Ezequiel 40:6 - Biblia Dc en Mixe de Quetzaltepec

⁶ Ënet ojts ja ja'ay nyijkxy ma ja tëjkëtyaknën mëti'ipë yajpatpën xëëwpëtsëmtsyow ets pyejty ma tëjk yajniyujkwä'äkyën ets ojts tkijpxy ja tëjk'aaw ja nyiye'eypyäjn, jä'ä ojts pyëtsimy mäjtsk xajpk myëjwiinëty.

Biblia Mixe de Quetzaltepec

⁶ Ënät ojts ja ja'ay nyijkxy ma ja tëjkëtyaknën mëti'ipë yajpatpën xëëwpëtsëmtsyow ets pyejty ma tëjk yajniyujkwä'äkyën ets ojts tkijpxy ja tëjk'aaw ja nyiye'eypyäjn, jä'ä ojts pyëtsimy mäjtsk xajpk myëjwiinëty.

Ezequiel 40:6 ပူးပေါင်းရင်းမြစ်များ

Ezequiel 43:1

Ojtsës ja ye'etyëjk xywyoownëjkxy ma ja tëjk'aawën mëti'ipë yajpatpën jamtsow xëëwpëtsëmy,

Ezequiel 8:16

Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Ezequiel 40:20

Jam ijty wiinkpë tëjkëtyakn yajpaaty ma ja tëja'awën anëkëjxmtsowpë. Ojts ja ye'etyëjk tkijpxy jënu'un myëjwiinëtyën ets jënu'un y'ayenyëtyën.

Ezequiel 11:1

Ënet ja Dios ja myëk'ajtën ojts xyajpëtë'ëkyës etsës ojts wyoownëjkxy jam ma yajnitëkën yë Wintsën yë tsyajptëjk. Jam ma tëjk'aawën i'px mëkoxk jam yë ja'ay tyänëtë. Yë'ëjës ojts n'ixkäpy yë Jaazanías, yë Azur yë myaank ets Pelatías, yë Benaías yë myaank, mëti'ipë mëj'äämpy ijtpën ma naax kajpnën.

Ezequiel 10:18

Ënet ja Wintsën ja myëj'ajt y'oyajtën të pyëti'iky ma ja tsajptëjkën ets të nyäpyëjktä'äkyë ma ja tsajpjotmëtë kukexyëtyën.

Jeremias 19:2

Tääts mnëjkxëty jam Ben-hinom joyjyotm, ma yajpaatyën tu'uk ja tëjkëtyakn ma t'ixko'owtën ja tu'ts apu'u yë tu'ts pojtspëty. Jamts xynyikajpxëty ja aaw ayuk mëti'ipë ntukmëtowäämpyën.

Salmos 84:10

Tsoowpatp ni'ik ja tu'kxëëwpë nyajpaatyës tsajptëkoty, këtiinëm koos jeexyë jëmëjt'am nyajpaaty tëja'p. Ëjts jotkujkës näjyawëtëty oy jeexyë je'eyë ntimy tyëjkëwent'ajtpës ma ja tsajptëjk yajnitëkën, ets këtii koos ënety ëxëëktum nyajpaaty.

Nehemías 3:29

Ma ja teetytyëjkëty t'äkojëtyääytyën, jam ojts tpatsoony yë Sadoc, myaank yë Imer, nän wa'ats tkoj'o'oyëtyääy ja potsy mëti'ipë jam najxpën ma tyëjkën; jam näjyëtu'un tyajtso'ontäky yë Semaías yë jyä'ä, yë Secanías yë myaank, mëti'ipë ijty tëjk ijx'ijtpën tëjkëwent'ajtpën ma ja tëjk'aaw yajpaatyën xëëwpëtsëmtsyowpë.

1 Crónicas 9:24

Ja këwent'ajtpëty mëti'ipë ja tëjk'aaw y'atënaaytyëpën, taxkpëky ojts nyäwya'kxëtë; tu'uk jam anëkëjxmtsow, tu'uk apa'tkë'ëytsyow, tu'uk a'oytsyow ets tu'uk anajnytsyow.

1 Crónicas 9:18

tyampaat yë'ë tëjk'aaw kyëwent'ajtëp ma ja yajkutujkpë ja jyëën tyëjkën, jamtsowpë xëëwpëtsëmy yajpaatyën. Ya'atë jëtu'un ijtë tëjk'aaw këwent'ajtpë ma ja Leví ja'ayëty ja y'ijtaknëtyën.

1 Reyes 6:8

Ja nyitëjk'aaw ja tëjk mëti'ipë ojts yajtukpa'akojën ja tsajptëjk ëpa'tkë'ëytsyowpyë, a'oytsyow ojts yajpëjktä'äky; e ja nyiye'eypyäjn ja mëmäjtsk nikë'ëpë ets ja mëtëkëëk nikë'ëpë yë'ë ojts tu'uk tpotstë yë nyi'escalerë, nawinjë'ëk tpojtstë.

Ezequiel 47:1

Ojtsës jatëkok ja ye'etyëjk xywyoownëjkxy ma ja tsajptëjk yajnitëkën. Ënätës n'ijxpaty ko japtëm ma akaj'ëjxën myuuty yë nëë, jam nyajtspëyë'ëkë xëëwpëtsëmtsyow, ma ja tsajptëjk nyajts'ixën. A'oytsyow ja nëë tnaye'ey ja tsajptëjk, ëpa'tkë'ëytsyow ma wintsë'këntyaknën.

Ezequiel 46:12

Ko yë yajkutujkpë tyakëty tsojkënkyëjxm yë y'ayajk y'ako'onën ma Wintsënën, ijxtëm tu'uk yë tsajpkaajën ëkë kupixyny mëti'ipë yakëpën ko ënety yë nay'ëëw'oy näykyajpx'oyë tuny, jamtsow xëëwpëtsëmtsyow tyëkëty ets tyakëty yë wyintsë'kën näjyëtu'un tä yë po'kxënxëëw txëëwtuntën. Ko pyëtsëmëty ënätyë yë tëjkëtyakn y'ëtujkojnëty.

Ezequiel 44:1

Ënet ja ye'etyëjk jatëkok ojts xywyoownëjkxyës jam ma ja tëjkëtyaknën mëti'ipë tëja'ptsow yajpatpën xëëwpëtsëmtsyowpë wyi'imyën, ëtuky ënety.

Ezequiel 43:8

ets ka'ap nëjkx t'ëkojnëtë yë kyutujkëntëjk ets jam tpëjktakëtëty yë nyitëjk'aaw winkon maas yë ntëjkën ets nëjkx yi'iyë tu'uk potsy t'akojtuk'aty. Yë'ëjëty ojts yë nxëëwës nëxi'ik tukxi'iktë ko aakjä'ä tyuuntë mëti'ipës n'ëxëëk'ijxypyën; paatykyëjxmës ëjts njoot'anpëky etsës nyaj'o'ktaaytyë.

Ezequiel 40:26

Tam näjyëtu'un tmëëtëty yë nyiye'eypyäjn, wëxtujk yujkwä'äky, ja tëjkwiin itkujkytsyow näjyëtu'un wyi'imy. Ma ja xenyën ojts jam tyajkëxkojtë yë tëëxykyepy, tu'ukjaty tu'kpa'ajëtypë.

Ezequiel 40:7

Ja tëkot mëti'ipë yajpatëpën ma tëjkëtyaknën jä'ä myëj'atë mäjtsk xajpk, jëtu'un myëjwiinëty ets jëtu'un y'ayenyëty ets jä'ä nyäwyä'kxyë ma tu'ukjaty ja tëkotën tu'kxajpk ja mäjtsk kë'ënux. Ets jää näjyëtu'un yajpaaty ja nyitëjkëtyakn ja tëjk ma ja teetyëjk nyäjyääntëkatsëtën, jam nyas'ixë ma tsajptëjkën. Ya'atë tëjk'aaw jä'ä myëjwiinëty ja y'ok mäjtsk xajpk.

Ezequiel 40:5

Jap ma tsajptëjk jëxkën tap tu'uk yë potsy nyäxy mëti'ipë na''ëwtijtëpën. Ja kepy mëti'ipë ja ja'ay myëët'ajtypyën mëti'ipë kijpxën'ajtpën jä'ä y'ayenyëty mäjtsk xajpk. Ënet ojts tkijpxy ja potsy ets jä'ä myäjpxyëty mäjtsk xajpk ets kyëjxmëty nän mäjtsk xajpk.

Ezequiel 40:22

Ja tëjkwiin, ja nyi'ëwa'atsajtën ets ja tëëxy kepy mëti'ipë ojts kyojtën jëtu'un ja kyijpxyëty tä ja mëti'ipë jam yajpatpën ma ja tëjkëtyaknën xëëwpëtsëmtsyowpë. Ojts yajpotsy ma yajniyujk ye'eyëtyën, wëxtujk nipät e ja tëjkwiin jap itkujkytsyow ojts wyi'imy.

Ezequiel 40:24

Ënet ja ye'etyëjk ojts xywoownëjkxyës ëpa'tkë'ëmtsow, ma ja tëjkëtyaknën, ënät ojts tkijpxy ja xeny mäjtskpa'ajëty ets ja tëjkwiin, näjyëtu'un myëjëty tä ja wiinkëtypë.

Ezequiel 41:16

ma ja tëjk akajën ets ma y'ëwa'atsëtyën ets ja tëkot mëti'ipë na'ëwtity yajpatpën mëti'ipë tëkëëk nikë'ëjën, aak kepy wyinwopë tyimtso'ontä'äky jap pa'tkë'p ets tyimkëpety jap këjxy ma y'ëwa'atsëtyën, ja y'ëwa'atsajtën näjyëtu'un kepy wyinwopë.

Ezequiel 42:15

Ko ja ye'etyëjk tkijpxtaay ja naax jënu'un tnitänën ja tsajptëjk tëkotytsyowpë, ënätës jap xywyoowpëtsëëmy etsës ojts xyajnëjkxy maatsow ja tu'ujën mëti'ipë xëëwpëtsëmy yajpatpën ets tkijpxtaay jënu'un y'ëwtityën jam ja naax.

Ezequiel 43:17

Ja nyini'kx ja itkujkpyë jä'ä ja taxktatsk, jä'ä pya'a tu'ukjaty taxk xajpk ja mäjtsk kë'ënux. Ja jut mëti'ipë na'ëwtityën jä'ä myëjwiinëty tu'kkë'ënux ets jä'ä myäjpxëty tu'ktsa'atsy; ja nyiwa'kpäjn jamtsow nyas'ixë ma xëëw pyëtsimyën.