Ezequiel 3:18 - Biblia Dc en Mixe de Quetzaltepec

¹⁸ N'ëkpëjktakmëty nikajpxëtyës tu'uk yë ëxëëk ja'ay mëti'ipë tëë nyitukën ets y'ookëty; pën mijts ka'ap ja ëxëëk ja'ay xytyuk'ëwaanë ko tëë nyitukë ets jeexyë ja y'ëxëëktu'unën t'ëxmatsy, yë'ë kopkpëky ja nëjkx tku'ookë ja tyëko'oyën, mijts nëjkxëp mpokytyëëmë'ëky ko ënety të xykyatuk'ëwaanë ets jeexyë tsyo'oky.

Biblia Mixe de Quetzaltepec

¹⁸ N'ëkpëjktakmëty nikajpxëtyës tu'uk yë ëxëëk ja'ay mëti'ipë tëë nyitukën ets y'ookëty; pën mijts ka'ap ja ëxëëk ja'ay xytyuk'ëwaanë ko tëë nyitukë ets jeexyë ja y'ëxëëktu'unën t'ëxmatsy, yë'ë kopkpëky ja nëjkx tku'ookë ja tyëko'oyën, mijts nëjkxëp mpokytyëëmë'ëky ko ënäty të xykyatuk'ëwaanë ets jeexyë tsyo'oky.

Ezequiel 3:18 ပူးပေါင်းရင်းမြစ်များ

Ezequiel 33:6

E ko ja këwent'ajtpë t'ixëty ko tam ja mëtsip wyinkony ma ja naax kajpnën ets ka'ap tukxu'uxëty ja xyuxn ets ja ja'ay nijawëtëty ets ja mëtsip kyajpntëkëty tyaj'ookëty ja ja'ay, yë'ë kopkpëky ko yë pyoky tku'ookëty ets nëjkxëpës ja këwent'ajtpë ntukumëtoy ko ja ja'ay ënety të y'ooky.

Ezequiel 3:20

N'ëkpëjktakmëty wiinkpë ijxpäjtën; tu'uk yë ja'ay oypyë jyuuky'ätyën tyajtëkatsëty yë jyuukyajtën ets jä'ä tuunëty ja ëxëëkpë ëkë tëkatsypë ets jyuukyajtën tyajtsiptëkëty; pën mijts ka'ap wi'ix xy'ënëëmë, ookëp yë'ë. Ëjts ka'apës nja'amyätsa'any oy ënety tii oy të tjatuny mëj këjää, yë'ë nëjkxëp ja pyoky tku'ookë; je'eyëp ko mijts nëjkx nyajtëy pën tëë ënety xyjya'ënëëmë ets ka'ap tii tëkatsy tunëty.

Hechos 2:40

Jeky ja Pedro ojts ja ja'ay tmëëtmëtyä'äky kanaakpëky, ets tjakajpxwijy: Ixmatstë ja m'ëxëëk winma'anyëty ets këtii mëët mnämyäyëtë yë ja'ay mëti'ipë näyaj'ijtëtëpën pokyjotm.

Lucas 13:5

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënety mëtoow'ijtëpën.

Juan 8:21

Ënet ja Jesús t'ënëmaaykyojnëpë ja mayjyä'äy: Nëjkxpës ets miits xy'ixta'aja'antës, je'eyëp ko mku'ookëjantëp miits ja mpokyëty. Maas nnëjkxyën, ka'ap tjëkyepy jam mnëjkxtëty.

Ezequiel 18:20

Yi'iyë mëti'ipë pokytyuunpën ookaanp. Ka'ap tjëkyepy yë u'unk ëna'k tkëpätëty tyeety yë pyoky; näy ka'ap tjëkyepy teety tkëpätëty yë u'unk ëna'k yë pyoky. Yë ja'ay mëti'ipë mëtëy winë tyuunpyën y'ëxajëjäämpy ja näykyumayë mëët ko ënety mëtëy winë të tuny; e mëti'ipë ëxëëk winë të tunyën kwanë ko nëjkx tkumëtoy.

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Ezequiel 34:10

mëti'ipë yam ëjts Wintsën miitsëty ntukmëmëtya'akantëpën: Miitsëty kupixyny këwent'ajtpë, mmëtsipës yam näpyëjktä'äkyë ma miitsëtyën ets yë'ë yam ntukpatëkëjantëp ja nkupixynyës; mpëjkëjantëp yam ja tuunk ma mkupixynykyëwent'atën, këtiipë kë'ëm mtsyätynyäkyëwent'atëtëty; mpëjkëtya'ajantëp yam yë nkupixynyës këtiipë xytsyu'tsta'atëty.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

1 Timoteo 5:22

Ka'ap nëkoo ja ja'ay xykyë'ënixajëty pën ka'ap yajxon të xywyinmay të xywyintajy, këtiipë xymyëpokytyëkëty ja wiink ja'ay ja pyoky. Wa'ats mijts mnäyaj'itëtëty.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Lucas 13:3

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Ezequiel 18:13

nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënety të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënety jëtu'un nyätyunyë.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.

2 Reyes 1:4

Ets ënëëmë näjyëtu'un, ko ëjts mëti'ipë Wintsën'ajtpën, jëtu'unës n'ënëëmë yë Ocozías: Mijts ka'ap m'ëk niwijanë, m'ookaanp yë'ë. Ja Elías ojts jyänty nyijkxy ets jëtu'un tuuny.

Génesis 2:17

mëti'ipë tëy, ka'ap xyjyë'kxëty mëti'ipë myëët'ajtypyën ja jot winma'any oypyë ets ëxëëkpë, këtii xyjyë'kxëty yë tyëëm tääpë kepy. Jä'ä ko pën mjë'kxyp m'ookëp yë'ë.

2 Samuel 4:11

E mëët yë tyampë xynyikajpxtën, nän timjëtu'un ënät mjatëty mkëpätëty, miits ëxëëk ja'ay ka'oyjyä'äyëty, yaja'ay'o'kpë, ix pën të xyaj'ooktë ja ja'ay ka'apë tii poky tmëëtëtyën, japë ënety oy mëk myä'äy pyo'kxyën ma jyëën tyëjkën. Paaty miitsëty kopkpëky ets ënät xykyumëtowtëty mëët ja mëti'ipë të xytyuntën. Oy wi'ix mja'ënanëtë, kopkpëky ko m'ooktëty mtëkoytyëty.

Génesis 42:22

Ënet yë Rubén t'ëtsooy ja myëkä'äxtëjk: Ëjts ojtsës nja'ëna'any ets jeexyë ka'ap wi'ix ntu'unëmë, e miitsëty ka'apës ojts xykyäjpxymyëmëtowtë, e ëëtsajtëm kwanë ënät n'ëtsoowinpijtmëty yë y'o'kën tyëko'oyën.

1 Samuel 8:9

Paaty n'ënëëmë ko kupëk je'eyë ijxtëm y'ëna'atën; je'eyëp ko tuk'ëwaanë wi'ix nëjkx ja yajkutujkpë jyä'äy'ätyën ets ijxtëm nëjkx winë tunyën ma yë'ëjëtyën mëti'ipë ënety ënä'ämëtëpën.

Ezequiel 33:12

Mijts ye'etyëjk, ënëëmë yë mëku'uktëjk: Ko tu'uk yë ja'ay tyuuntëkoyëty mëti'ipë oy juukyajtpën, ka'ap yë'ëkyëjxm tsyo'okëty ko ënety jëwyiin oy të jyuuky'äty; e ko tu'uk yë ëxëëk ja'ay tyaj'oyëty yë jyuukyajtën, oy ënety ëxëëk të jyuuky'äty ka'ap nëjkx y'ooky. Ko tu'uk yë ja'ay tyuuntëkoyëty mëti'ipë ënety oy të jyuuky'ätyën ka'ap yë'ëjëty nëjkx yajtso'okyë ko ënety oy më''ëka'any të jyuuky'äty.