Ezequiel 32:32 - Biblia Dc en Mixe de Quetzaltepec

³² Yë Egiptë yajkutujkpë tëë ja'ay t'ëtsë'ëkë mëti'ipë të jyuuky'atën; paaty jam të nyaaxtëkë ma ja'ayëtyën mëti'ipë ka'ap yë Dios të t'ëwtatën, mëti'ipë të y'ooktën tsipjoty, näjyëtu'un nitëkokyë yë tsyiptuunpëtëjk. Ëjts Wintsën, jëtu'un ënaanp.

Biblia Mixe de Quetzaltepec

³² Yë Egiptë yajkutujkpë tëë ja'ay t'ëtsë'ëkë mëti'ipë të jyuuky'atën; paaty jam të nyaaxtëkë ma ja'ayëtyën mëti'ipë ka'ap yë Tios të t'ëwtatën, mëti'ipë të y'ooktën tsipjoty, näjyëtu'un nitëkokyë yë tsyiptuunpëtëjk. Ëjts Wintsën, jëtu'un ënaanp.

Ezequiel 32:32 ပူးပေါင်းရင်းမြစ်များ

Ezequiel 32:27

Ka'ap jyamëty të nyaaxtëkëtë ma nyaaxtëjkëtyën ja wintsëntëjkëty tëëyëpë jyuuky'atën, mëti'ipë ojts jap naaxjoty yajpëjkta'aktën mëët ja pyujxnëty mëti'ipë myëtsiptuuntëpën, yë'ë ojts ja tyiypyujxn tkoy'atë ets ja mëti'ipë ijty nätyuk'akëëytyujkëtëpën kyätykyijxy ojts yajpëjktä'äky, tëë ënety t'ëtsë'ëkëtë ja ja'ay mëti'ipë juuky jaakyajpatëpën.

Hebreos 10:31

Mëj ëyo'on yë'ë ko Dios Juukpyë xytyiytyu'unmëty.

2 Corintios 5:11

Paaty ko yajnijawë ko ja Dios mëpaat yajwinkutsë'ëkë, paatykyëjxm ja ja'ay jëtu'un jyayaj'ënëëmëtë. Ko ja Dios wa'ats ëëts xy'ixy'atë ets ntsojktëpës ets miits näjyëtu'un xy'ixy'attëtyës.

Job 31:23

Ëjts tëëjës ntsë'ëkë Dios yë tyiytyu'unën; ka'apës ijty nmëmëta'aka'any yë myëj'ajt y'oyajtën.

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënety winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.

Ezequiel 32:31

Ko ënety yë Egiptë yajkutujkpë y'ixëtë nëjkxëp jyotkujkë jä'ä ko ojts ja jyä'äy yaj'ookëtë, jä'ä ko yë'ë ojts y'o'kta'atë mëët ja tsyiptuunpëtëjk jam tsipjotm. Ëjts Wintsën, ëjts ënaanp.

Ezequiel 33:1

Ënet ja Wintsën ojts xymyëkäjpxyës ets xy'ënëmaayës:

Ezequiel 29:1

Ma myajkmäjtsk anyën yë mëmajkpo'opë, ma majk jëmëjt tyu'uye'eyën, jää ojts yë Wintsën xymyëkäjpxyës ets xy'ënëmaayës:

Ezequiel 30:1

Ënet ja Wintsën ojts xymyëkäjpxyës ets xy'ënëmaayës:

Ezequiel 31:1

Ma tyu'uk anyën ja mëtëkëëk po'opë, ja majktu'uk jëmëjtpë, ënätës ja Wintsën xynyimiiny etsës xy'ënëmaay: