Ezequiel 40:16 - Biblia Dc en Mixe de Quetzaltepec

¹⁶ Tu'ukjaty ja tëjk ojts yajpëjktakta'ay ja nyi'ëwa'atsajtën, jap tëkotsyow yë'ë myëët'ajtyp yë pujxn mëti'ipë y'apëjktujkpyën ets näjyëtu'un ja nyixeny mëti'ipë yajpatpën maajaty yajnitëkën ojts yajpëjktä'äky nyi'ëwa'atsajtën. Näyjyëtu'un ja tëjkwiin ojts yajpëjktä'äky ja nyi'ëwa'atsajtën jootjoty. Ma ja nyixenyën jam ojts kyëxkojy yë tëëxy kepy.

Biblia Mixe de Quetzaltepec

¹⁶ Tu'ukjaty ja tëjk ojts yajpëjktakta'ay ja nyi'ëwa'atsajtën, jap tëkotsyow yë'ë myëët'ajtyp yë pujxn mëti'ipë y'apëjktujkpyën ets näjyëtu'un ja nyixeny mëti'ipë yajpatpën maajaty yajnitëkën ojts yajpëjktä'äky nyi'ëwa'atsajtën. Näyjyëtu'un ja tëjkwiin ojts yajpëjktä'äky ja nyi'ëwa'atsajtën jootjoty. Ma ja nyixenyën jam ojts kyëxkojy yë tëëxy kepy.

Ezequiel 40:16 ပူးပေါင်းရင်းမြစ်များ

1 Reyes 6:29

Tä jap tëkotyowën ets jap jëxkë'ptsow, ojts ja Salomón tkooyta'ay ja potsy, yajnikojtut jam potsykyëjxm yë kepy yë pëjy jëtu'unpë ja'ay kyëxë'ëkyën käknmëët yowë Wintsën yë kyukäjpxy.

1 Reyes 6:32

Mäjtskëty ja tëjk'aaw aakyë'ë olivë kepy yajtuun ets tkooy mëët yë pu'ts pujxn, ojts näjyëtu'un jam tyajkëxkojy ja'ayënpë kyëxë'ëkyën ets käknmëët, ojts tyajkëxkojy kepy ets pëjy.

1 Reyes 6:35

Ojts näjyëtu'un jam tyajkëxkojy yë ja'ayënpë kyëxë'ëkyën, palmera kepyënpë ets pëjyënpë kyëxë'ëkyë, tääts näjyëtu'un tukwinkooy ok yë pu'ts pujxn.

1 Reyes 6:4

Salomón jä'ä ojts ja tsajptëjk ja nyi'ëwa'atsajtën t'oytyuunë aakmëët yë nyi'akap.

1 Reyes 7:4

Taxk waats ijty ja ventana, aak näywyinku'ijxëyëp.

2 Crónicas 3:5

ets tukpa'atwojpëtyääy yë wa'atsiin kepy, ja mëjtëkot ojts tuknikooytyääy yë pu'ts pujxn, tääts jam tyajnikojtutë yë tëëxy'ääy ets pujxntä'äky,

Salmos 92:12

Yë oyjyä'äytyëjk jëtu'un yaj'ixtë tä kumpëjyën, ets jëtu'un yontë jyiitstë tä ajë kepyën mëti'ipë yajpatëpën ma ja Líbano itjotmën.

Ezequiel 40:12

Ma tu'uktu'uk ja tëkotën tam tu'uk yë potsy mëti'ipë wintuuy yajpatpën, tu'kkë'ënuxjaty myëjwiinëty pa'apa'a. Tu'ukpë ja tëkot jä'ä myëjëty mäjtsk xajpk.

Ezequiel 40:15

Ko yajkijpxtsoony jap tëja'p ets tyimja'ty jap jootjoty ma ja tëjkwiinën, jä'ä pyëtsimy ja kijpxën majkmokx tu'uk xajpk ja mäjtsk kë'ënux.

Ezequiel 40:25

Ja tëjk mëti'ipë jamën ma ja tëjkëtyaknën mëët ja nyitëjkwiin myëët'ajtyp ja nyi'ëwa'atsajtën na'ëwtityë, tä ja wiinkëtypën. Jä'ä myëjwiinëty na'ëwtityë majkmokx tu'uk xajpk ja mäjtsk kë'ënux y'ayenyëty ets tuktujk xajpk ja tu'kkë'ënux myëjwiinëty.

Ezequiel 40:26

Tam näjyëtu'un tmëëtëty yë nyiye'eypyäjn, wëxtujk yujkwä'äky, ja tëjkwiin itkujkytsyow näjyëtu'un wyi'imy. Ma ja xenyën ojts jam tyajkëxkojtë yë tëëxykyepy, tu'ukjaty tu'kpa'ajëtypë.

Ezequiel 40:29

Ja tëjk ja mutskëtypë ets ja tëjkwiin ets ja tëjkpa'ateeny, tu'knax ja kyijpxy'atë. Näyjyëtu'un ja tëjk mëti'ipë jam ma ja tëjkëtyaknën ets ja tëjkwiin, tam ja nyi'ëwa'atsajtën tmëëtëty pa'apa'a, jä'ä y'ayenyëty majkmokx tu'uk xajpk ja mäjtsk kë'ënux ets myëjwiinëty tuktujk xajpk ja tu'kkë'ënux.

Ezequiel 40:31

Ja tëjkwiin tëja'ptsow nyas'ixë. Ma ja xenyën tëëxykyepy jam këxkojy ijtp, ma ya'atë tëjk'aawën yajnipa'tëkën jä'ä yajniyujkwä'äky tuktujkwä'äky.

Ezequiel 40:33

Ja nyitëjk, ja nyixeny ets ma ja tëjkwiinën, näjyëtu'un tu'knax kyijpxy'atë tä ja wiinkëtypën. Ja tëjk mëti'ipë yajpatëpën ma ja tëjkëtyaknën ets mëët ja tëjkwiin, tam tmëëtëty ja nyi'ëwa'atsajtën na'ëwtityëty, jä'ä y'ayenyëty majkmokx tu'uk xajpk ja mäjtsk kë'ënux ets myëjwiinëty tuktujk xajpk ja tu'kkë'ënux.

Ezequiel 40:34

Ja tëjkwiin jap tyimja'ty tëja'p. Ma ja xenyën ojts jam tëëxykyepy tyajkëxkojtë. Ma ya'atë tëjk'aawën ojts yaj'oytyuny yë nyiwa'kpäjn tuktujk yujkwä'äky.

Ezequiel 40:36

tam näjyëtu'un tmëëtëty yë nyitëjk kanaakpëky ets nyixeny ets nyi'ëwa'atsajtën na'ëwtityë. Ja tëjk mëti'ipë jamën ma ja tëjkëtyaknën jä'ä y'ayenyëty majkmokx tu'uk xajpk ja mäjtsk kë'ënux ets myëjwiinëty tuktujk xajpk ja tu'kkë'ënux.

Ezequiel 40:37

Ja tëjkwiin jap tëja'ptsow nyas'ixë. Ma ja xenyën ojts jam yë tëëxykyepy tyajkëxkojtë. Ma ya'atë tëjk'aawën ojts yaj'oytyuny yë nyiwa'kpäjn tuktujk yujkwä'äky.

Ezequiel 40:7

Ja tëkot mëti'ipë yajpatëpën ma tëjkëtyaknën jä'ä myëj'atë mäjtsk xajpk, jëtu'un myëjwiinëty ets jëtu'un y'ayenyëty ets jä'ä nyäwyä'kxyë ma tu'ukjaty ja tëkotën tu'kxajpk ja mäjtsk kë'ënux. Ets jää näjyëtu'un yajpaaty ja nyitëjkëtyakn ja tëjk ma ja teetyëjk nyäjyääntëkatsëtën, jam nyas'ixë ma tsajptëjkën. Ya'atë tëjk'aaw jä'ä myëjwiinëty ja y'ok mäjtsk xajpk.

Ezequiel 41:18

Ojts jam kyëxkojy yë tsajpjotmëtë kukäjpxy ets mëët yë tëëxykyepy, ma nyäwyinkoowmukyën yë tsajpjotmëtë kukäjpxy yë'ë jam yajpatp yë tëëxykyepy. Tu'ukpë ja tsajpjotmëtë kukäjpxy mäjtskpa'a ja wyiin jyëjp tmëëtëty;

Ezequiel 41:25

Ma ja mëjtëkot ja nyitëjk'aawën ojts jam tyajkëxkojtë yë tsajpjotmëtë kukäjpxy ets tëëxykyepy, näjyëtu'un y'ixëty tä ja mëti'ipë jam potsywinm mëj kooypyetyën. Ma ja tëja'aw yajpaatyën tëkotytsyowpë, jap tëja'ptsow tap ijty tu'uk akëëytyuk mëti'ipë kepy mëët y'oytyunyëtyën.

Ezequiel 41:26

Ma ja pya'ajën aaktam nyi'ëwa'atsajtën, nän yë'ë jam këxkojy yë tsajpjotmëtë kukäjpxy ets tëëxykyepy. Näyjyëtu'un ijty ja tëjk mëti'ipë na'ëwtity kojyën ets maajaty yajnitëkën.

Ezequiel 41:3

Ënet jap tyëjkëy ma ja jaakwa'atspë it ets tkijpxtaay ja xeny mëti'ipë ja tsajptëjk pya'tënääpyën ma ja tëjkëtyaknën, jä'ä myäjpxyëty mäjtsk kë'ënux; ja tëjk'aaw jä'ä myäjpxyëty mäjtsk xajpk ets ja myäjpxyajtën ja tëjkëtyakn mäjtsk xajpk ja tu'kkë'ënux.

Ezequiel 42:3

Tu'k'it jap kyuye'eyë tëja'ptsow mëti'ipë jootjotyën, tëtujk xajpk ja mäjtsk kë'ënux myëjwiinëty ets tu'k'it tëja'ptsow nyijkxy ma ja tsaawinwaapën. Tëkëëk nikë'ë ja tëjk, jaakmëjjëp ja nyitëjkëtyakn, ka'ap jyëtu'unëty ja ëpa'tkë'ëypyën.

Juan 5:2

Jam ijty tu'uk ja tëjk'aaw mëti'ipë xyëëwajtypyën Kupixyny Tëjk Aaw ets jam tu'uk ja nëë apojtsë'ëky, Betesda yajtijy hebreo ayuk, mëkoxk ja nyitëjk'aaw.

1 Corintios 13:12

Näyjyëtu'un tyam ja Dios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënety ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Dios të nijawën koos njääjëty.

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.