Ezequiel 28:2 - Biblia Dc en Mixe de Quetzaltepec

² Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Biblia Mixe de Quetzaltepec

² Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Ezequiel 28:2 ပူးပေါင်းရင်းမြစ်များ

Génesis 3:5

Yë Dios wa'ats tnijawë, ko tääpë ujtstëëm xyjyë'kxtëty, nëjkxëp xynyijawëtë mëti'ipë oy ka'oyën. Tä nëjkx tu'kë'ëyë winë xynyija'awëtya'atë ets nëjkx mja'ay'atë tä Tiosën.

2 Crónicas 26:16

Je'eyëp ko ojts nyäjyawëty tëë myëktä'äky jam ma kutujktaknën, amëj akëjxm ojts y'awinpijnë. Ka'ap ja Wintsën t'ëkmëj'ijxnë, tëjkënyëp jap tsajptëkoty kë'ëmwinma'any ets tno'ky ja poom kë'ëmwinma'any ma ja poom wintsë'këntyaknën.

Salmos 9:20

Wintsën, ëtsë'ëkë tääpë ja'ayëty; tuknijawë ko ka'ap tii tkëjxm'atë, naaxwiinyëtë ja'ay yë je'eyëty.

Proverbios 16:18

Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,

Isaías 23:8

¿Pën ya'atë jëtu'unpë ënä'ämën të tpëjktä'äky ets ja Tirë kajpn o'ktëy jyatëty, ma ja yajkutujkpë y'ityën mëti'ipë ja jyä'äy ajuupy ato'ktëpën, mëti'ipë ja jyä'äy kumeenyëtyën ets mëj'äämpy y'itën?

Isaías 31:3

Yë Egiptë ja'ayëty, ja'ay yë näjyëtu'unëty, ets ka'ap tyios'atë; yë këwaayëty, jëyujk yë'ëjëty ets ka'ap pyoj'atë. Yë Wintsën nipëtë'ëkanëtëp yë'ëjëty ets tyiytyuna'anëtë, tu'ukyë ëxëëk jyata'an kyëpäta'antë, jëtu'un ja mëti'ipë kuwaanpën ets mëti'ipë yajkuwaanpën.

Isaías 47:8

Paaty tyam n'ënëëmë ets xymyëtoow'itëty yajxon mëti'ipë yam ntuk'ënëëmëjäämpyën, mijts to'oxytyëjk mëti'ipë wit meeny y'atsojkpyën ets ka'ap nijënu'un mkumay mkutajë jam ma mkutujktaknën, ets mnämyä'äy mnätyajxëty: Ëjts, ëjts nätyu'uk; ka'apës nijëna'a nku'ookëtëty ets ka'apës nijëna'a u'unktuk nwë'ëmëty.

Ezequiel 16:49

Jä'ä ko yë m'uty Sodomë, mëët yë mutskëtypë nyaax kyajpn, paaty ijty mëj këjxm nyäyajnaxëtë jä'ä ko tam may tmëët'atë jyi'kxy pyikyëty ets jotkujk yajpaatë, je'eyë ko ka'ap ojts nijëna'a tputëkëtë yë ëyoopëja'ay ets mëti'ipë winë yajmëyäjtypyën.

Ezequiel 26:17

Ënet nëjkx tyaj'ëypëtsëmtë ko ënety jëtu'un mjaty mkëpety: Wi'ix ko të mkutëkoy, wi'ix ko të myaj'ijxtëkoy jap mejy'akujky, ma ënety mëj'äämpy ets akäjpxy m'ityën. Mijts mëët yë mja'ay mëj'äämpy të m'ity ma ja mejyën ets tëë ja naax kajpn mëk mtsë'ëkëty naaxwiinyëtë apëtsëmy.

Ezequiel 28:1

Ënet ja Wintsën ojts xymyëkäjpxyës ets xy'ënëmaayës:

Ezequiel 28:17

Mëët ko ënety m'oyëty mtsujëty yë'ë ojts amëj akëjxm myaj'awinpityë ets ko ënety mëj jaanty mnäjyawëty ënät ojts tyëkooytyä'äy ja m'ixpëkyajtën. Ojts njaamteeny nnaaxteeny ets nëxi'iky tukxi'iky ojts nyajwë'ëmy ma wiinkëtypë yajkutujkpëtëjkën.

Ezequiel 28:9

¿Jëtu'un je'eyëm m'ëna'ana'any ko mijts mjëtu'unëty tä tu'uk tiosën ko ënety jam ma mëtsipën myajpatnë?. Ko ënety myajpatnë ma ja'ayëtyën mëti'ipë myaj'ookanëpën mijts nitii mëk'ajtën xykyamëët'ata'any ma mnaaxwinyëtë ja'ay'ätyën.

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Ezequiel 29:9

Aanë'ëk tëëtsë'ëk mkawinpita'any ets ja ja'ay t'ijxkaptëty ko ëjts Wintsën. Mijts jëtu'un m'ënany: Yë Nilë ëjts yë njä'ä, ëjtsës n'oytyuun.

Ezequiel 31:10

E oy ko jyëtu'unëty, yë Wintsën jëtu'un y'ënä'äny: tääpë kepy nëkooyë të yoonë, tëë jyëjp tpatnë yoots; ko nëkooyë të yony amëj akëjxm të y'awinpijnë.

Daniel 11:12

Ko ënety ja yajkutujkpë ëpa'tkë'ëytsyowpë të myëtä'äky ets ko ënety may ja myëtsip të tyaj'ooky yë'ë nëjkx mëj këjxm nyätyukyajnaxyë, je'eyëp ko ja kyutujkën ka'ap nëjkx jeky y'ity.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Daniel 11:37

Ya'atë yajkutujkpë ka'ap nëjkx tmëjpëjktä'äky ja Dios mëti'ipë y'aptëjk y'ëwtajtën ets ni yë'ë nëjkx tkamëjpëjktä'äky ja tios mëti'ipë ja to'oxytyëjktëjk y'ëwtajtëpën ets mëti'ipë tios nëjkx tkamëj'ixy, jä'ä ko yë'ë mëj nëjkx ni'ik nyäyajnaxyë këtiinëm jyëtu'un'atë ja tiostëjkëty.

Habacuc 2:4

Jëtu'un xykyëxja'ajëty, ko yë ëxëëkja'aytyëjk amëj akëjxm nyäyjyawëtë e yë wa'ats ja'aytyëjk juuky wyë'ëma'antë ets juuky'atantëp mëët ko Dios oy tmëtuntë.

Sofonías 2:15

Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënety jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Zacarías 9:2

Näyjyëtu'un yë Hamat kajpn, mëti'ipë mëët nyäpyaatëtën, yë Tirë kajpn ets Sidón kajpn mëët tu'kë'ëyë mëti'ipë tyukjuuky'ajtëpën ets wyinma'any'ajtëpën.

Lucas 14:9

ets ja kujëën kutëjk myinëty ets mnë'mxëtëty: Jëwääts jää wä'än ya'atë ja'ay yë'ë jää t'u'unyë. Tääts mijts tsëtyu'unmëët mpëtë'ëktëty ets jam muum jëxkë'ëm mjaaknaaxwäätsëty.

Deuteronomio 8:14

këtii mëj këjxm mnäjya'awënëtëty ets xyjyä'äytyëkooynyëtëty ja Wintsën mëti'ipë jap Egiptë mju'tëtën, ma ënety m'ëyowtën mëtuntën.

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Dios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Dios ja myëj tsajptëjkën ets jap yajpaata'any nyätyija'anyë ko Tyiosëty.

1 Timoteo 3:6

Paaty ka'ap mëpaat yë'ë kyutuunk'aty ja ja'ay mëti'ipë naamnëm Dios mëpëjkpën; këtiipë nyämyëjpëjkta'akëtëty ets kya'ajëty ëxëëktum ijxtëm jyäjtyën ja mëjku'u.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Apocalipsis 17:3

Ënet ja tsajpjotmëtë kukäjpxy, mëti'ipë ja Kënu'kxymyëkajtën xytyuk'ijxpënës ojts xyajnëjkxyës jam të'ëts'itjotm. Jam n'ijxyës ja to'oxytyëjk tuk'u'unyë ja mëj tsapts jëyujk mëti'ipë ujts nyini'kxën mëët ja ëxëëk ayuk mëti'ipë ja Dios tyukni'ojëpën ets wëxtujk ja kyëpajk ets majk ja wyaj.

Apocalipsis 18:7

Tëytyuntë tsaatyuntë ijxtëm pyaat'atyën, jä'ä ko tëë tuntë winë ëxëëk. Jëtu'un y'ënä'äny jyootjoty wyinma'anyjoty: Tyaajës n'u'unyë ijxtëm tu'uk yë yajkutujkpën to'oxytyëjkpë. Ka'apës nku'ooky tyo'oxyëty ets ka'apës n'ëyowa'any.