Ezequiel 32:4 - Biblia Dc en Mixe de Quetzaltepec

⁴ Jëtu'unyë nwinpajëtuta'any naaxkëjxy ets mwijts'awëty. Joon jëyujk mëti'ipë tsajpjotm kääkëtijtpën aakjam nëjkx kyëxkäkta'ay ma mijtsën, yë jëyujk je'eyë nëjkx jyotku'kxënë ko ënety mtsu'utyë.

Biblia Mixe de Quetzaltepec

⁴ Jëtu'unyë nwinpajëtuta'any naaxkëjxy ets mwijts'awëty. Joon jëyujk mëti'ipë tsajpjotm kääkëtijtpën aakjam nëjkx kyëxkäkta'ay ma mijtsën, yë jëyujk je'eyë nëjkx jyotku'kxënë ko ënäty mtsu'utyë.

Ezequiel 32:4 ပူးပေါင်းရင်းမြစ်များ

Isaías 18:6

Jam nëjkx wyë'ëmta'ay kamjotm yë'ë nëjkx yajtukniwë'ëmtë lut majkwejkxy, ja uk ets ja kaa. Ja lut, majkwejkxy jam nëjkx xyëkopknaxtë, ets ja jëyujk jam nëjkx pyotmnaxtë.

Ezequiel 29:5

Tääts jam nasjëpipëja'any të'ëts'itjotm, mëët tu'kë'ëyë ja nëë jëyujk mëti'ipë jap mnëëjoty yajpatpën; wintë'ës'ituuy nëjkx mkëtä'äky ets ka'ap nëjkx pën myajnaaxtëkëty. Yë'ë nëjkx mtsu'utyë mwëtsyë yë aayjëyujk ujtsjëyujk ëwa'anëtypë ets nëjkx yë lut majkwejkxy mnukyë mpotyë.

Joel 3:19

Xit ko'ow yë Egiptë jyata'any e yë Edom anë'ëk tëëtsë'ëk y'awinpita'any, jä'ä ko ojts ëxëëk tuntë Judá ja'ayëty ets jam kyajpnjotmëty ojts tyaj'ooktë ja'ay mëti'ipë ka'ap tii poky tmëëtëtyën.

Jeremias 25:33

Jëtu'unyë nëjkx nyaaxmë'o'këtya'atë ja ja'ayëty mëti'ipë ënety ja Wintsën yaj'o'kpyën jä'ä xëëw. Ni pën nëjkx kyaniya'axëtë ets ni pën nëjkx kya'ëna'any ets nyaaxtëkëtëty; jëtu'un tä të'ënyën, jëtu'un nëjkx nyaaxmëpuutsë.

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënety të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Isaías 66:24

Ko myintëty, tääts nëjkx t'ixtë wi'ix ja ja'ay y'ooktën mëti'ipës të xykyäjpxy kyumëtoownaxtën. Nëjkxëp t'ixtë wi'ix ja o'kpë tyënë'kën ets ko ja tënë'k ka'ap y'ooktë; näjyëtu'un ja jëën ma ënety nyitoytyën ja o'kpë, ka'ap nyäkpyi'itsa'any. Ëxëëk nëjkx yaj'ixy naaxwiinyëtë apëtsëmy.

Isaías 14:19

e mijts, ni pën mkanitajëty ets jeexyë oy mnaaxtëkë, ëxëëkëm ja'ay m'ixyë. Mëti'ipë të yajkupuxtën, mëti'ipë jutjoty të kya'atën, jä'ä mëët të m'a'o'kmuky, je'eyë të myaj'ateeny të myajtukteeny.

Salmos 74:14

ojts xynyaaxkutäänë yë kyëpajk yë mëj jëyujk mëti'ipë xyëëwajtypyën Leviatán, ets yë'ë ojts wyintsu'tsta'ayë yë jëyujk mëti'ipë jamën të'ëts'itjotm.

Salmos 63:10

Kupuxy y'ooka'antë, ets pa'uk nëjkx tsyu'utsëtë.

Ezequiel 35:8

Ëjts nyajkutukäämpy ets y'ujtsta'ajëty yë mtun mkopk, yë mjoyjyot ets mnëëjot mëët yë o'kpëty mëti'ipë tsipjoty o'ktëpën.