Ezequiel 3:12 - Biblia Dc en Mixe de Quetzaltepec

¹² Ënet ja Dios ja myëk'ajtën ojts xywyijtsë'ëkyës ets jap njëxkë'pës nmëtooyës tu'uk yë mëto'owën mëkpë, jëtu'un y'amu'uy tä yë naaxwiinyëtë yu'kxyën, ko jyëwä'äky jam ma y'ijtaknën ja Wintsën ja myëj'ajt y'oyajtën.

Biblia Mixe de Quetzaltepec

¹² Ënät ja Tios ja myëk'ajtën ojts xywyijtsë'ëkyës ets jap njëxkë'pës nmëtooyës tu'uk yë mëto'owën mëkpë, jëtu'un y'amu'uy tä yë naaxwiinyëtë yu'kxyën, ko jyëwä'äky jam ma y'ijtaknën ja Wintsën ja myëj'ajt y'oyajtën.

Ezequiel 3:12 ပူးပေါင်းရင်းမြစ်များ

Hechos 8:39

Ko pyëtsëëmtë nëëjoty, ënät ja Felipe ja Wintsën ja Jya'awën wiinktsow yajnëjkxë; ni kä'äp ja Etiopíë ja'ay t'ijxy maa ojts ja Felipe nyijkxy e yë'ë akujk jotkujk ojts jatëkok tyu'utëkë.

Ezequiel 8:3

Tëë ja ja'ay ja kyë'ë xynyimëjxajyës ets të tmatsy ja nwaayës. Ënet ja Dios ja myëj'ajtën të xyajpëtë'ëkyës etsës pojjoty të xyajnëjkxy, etsës ja Dios të xytyukwin'ixy xyajnëjkxyës jam Jerusalén, jam të xypyëjktä'äkyës ma yajnitëkën ja naax kajpn, anëkëjxytsyowpë, ma yajpaatyën ja awinax mëti'ipë ëxëëk yë Dios t'ixyën.

Ezequiel 11:1

Ënet ja Dios ja myëk'ajtën ojts xyajpëtë'ëkyës etsës ojts wyoownëjkxy jam ma yajnitëkën yë Wintsën yë tsyajptëjk. Jam ma tëjk'aawën i'px mëkoxk jam yë ja'ay tyänëtë. Yë'ëjës ojts n'ixkäpy yë Jaazanías, yë Azur yë myaank ets Pelatías, yë Benaías yë myaank, mëti'ipë mëj'äämpy ijtpën ma naax kajpnën.

Hechos 2:2

Ajotkumonë yajmëtooy amuup kyëtä'äky jam tsajpwinm, ijxtëm yë mëk pojën ets mëk ojts tyukwanë tëkoty.

Ezequiel 3:14

Ënätës ja Dios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Dios mëk xymyajts'ity nkë'ëkëjxyës.

Apocalipsis 19:6

Tääts nmëtooyës ijxtëm ja mayjyä'äy kyajpxtën, ijxtëm ja mëjnëë y'iitsy kyomyën ets ijxtëm ja ënääwën y'ënä'änyën: Tukxoontä'äky mëjjawë yë Dios yë xyëëw nyaxëty, jä'äkyëjxm ko yajkutujktsoony, ja Wintsën Mëti'ipë Maaytyääyëpën Winë.

Apocalipsis 1:15

Janty ajajp atsëmaamp ja tyeky, ijxtëm ja jempyë pujxnën ets jëtu'un kyäjpxy ijxtëm ja mëjnëë y'iitsy kyomyën.

Apocalipsis 1:10

Wintsën ënety ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Ezequiel 10:4

Ënet ja Wintsën ja myëj'ajt y'oyajtën të pyëti'iky ma yajpaatën ja tsajpjotmëtë kukäjpxy ets të nyijkxy ma ja tsajptëjk yajnitëkën; ënät ja tsajptëjk të tyuktuky mëët ja yoots ets të jyajtä'äky jap tsajptëjk ëkë'p ja Wintsën ja myëj'ajt y'oyajtën.

Ezequiel 9:3

Ënet ja Israel Dios ja myëj'ajt y'oyajtën të pyëti'iky anëkëjxytsyow ma tyänëtën ja tsajpjotmëtë kukäjpxy ets të nyijkxy ma ja tsajptëjk'aawën. Ënet ja Dios të tmëkäjpxy ja ye'etyëjk ja'ay mëti'ipë linë wit xyox'ajtypyën ets wyëënkëjxy tmëëtëty ja mëti'ipë tyukjääpyën,

Ezequiel 2:2

Koos tääpë ja'ay të xymyëkäjpxy, ënätës të xytyuktëkë ja Dios ja myëk'ajtën etsës të nwa'akë'ëky. Täätsës të nmëtoy ko ja aaw ayuk mëti'ipës ënety xymyëëtmëtyakpën

Isaías 6:3

Ets xim yam nyäy'ëna'anëtë: Wa'ats, wa'ats, wa'ats ja Wintsën mëti'ipë maaytyääyëpën winë; ujts ja naaxwiinyëtë yajpaaty mëët ja myëj'ajt y'oyajtën.

Salmos 148:2

Mmëjpëjkta'aktë yë Wintsën, miitsëty Dios kyukäjpxy. Mmëjpëjkta'aktë yë Wintsën, ninu'un tsajpjotm Dios xymyëtuntë.

2 Reyes 2:16

ets t'ënëmaaytyë: Ëk'ix Elisejë, maa ëëtsëtyën, tä ja'ay yajpaatë niwëxtyikxymyajkën mëti'ipë jotmëkëtyën. Yë'ë ënëëmëtë wä'än nëjkx t'ixta'atë ja mwintsën Elías, jä'ä ko wä'änxyëp je'eyë yë Wintsën yë myëk'ajtën y'oyajtën të yajpëtë'ëkyë ets jatëkok të nyasmatsëty jam muum tunkëjxm kopkkëjxm ëkë jam muum joyjotm. E yë Elisejë tyaa y'ëtsooy: Ka'ap nëkoopë pën nkäjxmëty.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

Ezequiel 3:11

Nëjkx yë mëku'uktëjk ixtë mëti'ipë jam tsumy matsy ijtëpën wiink naax wiink kajpn, wä'än t'ixy oy tmëpëk tkamëpëktëty yë m'aaw m'ayuk, jëtu'un xy'ënëëmëty: Jëtu'un yë Dios y'ënä'äny.

Salmos 26:8

Wintsën, ëjts yë'ëjës ntsojkën'ajtyp yë mtsajptëjk ma m'ity mtsëënën, ma ja mëj'ajt m'oyajtën yajpaatyën.

Ezequiel 43:4

ënät ja Wintsën ja myëj'ajt y'oyajtën tyëjkëy ma ja tsajptëjkën, xëëwpëtsëmtsyow.

Ezequiel 43:5

Ënet ja Wintsën ja myëk'ajtën ojts xyajpëtë'ëkyës ets xyajnëjkxyës ma ja tëja'awën tëkotytsyowpë, etsës n'ijxy ko tëë ja Wintsën ja myëj'ajt y'oyajtën tyajtuktujkta'ay ja tsajptëjk.