Ezequiel 27:21 - Biblia Dc en Mixe de Quetzaltepec

²¹ Yë Arabië ja'ayëty ets wintsëntëjkëty mëti'ipë Quedar ja'ayëtyën jam ijty tyim ajuytyë ma mijtsën ets mo'oyë yë kupixyny ets tsajppax ko tii tjuy ja mëti'ipë mijts mtukmëto'kpyën.

Biblia Mixe de Quetzaltepec

²¹ Yë Arabië ja'ayëty ets wintsëntëjkëty mëti'ipë Quedar ja'ayëtyën jam ijty tyim ajuytyë ma mijtsën ets mo'oyë yë kupixyny ets tsajppax ko tii tjuy ja mëti'ipë mijts mtukmëto'kpyën.

Ezequiel 27:21 ပူးပေါင်းရင်းမြစ်များ

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Génesis 25:13

Yë'ë ojts ëka'any myiny naaxwiiny: Nebaiot, yë'ë kä'äxkopk'ajtp, mëmäjtsk myiiny jyä'äjty naaxwiiny yë Cedar, mëtëkëëk Adbeel, mëmajktaxk Mibsam.

Gálatas 4:25

Yë'ë ja Agar kyutënääpy ja Sinaí Kopk jam Arabië, mëti'ipë tyam nyitënääpyën ja Jerusalén, ya'atë kajpn ëne'emy tyam y'ity mëët yë y'u'unk y'ëna'k.

Hechos 2:11

Näy tam ënety yajpaatë mëti'ipë tso'ontëpën Creta ets Arabië. Ojts nmëtowtës ko tkajpxtë ja n'ayukëtyës ets tnikajpxtë mëti'ipë ja Dios të tuny të tkäjpxyën.

Jeremias 25:24

tu'kë'ëyë yë Arabië yajkutujkpëtëjkpë, tëkokyë yajkutujkpëtëjk mëti'ipë jam të'ëts'itjotm yajpatëpën,

Isaías 21:16

Ënätës ja Wintsën të xy'ënëëmë: jajëmëjt yë Quedar kajpn ka'ap ënety maanë, jëtu'un tä tu'uk tuunpë ja'ay tnimëtyä'äkyën mëti'ipë yi'iyë myëju'uny tyukjuuky'äjtypyën,

Cantares 1:5

Miitsëty to'oxytyëjktëjkëty mëti'ipë jam Jerusalén kukajpnajtëpën, ëjts yëkës, oy tsujës nja'ay'äty; yëkës nkëxë'ëky, tä yë wyittëjkëtyën yë Quedar ja'ayëty, oy tsujës ëjts tä yë Salomón yë wyit'atëëytyukën.

2 Crónicas 17:11

Ni'ikyënëm ja filistejë ja'ayëty tmëmiintë winë tä apëjk atu'unënyën, tä pu'ts pujxnën, poop pujxnën ets näynyamo'ojë. Näyjyëtu'un ja Árabe ja'ayëty ojts tmëmintë wëxtujk mil ja wëxtujk mëko'px yë kupixyny ets näjyëtu'un ja tsajppax.

1 Crónicas 1:29

Yë'ë ojts t'u'unk'at t'ëna'k'atë: Nebaiot xyëëwajtyp ja Ismael ja myaank mëti'ipë kä'äxkopkën, tääts ja Cedar, Adbeel,

1 Reyes 10:15

Ëpëky ja meeny mëti'ipë yajktëpën, ko kyëpätë, ja ato'kpëtëjkëty, ajuupyëtëjkëty ets ja yajkutujkpëtëjkëty mëti'ipë jam ënä'ämtëpën Arabië ets ja wintsëntëjkëty mëti'ipë ënä'ämtëpën ma mutsk kajpnëtyën.

Salmos 120:5

Janty mon janty tukës nyajpaaty, koos jaaypyaat jaaypyo'kxyënës nyajpaaty ma Mésec y'itjotmën, jamës të ntsënaaytyaknpëky Cedar.

Isaías 21:13

Ma yaj'akäjpxyën tii tunan jatanëpën jam Arabië. Jam ja Dedán ja'ayëty tyu'uma'atë ujtsjotm,

Jeremias 49:28

Ma ja Wintsën tnikäjpxyën wi'ix jyata'antën ja Quedar ja'ayëty ets Hasor ja'ayëty, mëti'ipë ja Nabucodonosor, Babilonyë yajkutujkpë ojts ka'ap yajmëta'akëtën. Nëjkx nitëkëtë yë Quedar kajpn, yajkutëkoytyë tääpë kajpn, xëëwpëtsëmtsyowpë yajpaatyën.

Proverbios 27:26

mpatäämpy yë mwit mtujkxy ma ja mkupixynyën, ets mwit mmeeny ma mtsajppaxën,

Isaías 42:11

Wä'än txoonta'aktë ja të'ëts'itjot ets ja ja'ayëty jënu'un jam tsyëënëtën, ets näjyëtu'un ja naax kajpnëty jampë yajpaatën ma tsyëënëtën ja Quedar ja'ayëty. Wä'än t'ëwtë tya'axtë mëët yë jotkujk'ajtën yë Selá ja'ayëty; wä'än mëk tyajmëtoy ëy yä'äxy jam ma tun kopkën.

Jeremias 2:10

Nëjkxtë jam mejy awinaxy ets ixtë tuntë; käxtë oypyënëty, yajxon t'ixëty tunëty pën tëë jam muum jëtu'unpë tyunyë jyätyë.