Ezequiel 32:7 - Biblia Dc en Mixe de Quetzaltepec

⁷ Ko ënety nyajkutëkoy, nyajkootsëjäämpyës yë tsajp ets nyajpi'itsäämpyës yë mëtsa'a; yë xëëw ntukwinkupëkëjäämpyës yë yoots ets po'o ka'ap nëjkx tyi'kxy jyäjy.

Biblia Mixe de Quetzaltepec

⁷ Ko ënäty nyajkutëkoy, nyajkootsëjäämpyës yë tsajp ets nyajpi'itsäämpyës yë mëtsa'a; yë xëëw ntukwinkupëkëjäämpyës yë yoots ets po'o ka'ap nëjkx tyi'kxy jyäjy.

Ezequiel 32:7 ပူးပေါင်းရင်းမြစ်များ

Mateo 24:29

Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Joel 2:31

Pi'itsäämpy yë xëëw ets po'o, ne'pnyën jyajta'aja'any; ka'anëm ënety yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Ezequiel 30:3

mëti'ipë wiinkoonpën, wiinkoonp ja Wintsën ja xyëëw; mëti'ipë wiinkoonpën wintuky y'ita'any; ëyo'on jää itaanp ma tääpë xëëwën.

Isaías 34:4

Nëjkxëp ja mëtsa'a pyu'utakta'ay, jëtu'unyë nëjkx ja tsajp wyimpëtijtmuky tä mëj witën, nëjkxëp ja mëtsa'a pyi'tsta'atë ets nëjkx kya'ata'atë tä kepy'ääy kyä'äyën.

Isaías 13:10

Ja matsa'a ka'ap y'ëktë'kxanëtë; ja xëëw nëjkxëp pyi'itsy, ja po'o ka'ap y'ëkyaj'ixanë.

Joel 3:15

Pi'itsaam ja xëëw po'o ets ja mëtsa'a.

Apocalipsis 8:12

Ko ja mëmajktaxkpë ja tsajpjotmëtë kukäjpxy ja xyuxn tukxuxy, ënät tu'kpëky ja tëkëëk pëkpyë ja xëëw, po'o ets ja matsa'a wyintëkooytyë. Jëtu'un ka'ap kyujajy kyutë'kxy ja xëëw, ja po'o ets ja matsa'a; taxk horë xëëny ets taxk horë koots y'ijty.

Marcos 13:24

Ko ënety ja ëyo'on jotmay të nyäxy, ënät ja xëëw wyinkootsëja'any ets ka'ap ja po'o y'ana'any,

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënety yajxon xëëw të jyajtä'äky koos nyaj'awinpita'any yë naaxwiinyëtë koots.

Ezequiel 30:18

Koos ënety nyajkutëkoy yë Egiptë kyutujkën etsës nyajkëjxta'ay ja myëk'ajtën mëti'ipë të nyätyukyajnaxyën mëj këjxm, nëjkxëp yë xëëw kyootsë jam Tafnes ets Egiptë kajpn yoots nëjkx nyitukyë, e ja Egiptë ja'ayëty tsumy matsy nëjkx yajmënëjkxta'atë wiink naax wiink kajpn.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Proverbios 13:9

Yë wa'ats ja'aytyëjk jëtu'un tyë'kxtë jyajtë tä jëën muum tyi'kxy jyäjyën. E yë ëxëëkja'aytyëjk jëtu'un yë'ëjëty tä tu'uk yë kutë'kxnën mëti'ipë kupi'tsëpën.

Lucas 21:25

Yaj'ixaanp jam winë ma xëëwën, ma po'ojën ets ma ja matsa'ajën; ets naaxwiiny jëtu'unyë nëjkx ja naax kajpn myoonkëta'ak tyujkëta'aktë, ko y'ënaanta'akëty ja mejy ets nëë o'pky nëkooyë pyëtë'knëty, nëjkxëp tsyë'ëkëtë.

Job 9:7

Yë'ë y'ëne'empy yë xëëw këtiipë oy jëna'a pyëtsëmëty ets mëtsa'a këtiipë tyë'kxëty.

Eclesiastés 12:2

Tyam jëtu'un mëpaat xyjyä'äymyetsy mëti'ipë winë të tyajkojy të tpëjktä'äkyën ma tyi'kxy jyäjyën ja xëëw po'o ets ja mëtsa'a ets jyää'atyën ja yoots nëma'a ko tyuuta'ay.

Ezequiel 31:15

Ëjts Wintsën jëtu'unës n'ëna'any: Ko ënety ja aay kepy jap jyëjptä'äky ma ja o'kën yajkutukyën, ëjts nëjkx nyajkutuky ets tsyë'ëtsëty yë mëjmejy këkpëpë mëët yë monyëtukyë; nyajwa'ak'oyëjäämpyës yë nëë mëti'ipë pëyë'kpën; nëjkxëp mon tuk nyaj'awinpityës yë Líbano kopk ets tsyëtsta'ajëty tëkokyë yë aay kepy mëti'ipë tunkëjxy kopkëjxy yajpatpën.

Ezequiel 34:12

Jëtu'un tä tu'uk yë kupixyny këwent'ajtpën mëti'ipë myëmääpy myëtäjpyën yë kyupixyny ko tyëkoy'ity; jëtu'unës nmëmayä'äny nmëtaja'any yë nkupixynyës; etsës jam nyajpëtsëma'antë ma ojts nyajtskääkëtën ko kyoots'ajty ets ko jyää'ajty ja ëyo'on jotmay.

Joel 2:10

Yu'kxp yë naaxwiinyëtë ko myintë, moonkëtakp tujkëtakp yë tsajp, ka'ap yë xëëw po'o y'ëktë'kxnë ets mëtsa'a jëtu'unyë pyi'tskëtaknëtë.