Ezequiel 27:12 - Biblia Dc en Mixe de Quetzaltepec

¹² Nëkooyë ijty mkumeeny'ajnë, yë'ëpaat yë Tarsis ja'ayëty ojts myiinëtë ajuupyë ma mijtsën ets ojts mo'oyë yë poop pujxn, pu'ts pujxn, juunpujxn, poopyëk pujxn ets yu'unk pujxn.

Biblia Mixe de Quetzaltepec

¹² Nëkooyë ijty mkumeeny'ajnë, yë'ëpaat yë Tarsis ja'ayëty ojts myiinëtë ajuupyë ma mijtsën ets ojts mo'oyë yë poop pujxn, pu'ts pujxn, juunpujxn, poopyëk pujxn ets yu'unk pujxn.

Ezequiel 27:12 ပူးပေါင်းရင်းမြစ်များ

Ezequiel 38:13

Nëjkxëp myajtëyë yë Sabá ja'ayëty ets Dedán ja'ayëty ets ajuuy ato'kpë mëti'ipë jam Tarsis kukajpnajtëpën: ¿Mä'tspën të mminyë? ¿Paatykyëjxmën të xyajmuky yë mtsiptuunpëtëjk ets xyajpëtsëma'any winë ets xymyäätsa'any yë pu'ts pujxn ets poop pujxn; jëyujk tsajpkaa ets tëkokyë mëti'ipë myëët'ajtëpën?

Isaías 23:10

Mijts Tarsis ja'ayëty, tim naaxtuntë je'eyë, jä'ä ko miitsëty ka'ap jëtu'un ja kuttujkën xy'ëkmëët'atanë tä ijty tëëyëpën.

1 Reyes 10:22

Ëpëky ja yajkutujkpë tmëët'ajty ja kepy nëëwinye'epyë jam Tarsis, jam mejyjyotm, mëët ja kepy nëëwinye'epyë mëti'ipë jam Hiram tso'ontëpën. Wintëkëëk jëmëjtëty ijty tmëmintë ja pu'ts pujxn, poop pujxn, oyëtypë tsaa, patutkëty ets mikë.

Génesis 10:4

Yë y'u'unk y'ëna'k yë Javán jä'ä ojts txëëwatë Elisá, Tarsis, Quitim ets Rodanim.

Jonás 1:3

E yë Jonás, kyäjpxykyumëtoownajx yë Wintsën ets ni'ikyë tkukeky, jam ojts nyijkxy Jope ma kepy nëëwinye'epyë tsyoontën jya'tën. Tam ënety tu'uk yë kepy nëëwinye'epyë tyimtsona'any mëti'ipë nëjkxpën Tarsis ko jam jyä'äjty, jä'ä tyuktëjkëy, jëyëjp t'ajuuytyujky ja y'ënyääytyakn ets ojts nyijkxy jam Tarsis.

Ezequiel 27:18

Damaskë may ijty winë mju'uyxyëty; yë'ë mtukmëjuuyëp yë tsatym nyëë tëëpë nyimaanaxyën mëti'ipë tso'onpën Helbón ets ja pixyny mëti'ipë tso'onpën Sahar.

Ezequiel 27:16

Yë Edom ajuuy ato'kp ijty mëët mijts, jä'ä ko kanaakpëky winë xymyëëtëty: Yë'ë ijty mooyëp yë oyëtypë uky tsaa ets wit oyëtypë mëti'ipë jo'okyën; mëti'ipë linë witën ets myëët'ajtyp yë nëëtsaa ets tsapts tsaa.

Jeremias 10:9

Yë y'awinaxëty mëti'ipë nikoyën mëët yë poop pujxn, jam Tarsis tmëtsoontë, mëti'ipë nikoyën mëët yë pu'ts pujxn jam Ufaz tmëtsoontë; yë tsäjtspë ets pujxn oytyuunpë yë'ë të t'oytyuntë ets të txoxtë mëët ukywyit tsaptswit. Yë ja'ayëty mëti'ipë jëtu'unpë tyuunk'ajtëpën yë'ë të tyaj'ijxëntëkëtë ets oy kyëxë'ëkëty.

Isaías 60:9

May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.

Isaías 23:14

E Tyam ënät miitsëty Tarsis ja'ayëty, je'eyë jë'ëtë ya'axtë, jä'ä ko ja naax kajpn mëti'ipë myajkojën ta'tspëky, tëë ja kyutëkoy.

Isaías 23:6

ets nëjkx y'ëna'antë: Nëjkxtë jam Tarsis. Jë'ëtë ya'axtë jam, miitsëty ninu'un mtsëënëtën jam mejy ëkë'ëm.

Isaías 2:16

mëti'ipë jëtu'un näjya'awëtëpën tä ja kepy nëëwinye'epyë jampë Tarsis, tä ja kepy nëëwinye'epyë oyjyätyëtypë.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

1 Reyes 22:48

Josafat ojts t'oytyuny kepy nëëwinye'epyë kanaak, jëtu'unpë tä jamën Tarsis ets yë'ë tuktsëëmina'any yë pu'ts pujxn mëti'ipë yajtso'ontëpën Ofir; je'eyëp ko ojts jyatsoontë ka'ap jam jyajtë jä'ä ko ojts ja mya'ta'ay jam Ezión-géber.

Apocalipsis 18:12

Tää ja pu'ts pujxn, poop pujxn, tsujëtypë tsaa, perlas, oyëtypë wit, sedë wit, tsu'unk wit, tsaptswit, ajë kepy, oyëtypë juunëtypë, apëjkën atu'unën, elefantë tëts, oy kepy, tsuxkpujxn, pujxn ets marmol;

Ezequiel 27:11

Yë Arvad ja'ayëty ets mtsiptuunpëtëjkëty yë'ë ijty yajpatëp ma mpotsyën mëti'ipë mkajpnpa'a nyapots'ajtypyën ets ma ja mpotsyën yë'ë jam këwent'ajtëp yë Gamad ja'ayëty. Jam yë y'akëëytyuk tkëxtëëytya'atë potsykyëjxm ets yë'ë myaj'oykyëxë'këp.

Ezequiel 27:13

Näyjyëtu'un yë Grecië ja'ayëty, Tubal ja'ayëty ets Mésec ja'ayëty ojts myintë ma mijtsën ajuuy ato'kpë, yë'ë mmooyë ja'ay mëti'ipë mëtuuntëpën ets tsuxkpujxn.

Ezequiel 27:33

Ko ijty jyä'ty ja mjuy mtooky mëti'ipë tso'onpën ma mejyën, kanaak ja naax kajpn xyaj'akëtä'äky xyajjotkëtä'äky. Mëët ko winë may'äämpy xymyëëtëty may ja yajkutujkpëtëjk xyajkumeenytyä'äky yaa naaxwiiny.

Ezequiel 28:5

Mëët ko xynyijawë wi'ix m'ajuy m'atookëtyën tëë xyajmëj xyajkëjääjë yë mwit mmeeny ets mëët ko të mkumeenytyä'äky amëj akëjxm tyam mnäjya'awënë.

Ezequiel 28:16

Ënet yë nëë poky ojts mpaatyë ko ojts mkumeenytyä'äky ets may ja juy tooky xymyëët'ajnë. Ënet ojts n'ixkexy ets mjëwa'akëty nwintuuyës; ojts jam njëkexy ma ja Dios ja kyopkën, ja tsajpjotmëtë kukäjpxy mëti'ipë ënety mkëwent'ajtëpën yë'ë ojts myajpëtsëëmënë mëtsa'a itkujky.

2 Crónicas 9:21

jä'ä ko ja yajkutujkpë jyä'äyëty xëmë ënety jam nyëjkxtë Tarsis mëët ja Hiram ja tyuunpëtëjk ets jam tyajtsoontë pu'ts pujxn, poop pujxn, oy tyaa, joonëty jëyujkëty, mikëty ets patutkëty.