Ezequiel 29:3 - Biblia Dc en Mixe de Quetzaltepec

³ Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Biblia Mixe de Quetzaltepec

³ Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Ezequiel 29:3 ပူးပေါင်းရင်းမြစ်များ

Ezequiel 32:2

Yë'ë ya'atë aaw ayuk mtukkuuy'ëwëp yë Egiptëpë yajkutujkpë: Jëtu'un m'ëtë'ëtsy m'ëna'any kaajën ma naax kajpnën; tä tu'uk mëj jëyujkën nëëjotypë tsyëënën: Ko mkuyuny ma mkë'ëm mëjnëëjën, mëët yë mteky xyaj'ëxëëkë yë nëë ets xyajki'ixkë yë nëëkap.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Jeremias 44:30

Nkë'ëyakäämpyës yë Hofra, Egiptë yajkutujkpë, ma myëtsipën mëti'ipë ëxëëk tsë'ëkën, jëtu'un ijxtëmës nkë'ëyäjkyën ja Sedequías, Judá yajkutujkpë, ma ja myëtsipën Nabucodonosor, Babilonyë yajkutujkpë mëti'ipë ënety ëxëëk tsë'ëkën.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Ezequiel 28:22

Jëtu'un xy'ënëëmëty: Ya'atë yë Wintsën të tkäjpxy: Ëjts mmëtsipës yam n'awinpity ma mijtsën Sidón kajpn; ëjts mëj'äämpyës naxa'any ma mijtsën. Ko ënety mijts myajnitëkë maas nyaj'ixa'anyën ja nmëj'ajtënës ets nwa'ats'ajtënës, ënät nëjkx yajnijawë ko ëjts Wintsën.

Ezequiel 28:2

Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Deuteronomio 8:17

Ijxkëm jëna'a mmaaytyëpë mtajtëpë ko tëkokyë mëti'ipë mmëët'ajtëpën, kë'ëm të xyajnimëjaawta'aktë.

Apocalipsis 20:2

Tyaapë tsajpjotmëtë kukäjpxy myajts ja mëj tsa'any mëti'ipë yajtijpën mëjku'u ets Satanás ets tkë'ëtsuumy tekytsyuumy mëët ja mëj pujxntejpxy ets jëtu'un tu'uk mil jëmëjt y'itëty tsumy matsy.

Apocalipsis 16:13

Ënätës n'ijxy nitëkëëk ja ku'oypyë, ijxtëm yë nootsyën, pyëtsëëmtë mëj tsa'any y'aawjoty, mëj jëyujk y'aawjoty ets jap y'aawjoty ma ja mëti'ipë ja Dios käjpxynyajxpë nätyijëpën je'eyëp ko ka'ap myëtëy'atë.

Apocalipsis 13:11

Okës n'ijxy wiinkpë ja mëj jëyujk pyëtsimy naaxjoty. Mäjtsk ja wyaj ijxtëm kupixyny u'unk yë wyajën ets jëtu'un kyäjpxy ijxtëm ja mëj tsa'anyën.

Apocalipsis 13:4

Ets twintsë'këtyë ja mëj tsa'any jä'äkyëjxm ko ja mëk'ajtën ets ja kuttujkën ënety të tmo'oy ja mëj jëyujk. Näyjyëtu'un ja mëj jëyujk twintsë'këtë ets y'ëna'antë: ¿Pën jëtää jëtu'un ijxtëm ya'atë mëj jëyujkën? ¿Pën yë'ë ëkmayëtëp?

Apocalipsis 13:2

Ya'atë jëyujk mëti'ipës n'ijxën, jëtu'un kyëxë'ëky ijxtëm yë kuuyxyëpëjyën. Jëtu'un ja tyeky ijxtëm ja osë tekyën ets ja y'aaw ijxtëm ja kaa aawën. Ja mëj tsa'any ojts myo'oyë ja mëk'ajtën, ënä'ämtakn ets ja mëjkutujkën.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Salmos 68:30

oj yë Egiptë ja'ayëty, mëti'ipë ja'ay'ajtëpën tä mëj jëyujkën aayjoty ujtsjotypë, tä tsajpkaa yä'äyën inpë, mëti'ipë näjya'awëyëpën tsajpkaa ëna'kën, mëti'ipë yi'iyë myëmääpy myëtäjpyën wi'ix ja wit meeny may'äämpy tpaatëty oy ja naax kajpn ëxëëk tyajjatëty; oy ja naax kajpn tsyiptun tsyippaatëty.

Ezequiel 30:12

Nyajkutukäämpyës ets Nilë mëjnëë tsyë'ëtsëty, yë'ëjës naax kajpn ntukë'ëtëkëjäämpy yë ëxëëkja'aytyëjk; jaaypyaat jaaypyo'kxy nëjkx ja naax kajpn tyajwë'ëmy xit ko'ow ets nëjkxëp mya'ta'ay winë mëti'ipë ënety yajpatpën ma naax kajpnën. Ëjts Wintsën ëjtsës jëtu'un të n'ëna'any.

Ezequiel 30:22

Paaty ëjts maas nWintsën'atyën, jëtu'unës n'ëna'any: Ëjts mëtsipës yam n'awinpity ma yajkutujkpën, mëti'ipë jap Egiptë ënä'ämpën. Ntëjjäämpyës yam mäjtskëty yë kyë'ë, tu'uk yë oypyë ets tu'uk mëti'ipës të ntëjyën ets jëtu'un tmajtstu'utëty yë tyiypyujxn.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Amós 6:13

Nëkoopë nyanatëkë'aty ko mxoonta'aktë ets m'ëna'antë: Mëët ko ja jot mëjaaw të n'ijxëmë paaty ja ënä'ämën kuttujkën të mpatëmë.