Ezequiel 32:2 - Biblia Dc en Mixe de Quetzaltepec

² Yë'ë ya'atë aaw ayuk mtukkuuy'ëwëp yë Egiptëpë yajkutujkpë: Jëtu'un m'ëtë'ëtsy m'ëna'any kaajën ma naax kajpnën; tä tu'uk mëj jëyujkën nëëjotypë tsyëënën: Ko mkuyuny ma mkë'ëm mëjnëëjën, mëët yë mteky xyaj'ëxëëkë yë nëë ets xyajki'ixkë yë nëëkap.

Biblia Mixe de Quetzaltepec

² Yë'ë ya'atë aaw ayuk mtukkuuy'ëwëp yë Egiptëpë yajkutujkpë: Jëtu'un m'ëtë'ëtsy m'ëna'any kaajën ma naax kajpnën; tä tu'uk mëj jëyujkën nëëjotypë tsyëënën: Ko mkuyuny ma mkë'ëm mëjnëëjën, mëët yë mteky xyaj'ëxëëkë yë nëë ets xyajki'ixkë yë nëëkap.

Ezequiel 32:2 ပူးပေါင်းရင်းမြစ်များ

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Ezequiel 27:2

Mijts ye'etyëjk, ëw tu'uk yë ëy mëti'ipë o'kpë yajtukwin'ëëpën

Ezequiel 38:13

Nëjkxëp myajtëyë yë Sabá ja'ayëty ets Dedán ja'ayëty ets ajuuy ato'kpë mëti'ipë jam Tarsis kukajpnajtëpën: ¿Mä'tspën të mminyë? ¿Paatykyëjxmën të xyajmuky yë mtsiptuunpëtëjk ets xyajpëtsëma'any winë ets xymyäätsa'any yë pu'ts pujxn ets poop pujxn; jëyujk tsajpkaa ets tëkokyë mëti'ipë myëët'ajtëpën?

Ezequiel 34:18

¿Këtii xytyukjotkëta'aktë oy xyjyajë'kxtë ja oyëtypë aay ujtsë, koonëmën xy'atääna'an xytyuktääna'antë mëti'ipë të wyi'imyënë? Ko mnëë'ukta'atë tääts jap mkuwa'akëtë ma wa'atsnëëjën mëti'ipë jaakwa'ats nëë'ajtpën.

Ezequiel 32:16

Ya'atë ëy yë'ë yajtukuuy'ëëp yë o'kpë ets to'oxytyëjktëjkëty nëjkxëp t'ëwtë ya'atë ëy oymyaakajpnëty ko ënety tniya'axtë yë Egiptë kajpn mëët yë mayjyä'äy mëti'ipë të kyutëkoytyën. Ëjts Wintsën, ëjts ënaanp.

Ezequiel 28:12

Mijts ye'etyëjk, yaj'oyë tu'uk yë ëy, ma yajkuuy'iyën yë Tirë yajkutujkpë, jëtu'un xyaj'ëna'anëty: Jëtu'un yë Wintsën y'ënä'äny: Mijts ënety ijxpäjtën m'ijtp ma ja wa'atsajtënën, ujts mëët ja ixpëkyajtën ets ja oy'ijxën.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Ezequiel 32:18

Mijts ye'etyëjk, ëw tu'uk yë ëy, yë'ë m'ëëw'ëtsowëtëp yë to'oxytyëjkëty mëti'ipë yajpatëpën ma kanaakpëky ja naax kajpnën ets xykyuuy'ëwtëty yë Egiptë jëtu'un tä o'kpë yajkuuy'iyën mëët ko tëë may kyutëkoytyë ets tëë y'o'kta'atë yë kyopktëjkëty. Yë kopktëjkëty naaxpa'tkë'p kya'atë, mëët ja mëti'ipë jap yajpatëpën jutjoty.

Ezequiel 27:32

Nëjkxëp myajwin'ëy tä o'kpë yajwin'ëyën, ma nëjkx y'ëna'antën mëët ja monyëtukyë: ¿Pën ëkmëpaatëtëp ja Tirë kajpn, mëti'ipë ënety yajpatpën nëë'itkujky?

Jeremias 46:8

Egiptë jëtu'un yä'kp tä Nilë nëë kyomyën, tä nëëkom nyämyëjënäkyën. Jëtu'un ja Egiptë ja'ayëty y'ëna'antë: Nyajnikoompätantëpës yë naaxwiinyëtë, nyajkutëkoyantëpës yë naax kajpn ets nyija'ay mëti'ipë ja naax kajpn tyuk'ijt tyuktsëna'ayëtëpën.

Jeremias 9:18

Jëtu'un, wä'än tsojkyë tmintë ets wä'än xynyiyaxëmë; wä'än yë nwiinnëë'ajtëm tka'ay ets wä'än xyajnëëwin'oko'omëmë.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Proverbios 28:15

Jëtu'un tä tu'uk yë kaajën myu'uy nyiitsyën, jëtu'un tä tu'uk yë osë yä'äxy jyokyën, jëtu'un yë ëxëëk ja'ay mëti'ipë y'ëne'empyën yë naax kajpn ma ëyoopëja'aytyëjk tsyëënëtën.

Génesis 49:9

Mijts Judá u'unk maay, jëtu'un mijts tä tu'uk yë kaa u'unkën mëti'ipë amëk jotmëk jëyujk'ajtpën ets ko tsu'tsta'ay twëjtsta'ay yë jyëyujk'ooky, tääts nyämyëkäjxtä'äkyë ets myä'äy pyo'kxy akujk jotkujk ijxtëm tu'uk yë mëj kaajën. ¿Pën nëkoo ëkyajjotkëxanëp?

Mateo 7:24

Paaty n'ënëëmëtë, pën y'amëtoow'ijtypyën ëjts ja n'ayuk ets tpatuny mëti'ipës nkäjpxypën, jëtu'un jä'ä ijxtëm ja ja'ay wijypyë kujkpën mëti'ipë ja tyëjk kyojën ets tsaakëjxy tpojtsë'ky.

Job 7:12

¿Tii jëtu'unës ëjts tä tu'uk mëjnëë jëyujkën etsës xy'ijx'itëtyë?

Proverbios 25:26

Jëtu'un tä ëxëëk nëë, mo'onts nëëjën, jëtu'un yë ja'ay nyäxy ka'apë pyokymyëëtëtyën mëti'ipë tsë'këpën ma wintsëntëjkën.

Jeremias 46:7

¿Pën tääpë yeekyën jëtu'un tä Nilë nëë kyomyën, jëtu'un tä nëëkom nyämyëjënäkyën?

Ezequiel 26:17

Ënet nëjkx tyaj'ëypëtsëmtë ko ënety jëtu'un mjaty mkëpety: Wi'ix ko të mkutëkoy, wi'ix ko të myaj'ijxtëkoy jap mejy'akujky, ma ënety mëj'äämpy ets akäjpxy m'ityën. Mijts mëët yë mja'ay mëj'äämpy të m'ity ma ja mejyën ets tëë ja naax kajpn mëk mtsë'ëkëty naaxwiinyëtë apëtsëmy.

Ezequiel 29:15

Ni'ik naxym nëjkx tääpë yajkutujktakn nyäxy ma wiinkëtypë kutujktaknën ets ka'ap tjëkyepy twinnaxtëty ja wiinkëtypë ja kutujktakn. Mutskës nyaj'ita'any ets ka'ap nëjkx myäyë mëjjëtypë naax kajpn,

Job 41:23

Yë'ëpaat yë nyini'kx mëti'ipë yaj'ijxpën aak xixy juun yajxon ets ka'ap tii tyuktëkëty, jëtu'un jyuunëty tä pujxnën tëëpë tsyooywyatsnën.

Proverbios 30:30

yë kaa, mëti'ipë aak tsë'këyëpën oypyënëty, ka'ap kye'eky ets nitii tkakuke'eky;