Ezequiel 40:17 - Biblia Dc en Mixe de Quetzaltepec

¹⁷ Ënet ja ye'etyëjk ojts xywyoownëjkxyës jap tëja'p ma ja tsajptëjk ja nyitëja'awën. Ma ya'atë tëja'awën ojts yajtsaawinpotsë na'ëwtity, i'px majk ja tëjk yajtuknakojëy.

Biblia Mixe de Quetzaltepec

¹⁷ Ënät ja ye'etyëjk ojts xywyoownëjkxyës jap tëja'p ma ja tsajptëjk ja nyitëja'awën. Ma ya'atë tëja'awën ojts yajtsaawinpotsë na'ëwtity, i'px majk ja tëjk yajtuknakojëy.

Ezequiel 40:17 ပူးပေါင်းရင်းမြစ်များ

Apocalipsis 11:2

Je'eyëp ko këtii xykijpxëty ja Dios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

Ezequiel 42:1

Ojtsës ja ye'etyëjk xwyoowpëtsëmy jap tëja'p anëkëjxytsyow, etsës jap xykyuwo'owëy tëkoty ma ja tëjkën mëti'ipë jam anëkëjxmtsow yajpatpën, ma ja tëja'awën apojtstukypë ets ma ja tëjkën tsajptëjk jëxkë'pë.

Ezequiel 46:21

Ënätës jap tëja'p xywyoowpëtsëëmy ets ojts xytyukniye'eyëtyä'äyës ja tëja'aw ja tyatsk taxkpëky. Etsës n'ijxy ko maajaty ja tëja'aw ja tyatskën taxkpëky aaktam tmëëtëty yë tëjkpa'atwa'ats mutskjatyëty. Aak tu'knax kyijpxyëty, majktëkëëk xajpk ja tu'kkë'ënux y'ayenyëty ets majk xajpk myëjwiinëty.

Ezequiel 45:5

Nëjkxëp näjyëtu'un wiinkpë naax xykyijpxy jä'ä y'ayeny'atëty tuktujk mil ja tëkëëk mëko'px ja i'px majktëkëëk xajpk ets tëkëëk mil ja tëkëëk mëko'px ja i'px majktëkëëk xajpk myëjwiin'atëty, yë'ë nëjkx tjä'ä'atë yë Leví ja'ayëty mëti'ipë jap tuuntëpën tsajptëkoty ets tmëët'atëty kyajpn ma tsyëënëtëty.

Ezequiel 10:5

Ko ja tsajpjotmëtë kukexy ja kyäkn tyaj'ëna'antë yajmëtoop jappaat tsajptëjk ëkë'p, mëti'ipë tëja'ptsowën. Jëtu'un yajmëtoy tä jeexyë ja Dios kyäjpxyën mëti'ipë maaytyääyëpën winë.

2 Crónicas 31:11

Paatykyëjxm yë Ezequías ojts tni'ënä'ämë ets t'oytyuntëty tu'uk yë tëjk, winkon ma ja tsajptëjkën ets jap yajpëjkë'ëkëtyën winë. Ko kyojtaay,

1 Crónicas 23:28

yë'ë myëwë'ëmtë ja teety'ajtk, mëti'ipë ja Aarón y'u'unk'ajtyp y'ok'ajtypyën, ma ja tuunk ënety tyu'uye'eyä'änyën jap tsajptëkoty, jap tëja'p, tëkoty ets ma yajpuja'anyën ja apëjk atu'unën kënu'kxypyë ets tëkokyë tiituunk jap yajpatpën.

1 Crónicas 9:26

E ja mëti'ipë ojts yajxon tyimyajtuknipëktën këwent'atëty ja taxkpëkpyë ja tëjkëtyakn, mëti'ipë Leví ja'ayëty, ka'ap ijty nijëna'a t'awa'ktu'utë ja tëjk'aaw, xëmë jam yajpaatë ets tkëwent'atë ja Dios ja jyëën tyëjk.

Ezequiel 42:4

Maajaty ja tëjk ja nyipëtsëëmtaknën tam tmëët'aty ja najxtakn, jä'ä myëjwiinëty tëkëëk xajpk ja tu'kkë'ënux ets i'px majktëkëëk xajpk ja tu'kkë'ënux, mëti'ipë tëkoty kuye'eyëpën. Ja tëjk'aaw aakjam nyas'ixë anëkëjxmtsow.

Ezequiel 41:6

Ja tëkot mutskjatypë tëkëëk nikë'ë ijty, ma mëët tu'uk nikë'ëpën i'px majkjaty ja mutsktëkot. Ja tsajptëjk ja nyipotsy mutskëp maajaty nyänyikë'ëyën ja tëjk kopk, jëtu'un ka'ap tu'knax nyäpyäätyë ja potsy ëjx mëti'ipë jap pa'tkë'p tso'ontakpën.

Ezequiel 40:38

Tam ijty wiinkpë ja tëjk mëti'ipë mëët nyäwyinku'ixëtyën ja tëjkwiin mëti'ipë jamën ma tëjkëtyaknën. Jap yajpujtë ja jëyujk ooky mëti'ipë wintsë'kën'ajtpën nino'oky.

2 Reyes 23:11

Ojts tjëpëky ja awinax mëti'ipë jëtu'un këxë'kpën tä kwaayën, mëti'ipë ënety ja Judá yajkutujkpë të tuknipëjktaakën ets jam ja xëëw yajwintsë'ëkëty, mëti'ipë jam yajpatpën ma ja tsajptëjk yajnitëkën, winkon ma ijty y'ityën ja Natän-mélec, mëti'ipë kyëwent'ajtypyën japë tyunyën tsajptëkoty; ojts näjyëtu'un tyajnitoy ja pujxnwintëkäämpë mëti'ipë tyijtëpën xëëw pyujxnwintëkäämpë.

1 Reyes 6:5

Ojts näjyëtu'un ëpëky yë tëjk tukjëjpkojë ma ja potsypya'a nyäxyën, jëtu'un ojts tkojy na'ëwtity ets ojts mutskjatyëty yë nyitëkot tyajkojë pa'apa'a.

Ezequiel 40:18

Ya'atë tëja'aw mëti'ipë tsaawinpotsën, naxymyëpë yajpaatyën, yë'ë ijty nyiye'eyëtyääpy ja tëjk mëti'ipë yajpatëpën ma ja tëjkëtyaknën, tu'knax myëjwiinëty ets y'ayenyëty.

Ezequiel 40:44

Jap tëja'p mëti'ipë jap itkujkyën, pë'aaytsyow ma ja tëjkëtyaknën jootjoty tsyowpë, mäjtsk jap ja tëjk mutskjatyëty, tu'uk anëkëjxytsyow, ëpa'tkë'ëmtsow nyas'ixë ets tu'uk jam ëpa'tkë'ëmtsow, anëkëjxmtsow nyas'ixë.

Ezequiel 40:45

Ënet ja ye'etyëjk xy'ënëmaayës: Ja tëjk mëti'ipë ëpa'tkë'ëytsyow najts'ijxëpën yë'ë nëjkx yë teetyëjk tjä'ä'atë mëti'ipë jap tsajptëkoty tuuntëpën,

Ezequiel 40:46

e ja tëjk mëti'ipë anëkëjxmtsow najts'ijxëpën yë'ë nëjkx tjä'ä'atë yë teetytyëjkëty mëti'ipë wintsë'kën yajktëpën. Yë Leví ja'ay mëti'ipë yë Sadoc y'u'unk'ajtyp y'ok'ajtypyën yi'iyë myëwinkontëp yë Wintsën ets tmëtuntëty.

Ezequiel 41:10

E ma ja tëkot y'apojtstuky'atën jä'ä myëjwiinëty tëtujk xajpk ja mäjtsk kë'ënux, jëtu'un y'ëwtity ja tëjk.

Ezequiel 42:3

Tu'k'it jap kyuye'eyë tëja'ptsow mëti'ipë jootjotyën, tëtujk xajpk ja mäjtsk kë'ënux myëjwiinëty ets tu'k'it tëja'ptsow nyijkxy ma ja tsaawinwaapën. Tëkëëk nikë'ë ja tëjk, jaakmëjjëp ja nyitëjkëtyakn, ka'ap jyëtu'unëty ja ëpa'tkë'ëypyën.

Ezequiel 42:10

Maajaty ja potsy nyäxyën mëti'ipë tëja'ptsowën. Ëpa'tkë'ëmtsow, ma ja tëja'awën akojtukpyë ets ma ja tëjkën mëti'ipë xëëwpëtsëmytsyowën ma ja tsajptëjkën aaktam ja tëkot.

Ezequiel 44:1

Ënet ja ye'etyëjk jatëkok ojts xywyoownëjkxyës jam ma ja tëjkëtyaknën mëti'ipë tëja'ptsow yajpatpën xëëwpëtsëmtsyowpë wyi'imyën, ëtuky ënety.

Éxodo 27:9

Yajkojë tu'uk yë nyitëja'aw ya'atë tsajptëjk. Jam ëpa'tkë'ëy'äämpy xypyëjkta'akëty, yë'ë mtuknatëyëp yë linë wit awiity, jä'ä y'ayeny'atëty i'px majk xajpk.