Ezequiel 30:9 - Biblia Dc en Mixe de Quetzaltepec

⁹ Ko ënety tpaaty ja xëëw po'o ma ja Egiptë kajpn yajtëytyunyën, nkäjxwa'kxäämpyës yë kukäjpxy mëti'ipë mejywyinkëjxy jëtitantëpën ets tuknijawëtëty yë Etiopíë kajpn ma jotkujk yajpaatyën ko tsë'ëkë jawë jyata'any, tëë timpyääty ja xëëw po'o ma ëxëëk jyata'anyën.

Biblia Mixe de Quetzaltepec

⁹ Ko ënäty tpaaty ja xëëw po'o ma ja Egiptë kajpn yajtëytyunyën, nkäjxwa'kxäämpyës yë kukäjpxy mëti'ipë mejywyinkëjxy jëtitantëpën ets tuknijawëtëty yë Etiopíë kajpn ma jotkujk yajpaatyën ko tsë'ëkë jawë jyata'any, tëë timpyääty ja xëëw po'o ma ëxëëk jyata'anyën.

Ezequiel 30:9 ပူးပေါင်းရင်းမြစ်များ

Isaías 23:5

Ko ënety ja Egiptë ja'ayëty tnijawëtë wi'ix ja Tirë kajpn jyajnën kyëpäjnën, nëjkxëp tmëkjawëtë,

Sofonías 2:15

Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënety jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Sofonías 2:12

Näyjyëtu'un miitsëty Etiopíë ja'ayëty nän nëjkxëp yë mëj Wintsën myajtsëtyutëtë mëët yë tëypyujxn.

Amós 4:2

Yë Wintsën ojts yë xyëëw tukajpxpety mëët ko wa'ats nyäyaj'ityë ets y'ënäny: Miimp ja xëëw po'o ma miitsëty myajmënëjkxa'antën tsumy matsy wiink naax wiink kajpn ets mëët yë jo'kn myajtsuumë'ëka'antë ets m'u'unk m'ëna'këty jëtu'un yaxuya'antë tä ja'ay nyëë jëyujk xuyën.

Ezequiel 39:6

Jëënës ntuknikäxäämpy yë Magog kajpn ets kajpn nëëpë'aaypyë yajpaatën ma ja'ay akujk jotkujk jyuuky'atën. Ënet nëjkx tnijawëtë ko ëjts Wintsënajtp.

Ezequiel 38:11

Nëjkxëp m'ëna'any: Yë'ëjës yam nitëkëjäämpy yë kajpn ka'apë myäyën nyäkyuwa'anëtëty, ma tsyëënëtën yë ja'ay akujk jotkujk ets ka'apë tii tmaytyë tajtën, tu'kë'ëyë ja naax kajpn mëti'ipë ka'ap nyapotsyëtyën, ka'apë nyi'akajën ets ka'apë tmëëtëtyën mëti'ipë yajtukjëkojtë'kpën.

Ezequiel 33:33

Ja aaw ayuk mëti'ipë mnikäjpxypën atëëwta'ajaanp jä'ä; ko ënety jëtu'un tyunyë jyätyë, jäänëm nëjkx tja'akyukëtë ko täätëm të jyayajpaaty tu'uk yë käjpxynyajxpë.

Ezequiel 27:35

Tëkokyë ja naax kajpn mëti'ipë yajpatëpën nëëpë'aay aak tsë'kënëtëp mëët ijxtëm të mjaty të mkëpetyën; yë kyutujkpëtëjkëty aak je'eyë myoonëtë tyujknëtë ets aak yaj'ijxnëtëp ma wyiinëty jyëjpëtyën ko tsë'këtyëp.

Ezequiel 26:16

Tëkokyë ja yajkutujkpëtëjk nëjkxëp jam wyä'ätsë'kta'atë ma y'ënyääypyäjnëtyën ets nëjkxëp ja wyit tjäänta'atë mëti'ipë ënety myë''ënä'ämtëpën; tsë'ëkë mëët nëjkx nyaaxwäätstë jatëkok ets janaam jatsojk tsyëtyuytyëty ko ënety m'ixyë.

Jeremias 49:31

Ëjts mëti'ipë Wintsën'ajtpën, jëtu'unës të n'ëne'emy: Nëjkxtë, nëjkx yajkutëkoytyë yë naax kajpn mëti'ipë jotkujk yajpatpën ets mëti'ipë ka'ap tii tmay tajyën, ja naax kajpn mëti'ipë ëwa'ats'ijtpën, ka'apë y'awiityën mëët yë pujxn, atu'kpajkpë yajpaatyën.

Jeremias 49:21

Nëkooyë nëjkx yajmëtoy nyä'ämnë ko ënety ja Edom kyutëkoy, yë'ëpaat nëjkx naaxwiinyëtë yu'kxy; may ja ja'ay näypyutëkë tja''amëtowëty, nëjkxëp jyaya'ax jyajoktë jampaat Tsaptsmejy ëkë'ëm.

Isaías 47:8

Paaty tyam n'ënëëmë ets xymyëtoow'itëty yajxon mëti'ipë yam ntuk'ënëëmëjäämpyën, mijts to'oxytyëjk mëti'ipë wit meeny y'atsojkpyën ets ka'ap nijënu'un mkumay mkutajë jam ma mkutujktaknën, ets mnämyä'äy mnätyajxëty: Ëjts, ëjts nätyu'uk; ka'apës nijëna'a nku'ookëtëty ets ka'apës nijëna'a u'unktuk nwë'ëmëty.

Isaías 20:5

Ja ja'ayëty ko nëjkx jëtu'un t'ixtë je'eyë nëjkx tsyë'ëkëtë ets tsyëtyuntë, jä'ä ko jëtu'un ënety yë Etiopíë kajpn të tjawëtë tä tu'uk mëk kajpnën ets Egiptë kajpn mëti'ipë mëj'äämpy ijtpën.

Isaías 20:3

Tä ja Wintsën y'ënäny: Yë ntuunpës Jeséas niwa'ats tekywya'ats të yajpaaty tëkëëk jëmëjt, jëtyu'uxp të y'ity, jä'ä ko ja Egiptë ets Etiopíë o'ktëy jyata'antë.

Isaías 19:17

Ëxëëkëm nëjkx yë Egiptë ja'ayëty tsë'ëkëtë yë Israel ja'ayëty, oy je'eyë xyëëw tjakajpxpaatëty, mëët ko ënety të tnijawëtë wi'ix ja Wintsën mëti'ipë maaytyääyëpën winë të tuknipëjktaakën.

Jueces 18:7

Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënety jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënety yajpaatë ets ka'ap pën mëët nyämyäyëtë.

1 Tesalonicenses 5:2

Wa'ats miits xynyijawëtë ko ja Wintsën myina'any oyjyëna'ajëty ma ënety ka'ap pën tjëjp'ixyën, ijxtëm tu'uk ja mä'tspë koots jyä'tyën.

Ezequiel 24:14

Ëjts Wintsën, ëjts ënaanp ets jëtu'un tyuna'any jyata'anyë. Ëjts jëtu'un kë'ëm nyajtunan nyajjatanëp ets ka'ap mpa'ëyowa'any ets ka'apës jatëkok nwinma'anytyëkatsa'any. Yë'ë ntuktëytyunäämpy ko ëxëëk të m'ëtë'ëtsy të m'ëna'any. Ëjts Wintsën, ëjts ënaanp.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.