Ezequiel 31:9 - Biblia Dc en Mixe de Quetzaltepec

⁹ Janty oy ojts nyajyony nyajjiitsyës, mäjpxy yë nyi'aay; yë wiinkëtypë kepy mëti'ipë jamën Edén, ma ja Dios ja kyepy kyamën, wiink ijxëtëp ijty.

Biblia Mixe de Quetzaltepec

⁹ Janty oy ojts nyajyony nyajjiitsyës, mäjpxy yë nyi'aay; yë wiinkëtypë kepy mëti'ipë jamën Edén, ma ja Tios ja kyepy kyamën, wiink ijxëtëp ijty.

Ezequiel 31:9 ပူးပေါင်းရင်းမြစ်များ

Ezequiel 28:13

Jam ënety Edén myajpaaty ma ja Dios tmëëtëtyën yë y'ujts tsa'am kam, mëti'ipë myëët'ajtypyën oyëtypë tsaa, tsapts tsaa, të'kxy tsyaa; yëktsuxk tsaa, pu'ts tsaa, uky tsyapts tsaa; tsu'unk tsaa, tsuxk uky tsyaa, uky tsyaa ets tsuxktsaa; yë mnantsëm ets mtatsktëy aakyë'ë pu'ts pujxn, mëti'ipë myajtuknikojëyën ma ënety ka'anëm mkojynyëmën.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Génesis 13:10

Ënet ja Lot nyajts'ijxëy jam joyjotm ma ja Jordán mëjnëëjën ets t'ijxy ko ka'ap jam tyëkoy'äty yë nëë, tsuj jyänty kyëxë'ëky, tä tu'uk yë jë'kxykyamën mëti'ipë japën Egiptë, jampaat jyä'ty ma ja Zoar kajpnën. Jëtu'un ënety ya'atë naax kajpn yajpaaty ma ka'anëm ja Dios ja Sodomë kajpn ets Gomorra kajpn tyajkutëkoynyëmën.

Zacarías 11:2

Mijts tsiin kepy, jë'ë ya'ax, jä'ä ko tëë kyutëkooytyä'äy ja oyëtypë ja aay kepy. Ëjtë miitsëty xoj kepyëty, mëti'ipë jam Basán yajpatëpën, jä'ä ko ja yukjot tëë mya'ta'ay.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

Ezequiel 31:18

Nimëti'ipë kepy ënety kyajëtu'unëty jampë Edén yajpaatën tä yë'ë myëj'äämpyëtyën ets kyëjxmëtyën; e ko të y'o'knë näjyëtu'un jap naaxpa'tkë'p jyëjpta'aka'any tä ja myëku'uktëjkën mëti'ipë jam Edén yajpatëpën ets yajpaata'any mëët ja wiinkëtypë ja aay kepy, mëti'ipë jëënjoty tsipjoty o'ktën tëkooytyën. Tyaapë kepy yajnimëtyä'äkyën yë'ë yaj'antijp yë faraón ets tëkokyë yë jyä'äy.

Ezequiel 31:16

Ko ënety jap nyajjëjptä'äkyës naaxpa'tkë'p ets nëjkx tpaaty ja myëku'uktëjk mëti'ipë tëëyëp o'ktëpën, nëkooyë nëjkx y'ënanë ko ënety jap tyuknokë ets nëjkx tsyë'ëkëtë wiinkëtypë naax kajpn. Ma tääpë itjot naaxjotmën naaxpa'tkë'pë yajpaatyën nëjkxëp xyoonta'aktë yë aay kepy oyëtypë ets mëti'ipë nëëpë'aay të yajpaatën ma Líbano kopkën.

Ezequiel 17:24

Nëjkxëp tëkokyë aay kepy tnijawëtë ko ëjts Wintsënajtp. Ëjts nyajkëtääpyës yë aay kepy mëti'ipë mëj këjxm naxaanpën ets yë'ë nyajyony nyajjiitsyës mëti'ipë ëmaay amutsk yaj'ijxpën. Ëjts nyajtëtsypës yë kepy mëti'ipë tsuxk ijtpën xëmë ets nyajtsuxkëpës yë kepy mëti'ipë të'ëtsën. Ëjts mëti'ipë Wintsën'ajtpën, ëjts ënaanp ets npatuumpyës yë n'aaw n'ayuk.

Ezequiel 17:22

Ëjts, mëti'ipë Wintsën'ajtpën, jëtu'unës n'ëna'any: Ko jam kepyjyëjp'am ma ajë kepyën mëti'ipë këjxm të yonyën, jamës nkuto'kxtu'uta'any tu'ktëjyën nyikepy: Yë'ë xye'enty naamnëmpë yoonpëtsëmyën, jamës tunkëjxm kë'ëm nkoja'any ma ja kopkën wäänë këjxmëpë,

Ezequiel 16:14

Akäjpxy ojts m'ity oymyaanaax myaakajpnëty mëët ko ënety m'oyëty mtsujëty, aak'oy ijty ja'ay mtijyë jä'ä ko ëjts ojts mijts n'oytyuny. Ëjts Wintsën, ëjts ënaanp.

Isaías 55:12

Xoontä'äky jam nëjkx mtsoontë, jotkujk nëjkx mja'të ma mnaax mkajpnëtyën. Ko ënety xynyinaxtë ja tun kopk may nëjkx ja'ay mjëjpaatë'ëkëtë ets nëjkx myajwin'ëw myajwinya'axtë mëët ja jotkujk'ajtën ets tu'kë'ëyë aay kepy nëjkx kyë'ë t'apo'kxmuktë.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Proverbios 27:4

Yë äkë toyë oy myëkëty, ets joot'an yaj'atëkoopy winë, e yë joot'an'ajtën tsip yë ja'ay tkumä'kxëty.

1 Samuel 18:15

Paatykyëjxm ja Saúl ënety tsë'ëkë, jä'ä ko ja David xëmë myëtä'äky.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Génesis 37:11

Paaty ja jyiiky myëku'uk namëtsip'ajtëp ënety, e yë tyeety je'eyë tmëmay tmëtajy tu'kë'ëyë ya'atë wiinkëma'ay.

Génesis 26:14

Janty nimay ënety yë kyupixyny ets jyëyujk tsyajpkaa ets näjyëtu'un yë tyuunpë. Paaty ojts ënätyë ja Filistejë ja'ayëty myëtsiptsoonyë.

Ezequiel 36:35

Ets nëjkx y'ëna'antë: Ijxtëm ya'atë ja naax kam janty'oy kyëxë'knë tä yë Edén naaxjotmën; jä'äts të y'ity aanë'ëk tëëtsë'ëk; ja naax kajpn mëti'ipë ojts mya'ta'ayën ets mëti'ipë ojts ëxëëk jyätyën, tyam ijxtëm ja ta'tspëky yajpatnë ets tää ja ja'ay tsyënaaynyëtë.