Ezequiel 38:16 - Biblia Dc en Mixe de Quetzaltepec

¹⁶ Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Biblia Mixe de Quetzaltepec

¹⁶ Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Ezequiel 38:16 ပူးပေါင်းရင်းမြစ်များ

2 Reyes 19:19

E tyam mijts myaj'amëtoy myajpëjktsoy Wintsën, ma mijts myaj'ëwtatyën, koos xynyiwaantu'utëty ets ëwaatsëtuuy xyajwë'ëmtëtyës këtiipës tääpë ja'ayëty ëxëëk xytyuntëty, jëtu'un tëkokyë ja naax kajpn tnijawëtëty ko mijts tu'uk mWintsën, mëti'ipë mëpaat yë naaxwiinyëtë ja'ay t'ëwtatyën.

Éxodo 14:18

Koos ënety jëtu'un të nyajkëxë'ëky ja nmëj'ajtënës ma ja mëj'ënä'ämpën, mëët nitëkokyë ja tsyiptuunpëtëjk ets ja kyepywyintëkäämpëty ets ja kyëwaayëty, ënätnëm nëjkx ja Egiptë ja'ayëty y'ëna'antë ko janty ëjtstëm jëtu'un Wintsën.

Éxodo 14:4

E ëjts tëëjës kë'ëm ntuknipëjktaakë ets mëj'ënä'ämpë yë mëkwinma'any tpaatëty ets mpapo'ojëtëty, ëjts ntuk'ixäämpyës yam yë nmëj'ajtënës ets tëkokyë yë tsyiptuunpëtëjkëty, jëtu'un nijawëtëty yë Egiptë ja'ayëty ko ëjts Wintsën. Yë Israel ja'ayëty jëtu'un ojts tjantytyuntë.

Isaías 2:2

Tsojk yajnijawëja'any jëna'a jotkujk yajpaata'anyën ja Sión kopk, ma ja Wintsën ja tsyajptëjk yajpaatyën. Jää nëjkx myintë may ja ja'ayëty.

Isaías 29:23

Ko ënety ja y'u'unk y'ok t'ixtë wi'ixës winë të ntunyën ma ja nyaax kyajpnëtyën, ënät nëjkx t'ijxpaatë ja nwa'ats'ajtënës ets nëjkxëpës xywyinkutsë'ëkëtë, maas ëjts nxëëwatyën Dios mëti'ipë Israel ja'ayëty kyënu'kxyjya'awëtëpën.

Isaías 5:16

Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënety winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënety mëtëy winë tuny.

Isaías 8:13

Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.

Ezequiel 20:41

Ko ënety nwoowmujkta'atës ets nyatso'onta'atës maajaty tyam yajpaatën wiink kë'ëy wiink kajpn, nëjkxëpës nyajnikëxë'ëkëty wi'ixës mëtëy tii ntunyën ma miitsëtyën ets ma wiinkëtypë naax kajpnën, ënät nkupëkëtyës ja mwintsë'kënëty oypyë xyuuky jyokyën.

Ezequiel 28:22

Jëtu'un xy'ënëëmëty: Ya'atë yë Wintsën të tkäjpxy: Ëjts mmëtsipës yam n'awinpity ma mijtsën Sidón kajpn; ëjts mëj'äämpyës naxa'any ma mijtsën. Ko ënety mijts myajnitëkë maas nyaj'ixa'anyën ja nmëj'ajtënës ets nwa'ats'ajtënës, ënät nëjkx yajnijawë ko ëjts Wintsën.

Ezequiel 36:23

Yë'ë yam ntuk'ixäämpyës yë naax kajpn wi'ixës yë nxëëw wya'atsëtyën, mëti'ipë miitsëty të xynyi'ojëtën ma tääpë naax kajpnëtyën; koos ënety ntuny ja nmëj'ajtënës ënät nëjkx tnijawëtë ko ëjts Wintsën. Ëjts Wintsën, ëjts ënaanp.

Ezequiel 38:23

Jëtu'un may yë naax kajpn ntuk'ixa'anyës ko ëjts mëjës ets wa'atsës. Ëjts näynyikëxë'ëkanëpës ma yë'ëjëtyën ets nëjkxëp tnijawëtë ko ëjts Wintsën.

Ezequiel 39:21

Jëtu'un nëjkx ntuk'ixyës yë nmëj'ajt n'oyajtënës wiinkpë naax kajpn. Tëkokyë wiinkëtypë naax kajpn nëjkxëp t'ixtë wi'ixës të mpaye'eyën ja tëko'oyën ets wi'ixës të ntëy tyuntën.

Ezequiel 39:7

Ëjts ntsojkpyës ets nxëëwës wa'atspë yajnijawëty ma Israel kajpnën ets ka'apës nkupëka'any ets nëxi'iky tukxi'iky wyë'ëmëty. Nëjkxëp wiinkëtypë naax kajpn tnijawë ko ëjts wa'atsës yë nxëëw nyaj'ity ma Israel.

Daniel 10:14

E paatyës të nminy ets ntukmëmëtya'aka'any tii tunan jatanëpën ma mnaax mkajpnën, yë kuma'ay mëti'ipë të xy'ixyën yë'ë nyikäjpxyp mëti'ipë tunan jatanëpën ma mnaax mkajpnën.

Daniel 2:28

Tu'uk jää je'eyë Dios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënety jam myä'äy.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Joel 3:11

Tëkokyë miitsëty naax kajpnëty jënu'un mnämyëwinkon'atëtën, jotëkoytyë, min mtu'ukmuktë. Ja ja'ay mëti'ipë ka'ap ja jëën tsip tsokyën jä'ä tyam awinpijtp tsiptuunpë.

Miqueas 4:1

Ko tpaatëty ja xëëw jëmëjt, jam nëjkx kopkkëjxm tu'ukyë yajpaaty ja Wintsën ja jyëën tyëjk. Ja kopk, mëti'ipë ni'ik këjxmën këtiinëm jyëtu'unëty ja wiinkëtypë kopk. Ets nëjkx jam myiinta'atë wiinkëtypë naax kajpn;

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

1 Timoteo 4:1

Wa'ats ja Kënu'kxymyëkajtën tnikäjpxy ko ja ja'ay t'ëxmatsa'antë ja mëpëjkën ko ënety ja tiempo kyëxanë, yë'ë pyatunantëp ja ijxpëjkën ka'apë myëtëyëtyën mëti'ipë ku'oypyë jyä'ä'ajtypyën.

2 Timoteo 3:1

Timoteo, mnijawëp näjyëtu'un ko tpatnëty ja tiempo ma ja Wintsën Jesukristë myina'anyën, tsip jää nëjkx y'ijnë ja xëëw jëmëjt.

Apocalipsis 20:9

Ënet t'aye'eytyääytyë mapaat ja naaxwiinyëtë y'ëwëtityën ets tyajnatujktaaytyë maajaty yajpaatën mëti'ipë ja Dios kajpn'ajtëtëpën, ja kajpn mëti'ipë Dios tsyojkpyën. E Dios yajkëtak ja jëën tsajpjotmëpë mëti'ipë yaj'o'ktaayëtën.