxypyë ets të tyuktujkta'ay mëët ja jok.

2 Crónicas 3:5

ets tukpa'atwojpëtyääy yë wa'atsiin kepy, ja mëjtëkot ojts tuknikooytyääy yë pu'ts pujxn, tääts jam tyajnikojtutë yë tëëxy'ääy ets pujxntä'äky,

Ezequiel 10:18

Ënet ja Wintsën ja myëj'ajt y'oyajtën të pyëti'iky ma ja tsajptëjkën ets të nyäpyëjktä'äkyë ma ja tsajpjotmëtë kukexyëtyën.

Ezequiel 40:6

Ënet ojts ja ja'ay nyijkxy ma ja tëjkëtyaknën mëti'ipë yajpatpën xëëwpëtsëmtsyow ets pyejty ma tëjk yajniyujkwä'äkyën ets ojts tkijpxy ja tëjk'aaw ja nyiye'eypyäjn, jä'ä ojts pyëtsimy mäjtsk xajpk myëjwiinëty.

Ezequiel 41:15

Ojts tkijpxy ja y'ayenyajtën ja potsy mëti'ipë jap ma tsajptëjk jëxkën, wintuuytsyowpë ma ja tëja'aw jyëjpkëxyën ets ja nyapots pa'apa'apë jä'ä y'ayenyëty i'px majktëkëëk xajpk ja tu'kkë'ënux. Yë tsajptëjk tëkot ets ma ja nyitëjkwiinën

Ezequiel 41:17

Jam tkijpxtso'ony ma tëjk'aawën ets tëkotsyow ets tëja'ptsow, ojts tkijpxy yë potsyjot ets tëja'ptsow.