Ezequiel 38:2 - Biblia Dc en Mixe de Quetzaltepec

² Mijts ye'etyëjk, Nikajpx ëjts nxëëwkyëjxmës ko yë Magog yë nyaax kyajpn ëxëëk jyata'any kyëpäta'any ets xynyimëtya'akëty ëjts nxëëwkyëjxmës tii ëyo'on yë Gog pyatäämpyën, mëti'ipë wintsën ijtpën ma tsiptuunpëtëjkëtyën jam Mésec ets Tubal.

Biblia Mixe de Quetzaltepec

² Mijts ye'etyëjk, Nikajpx ëjts nxëëwkyëjxmës ko yë Magog yë nyaax kyajpn ëxëëk jyata'any kyëpäta'any ets xynyimëtya'akëty ëjts nxëëwkyëjxmës tii ëyo'on yë Gog pyatäämpyën, mëti'ipë wintsën ijtpën ma tsiptuunpëtëjkëtyën jam Mésec ets Tubal.

Ezequiel 38:2 ပူးပေါင်းရင်းမြစ်များ

Ezequiel 39:1

Mijts ye'etyëjk, tukmëmëtya'ak yë Gog ëjts nxëëwkyëjxmës, jëtu'un xy'ënëëmëty: Jëtu'un yë Wintsën y'ënä'äny: Gog, mëti'ipë mëj wintsën'ajtpën jam Mésec ets Tubal, mmëtsipës yam n'awinpity ma mijtsën.

Ezequiel 38:3

Jëtu'un xy'ënëëmëty: Jëtu'un y'ënä'äny yë Wintsën: Mijts Gog, mëti'ipë tsiptuunpë wintsën ijtpën ma Mésec ets Tubalën, mmëtsip yam nänyikäjpxyës ma mijtsën.

Ezequiel 27:13

Näyjyëtu'un yë Grecië ja'ayëty, Tubal ja'ayëty ets Mésec ja'ayëty ojts myintë ma mijtsën ajuuy ato'kpë, yë'ë mmooyë ja'ay mëti'ipë mëtuuntëpën ets tsuxkpujxn.

Génesis 10:2

Ya'atë ojts t'u'unk'aty t'ëna'k'aty yë Jafed mëti'ipë xyëëwajtën Gómer, Magog, Madai, Javán, Tubal, Mésec ets Tiras.

Ezequiel 6:2

Najts'ixë jam ma Israel tyun kyopkën ets xymyëmëtya'akëty ëjts nxëëwkyëjxmës,

Ezequiel 2:1

Ënätës të nmëtoy tu'uk ja ja'ay kyäjpxy etsës të xy'ënëëmë: Mijts naaxwiinyëtë ja'ay, wa'kukë, tyam nmëmëtya'aka'any.

Ezequiel 39:11

Ntuknikääkëjäämpyës yë Gog tu'uk yë itjot jam Israel, ma yajtijyën Jëtijtpë ja'ay ja Jyoy jot, mejywyintuuypyë yajpaatyën ets jam nyaaxtëkëty. Ma tääpë itjotmën ka'ap nëjkx jam pën nyäxy, jamts yë Gog nyaaxtëkëty mëët tu'kë'ëyë tsyiptuunpëtëjk ets nëjkx txëëwmo'otë, Gog ets Tsyiptuunpëtëjk Joy jot.

Ezequiel 39:6

Jëënës ntuknikäxäämpy yë Magog kajpn ets kajpn nëëpë'aaypyë yajpaatën ma ja'ay akujk jotkujk jyuuky'atën. Ënet nëjkx tnijawëtë ko ëjts Wintsënajtp.

Ezequiel 32:26

Xim ja Mésec ets ja Tubal, mëët nitëkokyë yë tsyiptuunpëtëjkëty, yë'ë nyapikëtyëp ja jyutëty. Aakjam të y'o'kta'atë tsipjotm, mëti'ipë ka'ap yë Wintsën të t'ëwtatën jap naaxpa'tkë'p të kyëtakta'atë. Tëë t'ëtsë'ëkëtë ja'ay mëti'ipë ënety juuky yajpatëpën.

Ezequiel 25:2

Mijts ye'etyëjk, nëjkx jam ma Amón ja'ayëtyën ets xytyukmëmëtya'aktëty ëjts nxëëwkyëjxmës wi'ix ëxëëk jyata'an kyëpäta'antën.

Ezequiel 20:46

Mijts ye'etyëjk, nëjkx jam ëpa'tkë'ëmtsow; nëjkx jam mëtyä'äky, ëjts yë nxëëw mtukajpxpätëp yë'ë mnikajpxëp mnimëtya'akëp wi'ix jyata'anyën yë yuk it ëpa'tkë'ëmtsowpë yajpaatyën,

Isaías 66:19

Ëjts nëjkx ntuknijawëtë: Ets nitu'uk nimäjtsk kyä'äktëty, tam mëti'ipë nëjkxaanpën Tarsis, Libië, Lidia, Grecië, Tubal ets jampaat ma ja naax kajpnën mejypyë'aaypyë; ma ka'ap pën tmëtoynyëmën ëjts yë nxëëw ets ka'ap pën t'ixynyënëm yë nmëj'ajt n'oyajtënës; yë'ë nëjkx tnikajpx tnimëtya'aktë ja nmëj'ajt n'oyajtënës. Jam Lidia aak tyukjajtyp ijty yë ja'ay tyajtunëty yë ti'pxn.

1 Crónicas 1:5

Jä'ä Jafed y'u'unk y'ëna'k xyëëwajtë: Gómer, Magog, Madai, Javán, Tubal, Mésec ets Tirás.

Salmos 120:5

Janty mon janty tukës nyajpaaty, koos jaaypyaat jaaypyo'kxyënës nyajpaaty ma Mésec y'itjotmën, jamës të ntsënaaytyaknpëky Cedar.

Ezequiel 38:1

Ënet ja Dios ojts xymyëkäjpxyës ets xy'ënëmaayës:

Ezequiel 38:14

E oy, ka'ap wyi'ixëty, mëmëtya'ak yë Gog ëjts nxëëwkyëjxmës ets xy'ënëëmëty: Jëtu'un yë Wintsën y'ënä'äny: Ko yë Israel kajpn ënety jotkujk yajpaaty, ënät xynyitsoonëty.