Ezequiel 38:13 - Biblia Dc en Mixe de Quetzaltepec

¹³ Nëjkxëp myajtëyë yë Sabá ja'ayëty ets Dedán ja'ayëty ets ajuuy ato'kpë mëti'ipë jam Tarsis kukajpnajtëpën: ¿Mä'tspën të mminyë? ¿Paatykyëjxmën të xyajmuky yë mtsiptuunpëtëjk ets xyajpëtsëma'any winë ets xymyäätsa'any yë pu'ts pujxn ets poop pujxn; jëyujk tsajpkaa ets tëkokyë mëti'ipë myëët'ajtëpën?

Biblia Mixe de Quetzaltepec

¹³ Nëjkxëp myajtëyë yë Sabá ja'ayëty ets Dedán ja'ayëty ets ajuuy ato'kpë mëti'ipë jam Tarsis kukajpnajtëpën: ¿Mä'tspën të mminyë? ¿Paatykyëjxmën të xyajmuky yë mtsiptuunpëtëjk ets xyajpëtsëma'any winë ets xymyäätsa'any yë pu'ts pujxn ets poop pujxn; jëyujk tsajpkaa ets tëkokyë mëti'ipë myëët'ajtëpën?

Ezequiel 38:13 ပူးပေါင်းရင်းမြစ်များ

Ezequiel 27:15

Yë Rodës ja'ayëty ajuuy ato'ktëp ijty mëët mijts. M'ajuuy m'ato'kp ijty mëët may yë kajpn mëti'ipë yajpatëpën mejypyë'aay ets yë'ë ijty mtukmëjuuyëp yë elefantë pajk ets oy kepy.

Ezequiel 32:2

Yë'ë ya'atë aaw ayuk mtukkuuy'ëwëp yë Egiptëpë yajkutujkpë: Jëtu'un m'ëtë'ëtsy m'ëna'any kaajën ma naax kajpnën; tä tu'uk mëj jëyujkën nëëjotypë tsyëënën: Ko mkuyuny ma mkë'ëm mëjnëëjën, mëët yë mteky xyaj'ëxëëkë yë nëë ets xyajki'ixkë yë nëëkap.

Ezequiel 27:25

Kanaak ijty yë kepy nëëwinye'epyë nyäxy tyëkë, tyajminy kanaakjëjp yë juy tooky ma mijtsën. Jëtu'un ijty mijts tä tu'uk yë kepy nëëwinye'epyë nëëwinkëjxypyë yajpaatyën, ujts mëët yë juy tooky

Ezequiel 27:20

Yë Dedán ajuuy ato'kp ijty mëët mijts, yë'ë ijty mëët xywyinkupëky yë ënyääypyäjn mëti'ipë tuunpën ma kwaayën.

Ezequiel 27:12

Nëkooyë ijty mkumeeny'ajnë, yë'ëpaat yë Tarsis ja'ayëty ojts myiinëtë ajuupyë ma mijtsën ets ojts mo'oyë yë poop pujxn, pu'ts pujxn, juunpujxn, poopyëk pujxn ets yu'unk pujxn.

Ezequiel 25:13

Paaty ëjts maas nWintsën'atyën n'ëna'any, ëjts Wintsën: Nnipëtë'ëkäämpyës yë Edom ja'ay ets nyajkutëkoyä'änyës tëkokyë yë ye'etyëjktëjk ets jyëyujk tsyajpkaajëty. Axit ako'owës ntuunta'aja'any yë nyaax kyajpnëty. Tsyo'onta'akëty jam Temán ets jyëjpkëxëty jam Dedán, aak kupuxy y'o'kta'aja'antë.

Jeremias 51:38

Aakjëtu'un myu'uja'antë kaajën ets y'ëjëja'antë kaa u'unkën.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Zacarías 11:3

Mëk jyë'ëtë ya'axtë yë kupixyny këwent'ajtpëty, jä'ä ko tëë kyutëkoy ja oyëtypë ja mëëykyam ujtskam. Yë kaa je'eyë jyaak yä'äxy jyaak joky, jä'ä ko tëë y'atëkoy ja ujtsjot kepyjyot mëti'ipë jamën Jordán.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

Jeremias 15:13

Mëëtkyëjxm ko mijts Israel tëë mtëkoy, paaty ja mmëtsiptëjk yë'ë nmo'oja'anyës ja mwit meeny ets tëkokyë mëti'ipë mmëët'ajtypyën jap pëjkë'ëky, tëkokyë mëti'ipë yajpatpën ma m'itjotm mnaaxjotmën, yë mëtsip yë'ë myënëjkxta'ajäämpy namëyajtën.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Joel 3:8

Ntookäämpyës yam yë m'u'unk m'ëna'këty ma jutië ja'ayëtyën ets yë'ë to'knaxtëty ma sabejë ja'ayëtyën, mëti'ipë wiink naaxwiinyëtë juuky'ajtëpën. Ëjts Wintsën, ëjts ënaanp.