Ezequiel 32:25 - Biblia Dc en Mixe de Quetzaltepec

²⁵ Jam yë Elám jyëpijpnë tsyiptuunpëtëjk akujky mëti'ipë näjyëtu'un të y'ooktën, tu'kë'ëyë yë'ëjëty aak ka'ap yë Dios të t'ëwtatë ets tsipjoty të y'ooktë mëti'ipë nyapikëtyëpën ja jyutëty. Tëë t'ëtsë'k t'ajawëtë ja mëti'ipë juuky'ajtëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën. Jam të wyë'ëmta'atë ma ja o'kpëtyën mëti'ipë ja'ay të yaj'ookëtën.

Biblia Mixe de Quetzaltepec

²⁵ Jam yë Elám jyëpijpnë tsyiptuunpëtëjk akujky mëti'ipë näjyëtu'un të y'ooktën, tu'kë'ëyë yë'ëjëty aak ka'ap yë Tios të t'ëwtatë ets tsipjoty të y'ooktë mëti'ipë nyapikëtyëpën ja jyutëty. Tëë t'ëtsë'k t'ajawëtë ja mëti'ipë juuky'ajtëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën. Jam të wyë'ëmta'atë ma ja o'kpëtyën mëti'ipë ja'ay të yaj'ookëtën.

Ezequiel 32:25 ပူးပေါင်းရင်းမြစ်များ

Salmos 139:8

Koos ëjts njanëjkxëty jam tsajpjotm, mijts tam myajpaaty; ets koos jeexyë jap naaxpa'tkë'p njajëjptakpë, mijts nän tap myajpaaty.

Apocalipsis 2:22

Paatyës ja yuu pa'am nmo'oja'any, etsës nyaj'ooka'any ja y'u'unk y'ëna'k, näjyëtu'un mëti'ipë mëët tyuuntëkoyën. Pën ka'ap tyaj'oyë ja jyot wyinma'any ntuknikäxäämpyës ja ëyo'on jotmay. Jëtu'un tëkokyë ja mëpëjkpëtëjk nijawëtëty koos nija'apës tiijaty ja'ay tyuunpy kyäjpxypën ets tii myääpy tyäjpyën; ets nitu'ukjaty miits nmo'oja'antë ja näykyumayë wi'ixjaty ënety winë të xytyuntën.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Ezequiel 44:9

Paaty ëjts maas nWintsën'atyën, jëtu'unës n'ëna'any: Ko ka'ap nëjkx tyëkëtë nijëna'a yë jaaypyaat jaaypyo'kxy maas yë ntsajptëjkën mëti'ipë ka'ap tmëëtëtyën ja nkäjpxytyu'unënës ma jyot wyinma'anyën ets ma jyot nyini'kxën; oy ënety jyayë'ë'ajtpë mëti'ipë tsënääpyën ma Israel ja'ayëtyën.

Ezequiel 44:7

Miitsëty je'eyës yë ntsajptëjk xyaj'ëxëëkëtë ko jap xyajnaxtë jaaypyaat jaaypyo'kxy, ja ja'ay mëti'ipë ka'ap tmëët'atyën ja nkäjpxytyu'unënës ma jyot wyinma'anyën ets ma jyot nyini'kxën.

Ezequiel 32:21

Ja kopktëjk mëti'ipë mëj'äämpy të y'itën nëjkxëp jap o'këntujp t'ëxajëtë ja Egiptë ja'ayëty mëët ja jyä'äyëty mëti'ipë mëët oy të nyäjyëkyäpëtën ets y'ëna'antëty: Tëë jyënaktë. Tëë jyëpijptëwtë ja ja'ay ka'apë Tios'ëwtatën, mëti'ipë të y'ooktën tsipjotm.

Ezequiel 32:19

¿Ti ni'ik jëtää mijts mtimy'oyëty këtiinëm jyëtu'unëty pën? Jëjpta'ak ets näwyijtstëwëty ma ja'ayëtyën ka'apë Dios t'ëwtatën.

1 Crónicas 10:4

Ënet ja Saúl ojts ënätyë tjamëkäjpxy ja tyuunpë mëti'ipë myëët'ajtypyën ja akëëytyujkën ets t'ënëmaay: Yaj'o'kës mëët yë mtëypyujxn, këtiipë tääpë mëtsip xytyukxi'iktëtyës. E ja tyuunpë ka'ap nye'a'ijxëy tyaj'ookëty ja wyintsën mëët ja mëktsë'ëkë. Ënet ja Saúl ojts kë'ëm tkajpë'ëky ja tyiypyujxn ets tkukëtaawë'ky, jëtu'un kë'ëm nyäyaj'o'kë.

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

Ezequiel 32:24

Xim ja Elám, mëët ja tsyiptuunpëtëjkëty, yë'ë nyapikëtyëp yë jyutëty. Aakjam të y'o'kta'atë tsipjotm, mëti'ipë ka'ap yë Wintsën të t'ëwtatën jap naaxpa'tkë'p të kyëtakta'atë. Tëë t'ëtsë'ëkëtë ja'ay mëti'ipë ënety juuky jaakyajpatëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën.