Ezequiel 27:26 - Biblia Dc en Mixe de Quetzaltepec

²⁶ Ja ja'ay mëti'ipë yajye'eytyëpën ja kepy nëëwinye'epyë jampaat myajja'ajtë nëë'itkujky, je'eyëp ko yë tuupoj mëti'ipë të tsyoonyën jam pëtë'ëktsow, ëxëëk të myajjatyë.

Biblia Mixe de Quetzaltepec

²⁶ Ja ja'ay mëti'ipë yajye'eytyëpën ja kepy nëëwinye'epyë jampaat myajja'ajtë nëë'itkujky, je'eyëp ko yë tuupoj mëti'ipë të tsyoonyën jam pëtë'ëktsow, ëxëëk të myajjatyë.

Ezequiel 27:26 ပူးပေါင်းရင်းမြစ်များ

Salmos 48:7

Jëtu'un tä mëkpoj myinyën anajnytsyow, mëti'ipë yajma'typën yë kepy nëëwinye'epyë jampë yajpaatën Tarsis.

Hechos 27:14

Ko wäänë y'ijty, ajotkumonë ja mëkpoj myiiny mëti'ipë yajtijpën Tëtykpyoj.

Ezequiel 26:19

Jä'ä ko ëjts Wintsën, ëjts ënaanp: Axit ako'owë ntuna'any, jëtu'un nyaj'awinpita'any tä itjotmën ma ka'ap pën tsyëënën. Ëjts nyajkutukäämpy ets mnijä'tstëkoyëtëty yë këk nëëmejy,

Jeremias 18:17

Jëtu'un tä yë jëënpoj tyajpojwä'kxyën winë mëti'ipë tso'onpën xëëwpëtsëmtsyow, jëtu'unës yë Israel ja'ay nwojpwa'kxa'antë ets tkukä'äktëty yë myëtsip. Ko yajtëytyunëty, ka'apës mpa'ëyowa'any ets ka'apës mputëkëja'any.

Apocalipsis 17:15

Ets ja tsajpjotmëtë kukäjpxy näjyëtu'un xynyëmaayës: Yë mejy mëti'ipë të xy'ixyën ma ku'into'oxy y'u'unyën, yë'ë tyijpy ja ja'ay mëti'ipë yajpatëpën maajaty ja naaxwiinyëtën, ma kanaakjëjpë ja aaw ayuk ja'ay tkajpxtën, ma ja naax kajpnën ets ma ja itjot naaxjotmën.

Hechos 27:41

Je'eyëp ko ja kepy nëëwinye'epyë jinjoty ojts jyänë. Ja jyëjp yë'ë ojts jinjoty kyukotë ets tim ta'tspëjk jap, e ja ix'ampë wa'ats mya'taay mëët ja komnëë ko jyä'tsminy jyä'tsxëpy.

Ezequiel 27:34

Tyam o'ktëy të mjajnë jap nëëjoty, tëë mkiinë jap nëëkomjoty. Ja m'ajuy m'atooky ets ja ja'ay mëti'ipë mëët myajpaatyën tëë kyiinta'atë mëët mijts jap këknëëjoty.

Isaías 23:14

E Tyam ënät miitsëty Tarsis ja'ayëty, je'eyë jë'ëtë ya'axtë, jä'ä ko ja naax kajpn mëti'ipë myajkojën ta'tspëky, tëë ja kyutëkoy.

Ezequiel 27:27

Yë mwit mmeeny, yë mjuy mtooky ets mëti'ipëjaty myaj'ijtyp myajwintëëpyën, yë mja'ay mëti'ipë yajye'eytyëpën ja kepy nëëwinye'epyë ets mëti'ipë kya'ptëpën, mëti'ipë jëëntuuntëpën, m'ajuuy m'ato'kpëty, mtsiptuunpëtëjkëty ets tëkokyë ja mja'ay mëti'ipë jap mkepy nëëwinye'epyëjoty myajëtijtypyën, mëët nëjkx mkiinta'ay ko ënety tpaaty ja xëëw po'o.

Ezequiel 28:8

Jap jutjoty myajkëta'aka'anyë, jap nëëpa'tkë'p myajkuka'anaxa'anyë.

Salmos 48:8

Jam ma ja Dios ja nyaax kyajpnën, yë Wintsën mëti'ipë maaytyääyëpën winë, tëës mëët yë nwiin ntimy'ixtë, mëti'ipës ënety tëë nyajtukmëmëtya'aktën: Dios yë'ë xëmë oy yaj'itëp yë Jerusalén kajpn.