Ezequiel 40:3 - Biblia Dc en Mixe de Quetzaltepec

³ Ënet ja Wintsën ojts jam xywyoownëjkxyës ets n'ijxyës tu'uk yë ye'etyëjk, jëtu'un yaj'ixy tä jeexyë y'oytyunyëtyën mëët yë tsuxkpujxn. Jam tëjk'ëkë'ëm tyänë, yë'ë kyë'ëpëk'ajtyp tu'uk linë wit tejpxyën yaj'ixy ets tu'uk yë kepy mëti'ipë mëët winë yajtukijpxyën.

Biblia Mixe de Quetzaltepec

³ Ënät ja Wintsën ojts jam xywyoownëjkxyës ets n'ijxyës tu'uk yë ye'etyëjk, jëtu'un yaj'ixy tä jeexyë y'oytyunyëtyën mëët yë tsuxkpujxn. Jam tëjk'ëkë'ëm tyänë, yë'ë kyë'ëpëk'ajtyp tu'uk linë wit tejpxyën yaj'ixy ets tu'uk yë kepy mëti'ipë mëët winë yajtukijpxyën.

Ezequiel 40:3 ပူးပေါင်းရင်းမြစ်များ

Apocalipsis 11:1

Tëë nyajmo'oyës tu'uk ja kepy mëti'ipë yajtukkijpxpën winë, jëtu'un kyëxë'ëky ijxtëm yë tsajkäpynyën ets nyajnëmaayës: Pëtë'ëk ets xykijpxëty ja Dios ja tyëjk ets ja wintsë'këntyakn ets näjyëtu'un xymyëtyowëty mëti'ipë wyintsë'këtëpën ja Dios.

Ezequiel 47:3

Ja ye'etyëjk xëëwpëtsëmtsyow ojts pyëtsimy, tejpxy kyë'ëwits'ajtyp, tëkëëk mëko'px ja i'px majktëkëëk xajpk ojts tkijpxy etsës xyajnëënajxy; maas nteky yo'knën ja nëë xypyäty.

Apocalipsis 21:15

Ja tsajpjotmëtë kukäjpxy mëti'ipës xymyëmëtyakpën, myëët'ajtyp tu'uk ja kepy mëti'ipë yajtukkijpxpën winë, aak pu'ts pujxn mëët y'oytyunyën ets tukijpxa'any ja kajpn, ja tëjk'aaw ets ja potsy.

Apocalipsis 1:15

Janty ajajp atsëmaamp ja tyeky, ijxtëm ja jempyë pujxnën ets jëtu'un kyäjpxy ijxtëm ja mëjnëë y'iitsy kyomyën.

Ezequiel 1:7

tëyë tyeky yaj'ixtë, jëtu'un yë tyekxyookyëty tä tsajpkaajën ets jëtu'un y'atë'kxy tä tsuxkpujxnën tëëpë yajnime'eyën.

Ezequiel 1:27

Ma wyëënën ets anëkëjxytsyow ma myoxën ma kyätyën, jëtu'un yaj'ixy y'atë'kxy tä tsuxkpujxnën ets jëënën yaj'ix nya'ëwtityë; ma pyuuy ma tyekyën jëënën yaj'ixy. Pyë'aay jëtu'un yaj'ixy ajajp yowë.

Isaías 28:17

Tääpë potsy yë'ë nëjkx mëët yajtuk'ijxtë ja mëtëypyë ja nipaye'eyën. Ja tsoktakn mëti'ipë ënety të xyjya'ixta'atën mëët ja win'ë'ënën antakën yë'ë nëjkx yaj'atëkoyë ja tëtsn tuu, ets mëti'ipë ënety mnätyuk'apëjktujkëtëpën, jëtu'unyë nëjkx jam komnëë yajwinpajë'ëtyë.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Ezequiel 41:1

Ënet ojts ja ye'etyëjk xywyoownëjkxyës jap tsajptëkoty ets tkijpxtaay yë xeny; jä'ä myëjwiinëty mäjtskëty mäjtsk xajpk.

Ezequiel 42:16

Ënet tkijpxtaay mëti'ipë jamën xëëwpëtsëmtsyow mëët ja kyepy: Jä'ä pyëtsiimy mëko'px ja tëkë'px tëtujk xajpk ja mäjtsk kë'ënux.

Ezequiel 43:6

Ja ye'etyëjk jää ojts nyaaxwä'äky maas ntänën etsës nmëtooy ja Wintsën kyäjpxy ma ja tsajptëjkën

Ezequiel 8:2

ets të n'ixyës tä ja'ayën. Ëpa'tkë'ëytsyow ma wyëënën jëtu'un kyëxë'ëky jëënën ets jää ma wyëënën anëkëjxytsyow jëtu'un yaj'ixy y'atë'kxy tä tsuxkpujxnën.