Ezequiel 4:9 - Biblia Dc en Mixe de Quetzaltepec

⁹ Ets xy'oytyunëty yë mkääky mjë'kxy, yë'ë mëët xy'oytyunëty yë tsajpmok, cebadë, mijë, avenë, mëj xëjk ets mutsk xëjk; tu'ukyë xy'apëjkmujkta'ajëty ets xyaj'oyëty yë mkääky mjë'kxy. Yë'ë mjë'kxëp tëkëëk mëko'px ja majkta'px majk xëëw ma jam myajpaata'anyën ko'knë anajnytsyow.

Biblia Mixe de Quetzaltepec

⁹ Ets xy'oytyunëty yë mkääky mjë'kxy, yë'ë mëët xy'oytyunëty yë tsajpmok, cebadë, mijë, avenë, mëj xëjk ets mutsk xëjk; tu'ukyë xy'apëjkmujkta'ajëty ets xyaj'oyëty yë mkääky mjë'kxy. Yë'ë mjë'kxëp tëkëëk mëko'px ja majkta'px majk xëëw ma jam myajpaata'anyën ko'knë anajnytsyow.

Ezequiel 4:9 ပူးပေါင်းရင်းမြစ်များ

Ezequiel 4:16

Ënätës näjyëtu'un xy'ënëmaay ok: Ëjts nyaj'akëxëjäämpyës yë jë'kxy pëky jam Jerusalén. Wäänjaty nëjkx yë ja'ay kyäytyë y'uuktë mëët yë monyëtukyë ets kijpxtä'äky ja nëë t'uuktëty mëët ja tsë'ëkë.

Ezequiel 4:13

Tä ja Dios ojts jyaak'ëna'any: Yë'ë jëtu'unpë ja jë'kxy pëky ëxëëkpë jyë'kxantëp ja Israel ja'ayëty, wiink naax wiink kajpn ma ënety tsum matsy nkäxtënës.

Isaías 28:25

Ko ja nyaax tëë yajxon t'oytyuunta'ay, yë'ë jëyëjp nyipy yë eneldo ëkë cominë, tääts tni'ipy ok yë tsajpmok, ëpëky tnitajë, e jam kampë'am tukpa'aniipë yë cebadë ets centeno.

Génesis 25:34

Tä ja Jacob tmooy yë kääky tojkx ja y'äjty Esaú. Ja Esaú akujk jotkujk kyääytyääy y'uktaay ets pyëtë'knë ni tkamëmay tkamëtajy jënu'untën ënety tsyowpaaty ja kyä'äxkopk'ajtën.

Éxodo 9:32

E yë tsajpmok ets tu'uk ja ujts mëti'ipë xyëëwajtypyën centeno, ka'ap ojts tii jyatëtë jä'ä ko ok ojts myuxtë.