E ko yë wa'ats ja'ay t'ëxmatsëty ja oynyë'ë oytyu'u ets jä'ä tunëty ja ëxëëkpë mëti'ipës n'ëxëëk'ijxypyën mëti'ipë ëxëëk ja'ay tyuunpyën, ¿ko m'ëk may m'ëk tajtë, wä'än jëtää tääpë ja'ay jyuuky'atëtyë? Oy ënety tii winë të tjatuny oy, ëjts ka'apës nja'amyätsa'any; yë'ë kopkpëky ko y'ookëty mëët ko ënety të xykyawintsë'ëkës ets yë'ë nëjkx tku'ookë nyëë pyoky.
Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.
Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Dios ja y'aaw y'ayuk; ets jëtu'un ëxëëk jyatë kyëpätë.
E ko ja këwent'ajtpë t'ixëty ko tam ja mëtsip wyinkony ma ja naax kajpnën ets ka'ap tukxu'uxëty ja xyuxn ets ja ja'ay nijawëtëty ets ja mëtsip kyajpntëkëty tyaj'ookëty ja ja'ay, yë'ë kopkpëky ko yë pyoky tku'ookëty ets nëjkxëpës ja këwent'ajtpë ntukumëtoy ko ja ja'ay ënety të y'ooky.
Tä tu'uk ja o'ktaknën yu'utsypë jëtu'un nëjkx yajpaaty; tä tu'uk tsaajën mëti'ipë yajkunäjpëpën, jëtu'un nëjkx ja Israel ja'ayëty nyaxtë, jam nëjkx kya'atë ets y'ooktë yë Judá ja'ayëty.
Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Dios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Dios tyukmëtsokëtën.
Jëtu'unyë tko'owëtijta'aja'antë tu'ujoty ja poop pujxn mëti'ipë myëët'ajtëpën; tä pu'uxmën t'ixko'owa'antë ja pu'ts pujxn. Oy tjamëët'atëty ja pu'ts pujxn ets ja poop pujxn ka'ap yë'ë yajtso'oka'anëtë ko ënety ja Wintsën tyukjoot'anpëkëtë. Ka'ap nëjkx myäyëtë wi'ix ja yuu xëëw tyajnaxtëtyën ets ka'ap nëjkx myäyëtë wi'ix ja myox tyaj'utstëtyën, jä'ä ko ja pu'ts pujxn jä'ä ënety të yajkuka'anaxëtë jap pokyjoty.
Ënet ja Wintsën tukjoot'anpëjky ja Amasías ets tuknikejxy tu'uk ja tyuunpë mëti'ipë y'ënëmaayën ja Amasías: ¿Wi'ixën ko mijts xy'ëwtajtpë tääpë awinax, mëti'ipë yë Edom ka'ap të pyutëkëtyën ma mëët të mtsiptunyën?
Ënet ja Simeón myooyëtë ja kënu'kxën ets t'ënëmaay ja Maria, ja Jesús ja tyaak: Ya'atë mëxu'unk ye'etyëjk, yë'ë të yajtuknipëjktaakë ets may ja Israel ja'ay kyëtawtëty ëkë pyëtë'ëktëty; ijxpät nëjkx y'ity ets may nëjkx ja'ay ka'ap kyupëkyë,
E ok të mwinmaaytyëkatstë ets të xytyukxi'iktë ja nxëëwës, tëë xy'atsip'atë jatëkok ja ja'ayëty mëti'ipë ënety të xynyajtsmatsëtën ets jatëkok xy'atsip'atë ets mëtunëtëty.