Ezequiel 3:26 - Biblia Dc en Mixe de Quetzaltepec

²⁶ Ëjts nyajkutukäämpy ets jëtu'unyë myä'än myëj'o'tspätëty mpa'kxwiiny ets uum mwë'ëmëty. Ka'ap nëjkx tjëkyepy wi'ix xy'ojëty ja naax kajpn ko kyäjpxykyumëtoownaxtëty.

Biblia Mixe de Quetzaltepec

²⁶ Ëjts nyajkutukäämpy ets jëtu'unyë myä'än myëj'o'tspätëty mpa'kxwiiny ets uum mwë'ëmëty. Ka'ap nëjkx tjëkyepy wi'ix xy'ojëty ja naax kajpn ko kyäjpxykyumëtoownaxtëty.

Ezequiel 3:26 ပူးပေါင်းရင်းမြစ်များ

Ezequiel 24:27

Jä'ä xëëw nëjkx mkajpxë'ëky ets jyëkyejpy nëjkx mëët mëtyä'äky mëti'ipë ënety të kyäktso'okyën. Jëtu'un ijxpäjtën m'itëty ma naax kajpnën ets nëjkx tnijawëtë ko ëjts Wintsën.

Salmos 137:6

Wä'än jëtu'unyë tmëj'o'tspety yë nyä'änës npa'kxwiinyës ko mijts nkaja'amyätsëty, pën mijts Jerusalén ka'ap n'ëkpëjktaknë mëj'äämpy koos ënety akujk jotkujk nyajpatnë.

Salmos 51:15

Wintsën, mijts myajkutukëp ets tjëkyäpëty wi'ixës nkajpxëtyën, etsës nkuuy'ëw nkuuyya'axëty mijts yë mmëjajtën.

Amós 5:10

Janty mon janty tuk miitsëty myajpaatë mëti'ipë y'ëxëëk ijxtëpën ko ti mëtëy yajnipaye'ey ets mëti'ipë y'ëxëëk ijxtëpën ko ja pokyjyä'äy tkumëtoy ja nyëë pyoky.

Oseas 4:17

Yë Israel, mëti'ipës ntsojkpy nja'apën, të nyäkyë'ëyäkyë ma wiink tiosën. Tä ëmu'ukyë ja'ayën të kyëtaawta'atë. Janaam jatsojk jyot nyini'kx tooktë tyaktë ets yë'ë ni'ik tsyojkën'ajtëp yë tsëtyu'un këtiinëm yë näyajmëjnaxë.

Lamentaciones 2:9

Ja naax kajpn tëë ja nyitëjk'aaw mya'taaynyë ets mëti'ipë mëët y'ëtukyën nän tëë mya'ta'ay; tëj joow të jyajta'ay, aak naaxkëjxy të kyëtakta'ay. Yë yajkutujkpë ets y'ënä'ämpëtëjk aakjam yajpata'atë wiink naax wiink kajpn ma ja'ay wiink tios t'ëwtatën; ka'ap maa ja Dios ja tyiyajtën y'ëkyajpatnë. Yë kyäjpxynyajxpëtëjk ka'ap y'ëkwinkëmaanëtë ets Wintsën tii y'ëktuk'ijxënëtë.

Jeremias 1:17

E mijts jotmëk mnäpyëjkta'akëtëty; nëjkx ets xy'ënëëmëty ijxtëm të ntuk'ëne'emyën. Këtii ni pën xytsyë'ëkëty, jä'ä ko pën mijts mtsë'këp ni'ikyë nyajtsëyuuypyëka'any ma yë'ëjëtyën.

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Ezequiel 33:22

Tëë ënety ëxë'ëy jopyëp ja wintsën ja kyë'ë tpëjktä'äky maas yë n'aawën; e komjëpom ko tääpë ja'ay myiiny mëti'ipë jam Jerusalén të kyäkpëtsëmyën, ënät ojts ja Wintsën jatëkok xyajkajpxë'ëkyës ets ka'apës ojts në'k'u'umnë.

Daniel 10:15

Koos jëtu'un të xy'ënëëmë, ëjts tëyës ënety ja nwiin jam nyajtëëynyë naaxkëjxy ets amonyës ntänë.

Oseas 4:4

Jëtu'un yë Wintsën y'ënä'äny: Ka'ap tjëkyepy pën t'ojëty yë myëku'uk. Mijtsyë mëët nmëët'atyës yë tsip, mijts teety.

Ezequiel 12:2

Mijts ye'etyëjk, jap mjuuky'äty ma naax kajpnën mëti'ipë je'eyë käjpxy kyumëtoownajxpën. Myëët'ajtëp yë wyiinëty mëti'ipë tyuk'ixtëpën je'eyëp ko ka'ap y'ixtë; myëët'ajtëp yë tyatskëty mëti'ipë tyukmëtoowtëpën je'eyëp ko ka'ap myëtowtë, jä'ä ko tääpë naax kajpn käjpxy kumëtoownajxpë yë'ë.

Ezequiel 12:3

Paaty nänyipëjktaakët ets mtsoonëty tsumy matsy, xëëny mtsoonëty ma mjëën mtëjkën, ijxnë kä'äxnë ets mnëjkxëty wiink naax wiink kajpn; wä'änxyëp tja'akyukëtëty ko tääpë kajpn je'eyë kyäjpxykyumëtoownaxtë.