Ezequiel 32:24 - Biblia Dc en Mixe de Quetzaltepec

²⁴ Xim ja Elám, mëët ja tsyiptuunpëtëjkëty, yë'ë nyapikëtyëp yë jyutëty. Aakjam të y'o'kta'atë tsipjotm, mëti'ipë ka'ap yë Wintsën të t'ëwtatën jap naaxpa'tkë'p të kyëtakta'atë. Tëë t'ëtsë'ëkëtë ja'ay mëti'ipë ënety juuky jaakyajpatëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën.

Biblia Mixe de Quetzaltepec

²⁴ Xim ja Elám, mëët ja tsyiptuunpëtëjkëty, yë'ë nyapikëtyëp yë jyutëty. Aakjam të y'o'kta'atë tsipjotm, mëti'ipë ka'ap yë Wintsën të t'ëwtatën jap naaxpa'tkë'p të kyëtakta'atë. Tëë t'ëtsë'ëkëtë ja'ay mëti'ipë ënäty juuky jaakyajpatëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën.

Ezequiel 32:24 ပူးပေါင်းရင်းမြစ်များ

Ezequiel 32:30

Aak xim yajpata'atë ja wintsëntëjkëty mëti'ipë të y'ënä'ämtën anëkëjxytsyow, ma yajpaatë yë Sidónja'ayëty. Jotmëk ojts y'itë ets tëë ja'ay t'atsë'ëk t'ajawëtë, e tyam tëë jap jyëjpta'aktë wintsëtyu'un jëjptsëtyu'un ma ja o'kpë yajpaatën, mëti'ipë të y'ooktën tsipjoty. Ka'ap yë Wintsën të t'ëwtatë, jap tyam yajpaatë o'kpëtujp ma ka'ap pën myëjpëjkta'akëtën tsipjotypë të y'ooktën, mëti'ipë të jyëjpta'aktën o'kpëtujp.

Ezequiel 32:25

Jam yë Elám jyëpijpnë tsyiptuunpëtëjk akujky mëti'ipë näjyëtu'un të y'ooktën, tu'kë'ëyë yë'ëjëty aak ka'ap yë Dios të t'ëwtatë ets tsipjoty të y'ooktë mëti'ipë nyapikëtyëpën ja jyutëty. Tëë t'ëtsë'k t'ajawëtë ja mëti'ipë juuky'ajtëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën. Jam të wyë'ëmta'atë ma ja o'kpëtyën mëti'ipë ja'ay të yaj'ookëtën.

Ezequiel 32:18

Mijts ye'etyëjk, ëw tu'uk yë ëy, yë'ë m'ëëw'ëtsowëtëp yë to'oxytyëjkëty mëti'ipë yajpatëpën ma kanaakpëky ja naax kajpnën ets xykyuuy'ëwtëty yë Egiptë jëtu'un tä o'kpë yajkuuy'iyën mëët ko tëë may kyutëkoytyë ets tëë y'o'kta'atë yë kyopktëjkëty. Yë kopktëjkëty naaxpa'tkë'p kya'atë, mëët ja mëti'ipë jap yajpatëpën jutjoty.

Ezequiel 26:20

ets mkinëty në'ppaat ma o'kpë yajpaatën, ma nyipätën yë o'kpë tëëyëpë jyuuky'atën. Jap pa'tkë'p nyajjëjpta'aka'any ma ja naax kajpnën mëti'ipë tëëyëp nikoompäjtën ets jap mjuuky'atëty ma ja o'kpë tsyëënëtën. Ka'ap nëjkx pën y'ëktsënaaynyë ma mijtsën ets ka'ap nëjkx nijëna'a m'ëk yaj'akojënë ma ja'ayëtyën mëti'ipë juuky'ajtëpën.

Ezequiel 16:54

je'eyëp ko mmënax myajnaxëp oy ënety o'ktëy mjaty mkëpety ets ko ënety xytyuktsëtyuny mëti'ipë të xytyunyën, ënät nëjkx yë'ëjëty jyotkujkëtë ma mijtsën.

Ezequiel 16:52

Mijts kopkpëky ko xytyëëmnaxëty ja ëyo'on jotmay, ko mijts ja mpoky mëjwiin këjää ets ëxëëkjaty ni'ik, jëtu'un yaj'ixy ka'ap yowë nëkoo të pyokytyuntë ja mmëkä'äxtëjkëty. Mijts kopkpëky ko xymyënaxy xyajnaxy yë tsëtyu'un ets xymyënax xyajnaxëty ma o'ktëy mjatëty mkëpätëtyën, jä'ä ko nikë jëtu'un yaj'ixy yë mmëkä'äxtëjk ka'ap yowë tii poky tmëët'atë.

Génesis 10:22

Ya'atë ojts t'u'unk'aty yë Sem, Elám, Asur, Arfaxad, Lud ets Aram.

Ezequiel 44:13

Yë'ëjëty ka'ap nëjkx tjëkyepy tii tuntë ijxtëm yë teetytyëjkëtyën ets ka'ap tjëkyepy tmëwinkontëty mëti'ipë wa'ats'ijtpën, ni'ik mëti'ipë kënu'kxyën ka'ap mëpaat tontë. Kopkpëky ko tsëëmnaxtëty ja mëti'ipë të tuuntëkoytyën ets ja ëxëëkpë të tuntën.

Ezequiel 39:26

Nëjkxëpës nyajtso'onta'atë ma wiink naax wiink kajpn yajpaatën ets ma myëtsip yë nyaax kyajpnëtyën, ënät nëjkx jyuuky'atë jotkujk kyë'ëm naaxjoty kyë'ëmkajpnjotyëty ma ka'ap pën y'ëtsë'ëkëtëty. Jëtu'un nyaj'ixëtëtyës ja nwa'ats'ajtënës ets may ja naax kajpn t'ixtëty. Yë Israel ja'ayëty myëtänëjantëp yë ëyo'on ko ënety të xykyäjpxy kumëtoownaxtës.

Ezequiel 34:29

Nyaj'itäämpy nyajwintëwäämpyës winë ma kyam tyu'ujëtyën ets yë'ëjëty ka'ap nëjkx y'ëk'ayuu'ajnëtë ets ka'ap nëjkx wiinkëtypë naax kajpn y'ëktukxikënëtë.

Jeremias 25:25

yë yajkutujkpëtëjk mëti'ipë jamëtyën Zimri, Elám ets jam Media,

Génesis 14:1

Jä'ä xëëw jä'ä jëmëjt yë Amrafel mëti'ipë yajkutujkpën jam Sinar, yë Arioc jampë yajkutukyën Elásar, Quedorlaomer jampë yajkutukyën Elám ets Tidal jampë yajkutukyën Goím.

Habacuc 2:16

Jëtu'un tä jeexyë mëj'äämpy mnaxyën, ni'ikyë nëjkx wintsëtyu'un jëjptsëtyu'un mjajnë, jä'ä ko yë Wintsën jëtu'un mtuna'anyë tä jeexyë tii ta'am myajtuk'uukyën ets ënät mwinma'any tyëkoyëty ets niwa'ats ëxwa'ats mjëtijnëty, jëtu'unts ja mmëj'ajt m'oyajtën nëjkx jaamteeny naaxteeny jyajnë.

Daniel 8:2

Maas ënety jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Ezequiel 36:15

Ka'apës n'ëkyajkutukanë ets wiinkpë naax kajpn m'ojëtëty mya'axëtëty; ka'ap tjëkyepy tääpë naax kajpn jatëkok je'eyë ëxaty m'ëk tijënëtëty jä'ä ko miitsëty ka'ap yë naax kajpn u'unktuk xy'ëkyajwë'ëmanëtë. Ëjts Wintsën, ëjts ënaanp.

Ezequiel 32:21

Ja kopktëjk mëti'ipë mëj'äämpy të y'itën nëjkxëp jap o'këntujp t'ëxajëtë ja Egiptë ja'ayëty mëët ja jyä'äyëty mëti'ipë mëët oy të nyäjyëkyäpëtën ets y'ëna'antëty: Tëë jyënaktë. Tëë jyëpijptëwtë ja ja'ay ka'apë Tios'ëwtatën, mëti'ipë të y'ooktën tsipjotm.

Ezequiel 31:14

Ets nimëti'ipë kepy nëjkx kya'ëkyoonë, oy ënety nëëpë'aay jyayajpaaty, oy jënu'un jyanëëpa'atye'eyëty ka'ap nëjkx nëkooyë y'ëkyujkyoonë ets ja tsajp tpaatëty. Tëë nyitujkëtya'atë ets y'o'kta'atëty ets naaxpa'tkë'p jyëjptakta'atëty ets tpuwa'akëtëty ja myëku'uk mëti'ipë tëëyëp o'ktëpën.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Job 28:13

Yë naaxwiinyëtë ja'ay ka'ap tnijawë wi'ix tsyowpaatyën ets ka'ap tpaaty naaxwiiny naaxkëjxy.

1 Crónicas 1:17

Yë Sem yë'ë ojts t'u'unk'aty yë: Elám, Asur, Arfaxad, Lud ets Aram. Yë Aram yë'ë ojts t'u'unk'aty yë Us, Hul, Guéter ets wiinkëtypë.

Mateo 11:23

Ets miitsëty Capernaumëtë ja'ayëty, ¿tsajpjotm miits xytyijy myajmënëjkxa'antë? Niwi'ix'äämpy. Wäänë pa'tkë'p mnëjkxtëty ëyoowtaknjoty, jä'ä ko kooxyëp jeexyë ojts jëtu'unpë ja mëj'ajtën jam y'ëktunyë ma ja Sodomë kajpnën, tääpë kajpn tam jeexyë tyampaat yajpaaty.

Salmos 142:5

Wintsën, jëtu'un n'ënëëmë: Mijts ntsoktakn'ajtyp, mijtsyë tu'ukyë ntukjotkujk'ajtyp maas yaa ja juukyajtën nyajtu'uye'eyën.

Isaías 38:11

Etsës të nmay të ntajy: Ëjts ka'apës nëjkx Wintsën n'ëk'ijxnë yaa naaxwiiny naaxkëjxy, ni pënës nka'ëk'ixanë mëti'ipë yaa juuky'ajtëpën.

Jeremias 11:19

Ëjts nitiijës ënety nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënety y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Ezequiel 31:18

Nimëti'ipë kepy ënety kyajëtu'unëty jampë Edén yajpaatën tä yë'ë myëj'äämpyëtyën ets kyëjxmëtyën; e ko të y'o'knë näjyëtu'un jap naaxpa'tkë'p jyëjpta'aka'any tä ja myëku'uktëjkën mëti'ipë jam Edén yajpatëpën ets yajpaata'any mëët ja wiinkëtypë ja aay kepy, mëti'ipë jëënjoty tsipjoty o'ktën tëkooytyën. Tyaapë kepy yajnimëtyä'äkyën yë'ë yaj'antijp yë faraón ets tëkokyë yë jyä'äy.

Ezequiel 32:19

¿Ti ni'ik jëtää mijts mtimy'oyëty këtiinëm jyëtu'unëty pën? Jëjpta'ak ets näwyijtstëwëty ma ja'ayëtyën ka'apë Dios t'ëwtatën.