Ezequiel 27:13 - Biblia Dc en Mixe de Quetzaltepec

¹³ Näyjyëtu'un yë Grecië ja'ayëty, Tubal ja'ayëty ets Mésec ja'ayëty ojts myintë ma mijtsën ajuuy ato'kpë, yë'ë mmooyë ja'ay mëti'ipë mëtuuntëpën ets tsuxkpujxn.

Biblia Mixe de Quetzaltepec

¹³ Näyjyëtu'un yë Grecië ja'ayëty, Tubal ja'ayëty ets Mésec ja'ayëty ojts myintë ma mijtsën ajuuy ato'kpë, yë'ë mmooyë ja'ay mëti'ipë mëtuuntëpën ets tsuxkpujxn.

Ezequiel 27:13 ပူးပေါင်းရင်းမြစ်များ

Génesis 10:2

Ya'atë ojts t'u'unk'aty t'ëna'k'aty yë Jafed mëti'ipë xyëëwajtën Gómer, Magog, Madai, Javán, Tubal, Mésec ets Tiras.

Isaías 66:19

Ëjts nëjkx ntuknijawëtë: Ets nitu'uk nimäjtsk kyä'äktëty, tam mëti'ipë nëjkxaanpën Tarsis, Libië, Lidia, Grecië, Tubal ets jampaat ma ja naax kajpnën mejypyë'aaypyë; ma ka'ap pën tmëtoynyëmën ëjts yë nxëëw ets ka'ap pën t'ixynyënëm yë nmëj'ajt n'oyajtënës; yë'ë nëjkx tnikajpx tnimëtya'aktë ja nmëj'ajt n'oyajtënës. Jam Lidia aak tyukjajtyp ijty yë ja'ay tyajtunëty yë ti'pxn.

Apocalipsis 18:13

canela, tojkx tsooy, poom, mirra, wiink pa'akxu'kxpë nëë, tsatsym nyëë, olivë on, tsajpmokway, tsajpmokpajk, tsajpkaa, kupixyny, kwaay, kepy wintëkäämpë, mëtuunpë, jaaypyaat nëjkx tooktë.

Ezequiel 39:1

Mijts ye'etyëjk, tukmëmëtya'ak yë Gog ëjts nxëëwkyëjxmës, jëtu'un xy'ënëëmëty: Jëtu'un yë Wintsën y'ënä'äny: Gog, mëti'ipë mëj wintsën'ajtpën jam Mésec ets Tubal, mmëtsipës yam n'awinpity ma mijtsën.

1 Crónicas 1:5

Jä'ä Jafed y'u'unk y'ëna'k xyëëwajtë: Gómer, Magog, Madai, Javán, Tubal, Mésec ets Tirás.

Joel 3:3

Ojts ja nnaax nkajpnës nyätyuknikäkëtya'ajëtë mëti'ipë y'ijxpëtsëëmtën; tyo'ktë yajktë ja pi'k ëna'k ye'etyëjkpë to'oxytyëjk ets ja wit meeny mëti'ipë pyatën ko ja pi'k ëna'k to'ktë tyajktë jam tyajtuuntaaytyë ma y'uuktën myu'ukëtën ets ma ja to'oxytyëjk tmëët'atën mëti'ipë nätyo'k näyajkëtëpën.

Ezequiel 32:26

Xim ja Mésec ets ja Tubal, mëët nitëkokyë yë tsyiptuunpëtëjkëty, yë'ë nyapikëtyëp ja jyutëty. Aakjam të y'o'kta'atë tsipjotm, mëti'ipë ka'ap yë Wintsën të t'ëwtatën jap naaxpa'tkë'p të kyëtakta'atë. Tëë t'ëtsë'ëkëtë ja'ay mëti'ipë ënety juuky yajpatëpën.

Daniel 11:2

E tyam yë'ëjës yam nikajpxäämpy tëyajtënpë: Jaaktunantëp jam Persië tëkëëk yë yajkutujkpë, ok wiinkpë tyëkëja'any yajkutujkpë ja mëmajktaxkpë mëti'ipë nëjkx ni'ik kyumeeny'ätyën këtiinëm jyëtu'un'atë ja mëtëkëëkpë. Ko ënety ja wyit myeeny të yaj'awinpityë mëj'äämpy ets tëë kyëjääjë ja kyutujkën, ënät nëjkx tmëyu'kxëtyä'äy ja naax kajpn ets nëjkx tuknipëjktaakë wi'ix tnitëkëja'any ja Grecië itjot.

Daniel 10:20

Ënätës të xy'ënëëmë: ¿Mnija'ap wi'ix ko të niminyë? Jä'ä koos tsiptunaanpës jatëkok mëët yë tsajpjotmëtë kukäjpxy mëti'ipë pyutëjkëpën yë Persië kajpn. E koos ënety ntsiptuunta'ay mëët yë'ë, tääts myina'any yë tsajpjotmëtë kukäjpxy mëti'ipë pyutëjkëpën yë Grecië kajpn.

Daniel 8:21

Yë tsajppax yë'ë y'antijpy yë Grecië yajkutujkpë, e yë wyaj mëjpë kyëxë'ëkyën wyimpoktuuy yë'ë yë yajkutujkpë mëti'ipë ënä'ämaanpën.

Ezequiel 27:19

Jam Uzal, jam ijty tsyoony yë mtsatsym nyëë, yë pujxn, yë canelë, yë waxk mëti'ipë pa'akxu'kpën, mëti'ipë tyukwinkupëjktëpën yë mtooky.

1 Crónicas 1:7

Jä'ä Javán y'u'unk y'ëna'k xyëëwajtë: Elisá, Tarsis, Quitim ets Rodanim.

Génesis 10:4

Yë y'u'unk y'ëna'k yë Javán jä'ä ojts txëëwatë Elisá, Tarsis, Quitim ets Rodanim.

Salmos 120:5

Janty mon janty tukës nyajpaaty, koos jaaypyaat jaaypyo'kxyënës nyajpaaty ma Mésec y'itjotmën, jamës të ntsënaaytyaknpëky Cedar.

Ezequiel 27:12

Nëkooyë ijty mkumeeny'ajnë, yë'ëpaat yë Tarsis ja'ayëty ojts myiinëtë ajuupyë ma mijtsën ets ojts mo'oyë yë poop pujxn, pu'ts pujxn, juunpujxn, poopyëk pujxn ets yu'unk pujxn.

Joel 3:6

Jëkäm xymyënëjkxtaaytyë ja Judá ja'ayëty ets Jerusalén ja'ayëty ets xytyo'ktë xyajktë ma griego ja'ayëtyën ets jam y'ëyow myëtuntëty.