Ezequiel 38:21 - Biblia Dc en Mixe de Quetzaltepec

^21-22 Ma Gog kajpnën nyajminäämpyës yë ëyo'on jotmay atsë'ëk ajawëpë, ntëytyunäämpyës mëët yë pa'am ëyo'on ets o'kën tëko'oyën mëkpë tsaatsypë. Ma yë'ëjën mëët yë tsyiptuunpëtëjk ets naax kajpn mëti'ipë putëjkëyëpën nyajkomtu'ujäämpyës, nyajtëtsntu'ujäämpyës ets nyajtu'ujäämpyës yë jëën mëti'ipë tsääpy no'kpën ets nëjkx yë tsyiptuunpëtëjk nyänyipëtë'ëkyë aakyë'ë mëët yë tëypyujxn. Ëjts Wintsën, ëjts ënaanp.

Biblia Mixe de Quetzaltepec

^21-22 Ma Gog kajpnën nyajminäämpyës yë ëyo'on jotmay atsë'ëk ajawëpë, ntëytyunäämpyës mëët yë pa'am ëyo'on ets o'kën tëko'oyën mëkpë tsaatsypë. Ma yë'ëjën mëët yë tsyiptuunpëtëjk ets naax kajpn mëti'ipë putëjkëyëpën nyajkomtu'ujäämpyës, nyajtëtsntu'ujäämpyës ets nyajtu'ujäämpyës yë jëën mëti'ipë tsääpy no'kpën ets nëjkx yë tsyiptuunpëtëjk nyänyipëtë'ëkyë aakyë'ë mëët yë tëypyujxn. Ëjts Wintsën, ëjts ënaanp.

Ezequiel 38:21 ပူးပေါင်းရင်းမြစ်များ

Hageo 2:22

nyajkutëkoyäämpyës yë yajkutujkpëtëjk naaxwiinypë ets nyajkujijnaxa'anyës yë pyo'kxtaknëty; nyajma'atäämpyës yë pyujxn wintëkäämpëty mëti'ipë myëtsiptuuntëpën etsës nyajkënajxta'aja'any mëti'ipë jam ënyääytyëpën ets y'o'kta'atëty yë kyëwaayëty ets mëti'ipë këwaaytyuk'ënyääytyëpën; nitu'ukjaty aakyë'ë nëjkx kyupuxëtë yë myëkä'äxtëjkëty.

Ezequiel 14:17

E koos njaakyaj'itëty yë tsip ma tääpë kajpnën ets nyajkutukëtyës wä'än t'o'kta'atë yë ye'etyëjktëjkëty ets jëyujkëty,

Jueces 7:22

ja nitëkëëk mëko'pxpë ja Israel ja'ayëty ni'ikë ja jyänty xyuux'ëtë'ëtstë, mëti'ipë tyukxuxtëpën ja tsajppaxwaj, ja Wintsën ojts kë'ëm tuknipëjktaakë ets ja Madián ja'ayëty tyëkëtëty tsiptuunpë aakyë'ë, yë Wintsën yë'ë ojts tuknipëjktaakë ets kyä'äktëty jampaat ma txëëwatyën Bet-sita, matsow yajninëjkxyën ja Sererá kajpn ets jampaat ma ja tsyëpa'an nyäxyën ja Abel-meholá winkon jam Tabat.

2 Crónicas 20:23

Jä'ä ko ja Moab ja'ayëty ets ja Amón ja'ayëty ni'ikyë ojts tnipëtë'knëtë ja Seir ja'ayëty, mëti'ipë jam tso'ontëpën, ko tyaj'o'ktaaytyë tääts aakyë'ë nyänyiwa'këtyë ets nyäyaj'o'këtë jaxim jayam.

1 Samuel 14:20

Tä ja Saúl mëët ja tsyiptuunpëtëjk tnipëtë'ktë ja filistejë ja'ayëty, tyamts ja filistejë ja'ayëty ni'ikyë nyäy'ijxmajts'taayënëtë ets aakyë'ë nyäyaj'o'kënëtë.

Salmos 105:16

Ojts tyaj'ity yë yuu xëëw ma tääpë it naaxwiinyëtën, ets tjëpëjktaay tëkokyë yë jë'kxy pëky.

Isaías 66:16

Yë Wintsën, jëën yajtunäämpy ko ënety tuny ja nipaye'eyën ets tukwinmëtoowa'any ja naax kajpn ja nyëë pyoky, tëypyujxn nëjkx tyajtuny ets tkupujxa'any may ja ja'ay.

Jeremias 25:29

Jä'ä ko jamës nyajtso'onta'aka'any yë ëyo'on jotmay ma ja kajpnën mëti'ipës ojts ëjts njayajtuknikënu'kxën. ¿E miits m'ënantëp ko ka'ap myajtëytyuntëtyë? Miitsëty ka'ap myajnimä'kxa'antë, jä'ä ko nyajtso'onta'akäämpyës yë tsip ma tëkokyë yë naax kajpn yajpaatën. Ëjts Wintsën mëti'ipë maaytyääyëpën winë, ëjts ënaanp.

Zacarías 14:13

Jä'ä xëëw mëktsë'ëkë nëjkx jää nyäxy. Nëjkxëp ja ja'ay ja myëku'uk ja kyë'ë tmajtsë ets nëjkx nyänyipëtë'ëkëtë nixim niyam.