Ezequiel 36:3 - Biblia Dc en Mixe de Quetzaltepec

³ E oy ko jyëtu'unëty, mëmëtya'ak ëjts nxëëwkyëjxmës: Jëtu'un yë Wintsën y'ënä'äny: Xiitsow yaatsow myajnipëtë'ëktë ets m'ooktëty; tëkokyë yë naax kajpn wiinktsowpë tsyoontën tëë tniwa'kta'atë yë mnaax mkajpn ets je'eyë mnëxi'ik mtukxi'ikëtë ets ëxëëk mtunëtë.

Biblia Mixe de Quetzaltepec

³ E oy ko jyëtu'unëty, mëmëtya'ak ëjts nxëëwkyëjxmës: Jëtu'un yë Wintsën y'ënä'äny: Xiitsow yaatsow myajnipëtë'ëktë ets m'ooktëty; tëkokyë yë naax kajpn wiinktsowpë tsyoontën tëë tniwa'kta'atë yë mnaax mkajpn ets je'eyë mnëxi'ik mtukxi'ikëtë ets ëxëëk mtunëtë.

Ezequiel 36:3 ပူးပေါင်းရင်းမြစ်များ

Jeremias 18:16

ets anë'ëk tëëtsë'ëk ja nyaax kyajpn të tyaj'awinpity, je'eyë yajnimony yajnituky. Ko ja'ay jam nyaxtë, je'eyë kyëpajk tjëpiptë jä'ä ko ka'ap tja'akyukëtë tii ko o'ktëy ja naax kajpn jyajnë.

1 Corintios 4:13

Koos tsaaty ma'at nyajmëkajpxtë, ëëtsëty oyës n'ëtsowtë. Jëtu'unës tyampaat nyaj'ixtë ijxtëm ja pu'uxmën naaxwiiny, ijxtëm ja ja'ayën mëti'ipë ka'ap tii tkëjxmëtyën.

Daniel 9:16

Ëëtsëty nija'awëtyëpës ko mijts Wintsën, oy yë jot winma'any xymyëëtëty. Tun yë mëyajtën jëpëk yë mtsip m'äkë jam Jerusalén, jä'ä ko yë'ë mijts mkajpn'ajtyp ets jam yajpaaty ja kopk wa'atspë. Tëkokyë yë ja'ayëty mëti'ipë mëët yë Jerusalén kajpn nyämyëwinkon'atyën aak je'eyë tnëxi'ik tukxi'iktë yë Jerusalén kajpn, mëti'ipë mijts mkajpn'ajtypyën, mëët ko ëëtsëty të ntëkoytyë ets ko ojts pyokytyuntë ja n'ap n'okëtyës.

Ezequiel 13:10

Yë'ëjëty tëë twin'ëëntë yë nnaax nkajpnës, ko y'ëna'antë ko oy winë tyu'uye'ey ma naax kajpnën ets ka'ap jyëtu'unëty. Jëtu'un të y'ëtë'ëtstë tä ja'ay tu'uk yë potsy tyaj'oyën oywyi'ix ets jaam tuknikoy.

Lamentaciones 2:5

Jëtu'un yë Wintsën të y'ëti'itsy mëtsipën; tëë tyajkutëkoy yë Israel, tëë tyajjijtë'kta'ay yë kyutujkëntëjk, tëë tyajkutëkooytyä'äy yë kyajpn mëti'ipë ta'tspëky ets këwent'aty, ijtpën ets të tukpata'ay ja Judá ja ëyo'on jotmay.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënety ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Jeremias 52:1

Jä'ä ënety yë Sedequías yë jyëmëjt I'px tu'uk, ko tyëjkëy yajkutujkpë jam Jerusalén, jä'ä yajkutujky majktu'uk jëmëjt. Hamutal ijty yë tyaak xyëëwajtyp, yë'ë Jeremías yë nyëëx, jam Libná kyukajpnëty.

Jeremias 51:34

Jëtu'un yë Jerusalén ja'ay y'ëna'antë, mëti'ipë Sión kajpn'ajtpën: Nabucodonosor, Babilonyë yajkutujkpë, piw nuukës të xytyuunta'ay etsës të xytsyu'utsy të xywyitsy; jëtu'unës të xy'ëxmatsy tä texyën mëti'ipë tukwa'atsën. Jëtu'unës të xyjyiiny tä mëj jëyujkën nëëjotypë tsyëënën; të nyäyaj'utsy nyäyajku'uxyë mëët yë njot nini'kxës; e mëti'ipë të tka'ëktsojknën, jëtu'unyë të tniye'eytyu'uty. Wä'än yë Babilonyë tkukëpety ijxtëmës të xytyunyën.

Jeremias 33:24

¿Tëë xymyëtoy ko ja'ay y'ëna'antë ko ëjts tëëjës n'ëxmajtsnë ja nimäjtskpë ja kutujktakn mëti'ipës ojts nwin'ixyënë? Paatykyëjxm t'ëxëëk'ijxnëtë ja nnaax nkajpnës ets ka'ap t'ëk'mëj'ijxnëtë ko nyaax kyajpnëty.

Jeremias 24:9

Ëjts nyajkutukäämpy ets wiinkëtypë naax kajpn y'ëxëëk'ixëtëty mëti'ipë wiink naaxwiinyëtë yajpatëpën ets ijxpät wya'anëty ko ënety ëxëëk të jyatë, ko ënety ni pën kyatsokëtë, ko ënety ja'ay y'ëxëëk'ixëtë ets ko ënety të yajpoktë ma tu'kë'ëyë ja naax kajpnën ma awojpwä'kxy y'itën.

Proverbios 1:12

Ajotkumonë nyaj'o'kmëty mëti'ipë oy juuky'ajtëpën, jëtu'un tä yë o'kën tëko'oyën janty ku'uxyë nyäjyawëtyën ko pën jap kyä'äy o'kpëjutjoty.

Salmos 79:10

Ka'ap tjëkyepy ets tääpë ja'ayëty mëti'ipë ka'ap të t'ëwtatyën y'ëna'antëty: ¿ma ënät ja mTios? Tuk'ijxtëk ëëtsëty näjyëtu'un wi'ix ëxëëk jyatën kyëpätën ja ja'ayëty mëti'ipë të tyaj'ooktën ja mtuunpëtëjk. Wä'än tnijawëtë ja'ayëty mëti'ipë ka'ap Dios t'ëwtatën.

Salmos 69:12

Aak ëjts yë ja'ay xy'ëëwpat xykyajpxpatp oymyaajëty, ets ëmu'ukyë ja'ay tëës xyaj'ëypyëtsëëmnëtë.

Salmos 61:1

Dios mëti'ipës nTios'ajtypyën, mëtow wi'ixës nmëjë'ëy nmëyä'äxyën yë npëjkën n'ijxënës, mëtow yë ntsajpkäjpxyës.

Salmos 35:25

Këtii xykyupëkëty ets y'ëna'antëty: Jëtu'un yajtsoky jyatëty kyëpätëty. Këtii xykyupëkëty ets y'ëna'antëty: Tëë yajxon ëxëëk ntu'unëmë.

Deuteronomio 28:37

Je'eyë nëjkx nëkoo ja'ay xy'ëtsë'ëkë, wiinkjaty mnimëtya'akëtëty ets mtukxi'ikëtëty maajaty yë Wintsën myajnëjkxyë.

Jeremias 2:15

¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Lamentaciones 3:62

je'eyë tsyäty kyajpxtë ets janaam jatsojk ëjts xykyatuk'ëmoontëp.

Ezequiel 12:20

Tu'kë'ëyë kyutëkooytya'aja'any yë naax kajpn maajaty yë ja'ay tsyëënën; aanë'ëk tëëtsë'ëk y'awinpita'any. Ënet nëjkx miitsëty xy'ixkaptës ko ëjts Wintsën.

Ezequiel 35:13

Mijts nëkooyë ojts m'aaw xyajwä'kxy koos ojts xytsyipwinkajpxë ets wi'ix kawi'ixëty ojts xynyikäjpxy xynyimëtyä'äkyës. Ojtsës nmëtoowta'ay.

Ezequiel 36:5

Jëtu'un yë Wintsën y'ënä'äny: Yë n'aaw n'ayukës jëën mëëtpënës yam nkäjpxy mëët yë äkë ma ja wiinkpë ja naax kajpnën, ni'ik yë Edom kajpn, jä'ä ko yë'ëjëty mëët ja xoontakën ojts niwa'aktë ja nnaax nkajpnës ets mëët ja tsip äkë tyajpëtsëëmtaaytyë jap winë.

Abdías 1:13

Ka'ap jeexyë mtëjkëy maas yë nnaax nkajpnën ma ënety y'ëyoyën ets ka'ap jeexyë ojts xytyukxoontä'äky ma ënety ja ëyo'on jotmay tmëët'atën, ka'ap jeexyë ojts xypyëjkë wyit myeeny ma ënety mon tuk yajpaatën.

Salmos 79:4

Tyam je'eyë ënät ëëtsëty xynyëxi'ik xytyukxi'iktë ja naax kajpn mëti'ipë yajmëwinkon'ajtpën; tyam yajja'ayxyiktëpës je'eyë ma ja ja'ayëtyën mëti'ipës xywyinajx xywyintëjkëtyëpën.