Ezequiel 32:10 - Biblia Dc en Mixe de Quetzaltepec

¹⁰ Mëët mijtskyëjxm may nëjkx yë naax kajpn n'ëtsë'ëk n'ajawës; yë kyutujkpëtëjkëty nëjkxëp tsyë'ëkëtë ko ënety yë ntëypyujxnës n'ajëpipyës. Ko kyëtawtëty mëk nëjkx tsyë'ëkëtë jä'ä ko jä'ä ja jyuukyajtën pya'ëyowantëp.

Biblia Mixe de Quetzaltepec

¹⁰ Mëët mijtskyëjxm may nëjkx yë naax kajpn n'ëtsë'ëk n'ajawës; yë kyutujkpëtëjkëty nëjkxëp tsyë'ëkëtë ko ënäty yë ntëypyujxnës n'ajëpipyës. Ko kyëtawtëty mëk nëjkx tsyë'ëkëtë jä'ä ko jä'ä ja jyuukyajtën pya'ëyowantëp.

Ezequiel 32:10 ပူးပေါင်းရင်းမြစ်များ

Ezequiel 27:35

Tëkokyë ja naax kajpn mëti'ipë yajpatëpën nëëpë'aay aak tsë'kënëtëp mëët ijxtëm të mjaty të mkëpetyën; yë kyutujkpëtëjkëty aak je'eyë myoonëtë tyujknëtë ets aak yaj'ijxnëtëp ma wyiinëty jyëjpëtyën ko tsë'këtyëp.

Ezequiel 26:16

Tëkokyë ja yajkutujkpëtëjk nëjkxëp jam wyä'ätsë'kta'atë ma y'ënyääypyäjnëtyën ets nëjkxëp ja wyit tjäänta'atë mëti'ipë ënety myë''ënä'ämtëpën; tsë'ëkë mëët nëjkx nyaaxwäätstë jatëkok ets janaam jatsojk tsyëtyuytyëty ko ënety m'ixyë.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Zacarías 11:2

Mijts tsiin kepy, jë'ë ya'ax, jä'ä ko tëë kyutëkooytyä'äy ja oyëtypë ja aay kepy. Ëjtë miitsëty xoj kepyëty, mëti'ipë jam Basán yajpatëpën, jä'ä ko ja yukjot tëë mya'ta'ay.

Ezequiel 30:9

Ko ënety tpaaty ja xëëw po'o ma ja Egiptë kajpn yajtëytyunyën, nkäjxwa'kxäämpyës yë kukäjpxy mëti'ipë mejywyinkëjxy jëtitantëpën ets tuknijawëtëty yë Etiopíë kajpn ma jotkujk yajpaatyën ko tsë'ëkë jawë jyata'any, tëë timpyääty ja xëëw po'o ma ëxëëk jyata'anyën.

Jeremias 51:9

Tëës njapëjkta'aktë yë tsyooy yë Babilonyë, ka'ap të tsyo'oky. Ixmatstë. Tsojk yaa ntimtsyo'onëmë, tsojk nixim niyam ntimjya'amëmë ma nnaax'ajt nkajpn'ajtëmën. Jampaat tsajpjotm të jyä'ty yë tyuuntëko'oy kyajpxtëko'oyën, jëtu'un yaj'ixy yë nyëë pyokyëty tä yoots nëma'ajën.

1 Reyes 9:8

E ya'atë tsajptëjk xit ko'ow nëjkx jyajta'ay, tëkokyë ja ja'ayëty mëti'ipë ënety jam najxtëpën ko t'ijxtëty je'eyë kuyjaam kyo'ownaaynyë ma ja tsajptëjkën, tääts nëjkx je'eyë tjaaknimon tjaaknituktë ets nyäyajtëwëtëty: ¿Wi'ixën ko yë Wintsën yë naax kajpn jëtu'un të tuny ets tsajptëjk xit ko'ow të jyajtaaynyë?

Deuteronomio 32:41

Koos ënety tëë ntuknipëjktaakë, etsës ja ëyo'on nyaj'ita'any, ets jëtu'un ja nëë poky nipaye'eyëtyës, ëxëëkës nëjkx ntuny ja nmëtsiptëjkës, ets ntukumëtowa'antës, mëët wi'ixës të xytyimtuntën. Ja mëti'ipës ënety xy'ëxëëk'ijxypyën, ëxëëkës nëjkx nyajjaty nyajkëpety.

Deuteronomio 29:24

Ënet nëjkx yë ja'ay nyäyajtëwëtë: ¿E tyam wi'ix ko ënät yë Wintsën jëtu'un ya'atë naax kajpn të tuny? ¿Wi'ix ko nëkooyë të tukjoot'anpëky?

Isaías 30:32

Ko ënety ja Wintsën tjëwojpë'ëky ja Asiria, nëjkxëp ja ja'ay y'ëwtë kyowtë. Yë Wintsën yë'ë nyipëtë'ëkäämpy ja Asiria kajpn ets mëët tsyiptuna'any.