Ezequiel 37:9 - Biblia Dc en Mixe de Quetzaltepec

⁹ Ënet ja Wintsën xy'ënëmaayës: Mëkajpx ëjts nxëëwkyëjxmës ja xejy mëti'ipë yajjuuky'ajtpën ets xy'ënëëmëty: Jëtu'un yë Wintsën y'ënä'äny: Xejy mëti'ipë yajjuuky'ajtpën, mintë anëkëjxytsyow, ëpa'tkë'ëytsyow, a'oytsyow ets anajnytsyow ets mo'o juukyajtën ya'atë jot nini'kx tëëpë y'ooktën tyëkoytyën.

Biblia Mixe de Quetzaltepec

⁹ Ënät ja Wintsën xy'ënëmaayës: Mëkajpx ëjts nxëëwkyëjxmës ja xejy mëti'ipë yajjuuky'ajtpën ets xy'ënëëmëty: Jëtu'un yë Wintsën y'ënä'äny: Xejy mëti'ipë yajjuuky'ajtpën, mintë anëkëjxytsyow, ëpa'tkë'ëytsyow, a'oytsyow ets anajnytsyow ets mo'o juukyajtën ya'atë jot nini'kx tëëpë y'ooktën tyëkoytyën.

Ezequiel 37:9 ပူးပေါင်းရင်းမြစ်များ

Juan 3:8

Yë poj, pojp oymyaajëty, ets oy jyayajmëtoy ko y'amu'uy; ka'ap yajnijawë maa tsyoony ets maa nyijkx; näjyëtu'un yë'ëjëty mëti'ipë mëxu'unk'ajtëpën jatëkok ka'ap yaj'ixtë.

Cantares 4:16

Mijts poj mëti'ipë anëkëjxytsyow tso'onpën ëkwij. Mijts poj mëti'ipë ëpa'tkë'ëytsyow tso'onpën Min yaatsow. Pojtë jam maas yë mpëjykyamën ets xyajpojwa'kxtëty yë pa'akxu'k pa'ak jojkën. Min mijts ye'etyëjk, mëti'ipës ntsojkpy nja'apën, ma mpëjykyamën ets xyjyë'kxëty mëti'ipë jam mkamjotm ijtp wintëëpën.

Ezequiel 37:14

Ëjts miitsëty nmo'ojantëp yë xejy mëti'ipë yajjuuky'ajtpën ets mjuuky'ajtwinpitëty; ets nëjkx mpëjkta'aktë ma mkë'ëmnaax mkë'ëmkajpnëtyën. Ënet xynyijawëtëty ko ëjts Wintsën, tëëjës nikäjpxy ets tëëjës jëtu'un winë ntuny tääjës të nikäjpxyën. Ëjts Wintsën ëjts ënaanp.

Ezequiel 37:5

Jëtu'un yë Wintsën m'ënë'ëmxëtë: Tyam jatëkok yë xejy nmo'oja'antë mëti'ipë yajjuuky'ajtpën ets mjuukpyëktëty.

Salmos 104:30

E ko mijts xykyexy yë juukpyoj mëti'ipë yajjuuky'ajtpën, ënät winë jyuuky'ajtpëky ets y'ajämë yë naaxwiinyëtë yë y'ijxën.

Apocalipsis 10:11

Ënet xynyëmaaytyës: Kopkpëky ko xykyajpxwa'kxëty ja Dios ja y'aaw y'ayuk, ma ja ja'ayëtyën mëti'ipë yajpatëpën naaxwiinyëtë apëtsëmy, ma mëti'ipë kyajpxtëpën kanaakpëky ja aaw ayuk ets maajaty ja ënä'ämpë kutujkpën.

Apocalipsis 11:11

E ko mëtëkëëk xëëw ja kujkm ënety të nyäxy, ënät ja Dios të yajjuukpyëkëtë ets jatëkok të pyëtë'ëktë e mëti'ipë të t'ixtën yajxon të tsyë'kënëtë.

Ezequiel 37:4

Ënet ja Wintsën xy'ënëmaayës: Mëkajpx tääpë pajk ëjts nxëëwkyëjxmës. Ets xy'ënëëmëty: Miitsëty maypyajk tëëpë nyitëtstu'utën, mëtoow'itë ja Wintsën ja y'aaw y'ayuk.

Ezequiel 37:8

Etsës n'ijxy ko nyini'kx ets ja y'eemy tpëjktaaytyë ets nyitujktaaytyë mëët ja ni'ak. Je'eyëp ko ka'ap xyäjtë.

Daniel 11:4

E ma ënety të tyajkopkpëkyën ja kyutujktakn, jää nëjkx ja kyutujktakn yaj'ëxwa'any ets taxkpëky nëjkx nyäwyä'kxyë. Yë kuttujkën mëti'ipë ënety myëët'ajtypyën ja yajkutujkpë ka'ap nëjkx ja y'u'unk y'ok t'ëkjä'ä'ajnë ets nän ka'ap nëjkx ja kuttujkën mëk y'ëkyajpatnë tä ënety të pya'tkë'p'atyën, jä'ä nëjkxëp nyäwya'kxënë ets wiinkëtypë ja'ay nëjkx jam y'ënä'ämnë.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Zacarías 6:5

Ënet ja tsajpjotmëtë kukäjpxy xy'ëtsooyës: Tyaapë yë'ë mëti'ipë taxkpëky tsoonaanpën Wintsën wyintum ets t'aye'eya'antë yë naaxwiinyëtë.