Ezequiel 26:7 - Biblia Dc en Mixe de Quetzaltepec

⁷ Ëjts, Wintsën jëtu'unës n'ëna'any: Nyajminäämpyës yë Nabucodonosor anëkëjxytsyow, mëti'ipë jam Babilonyë ënä'ämpën, mëti'ipë mëk ënä'ämpën yajkutujkpën ets tnitëkëja'any yë Tirë kajpn. Yajminäämpy yë kepy wintëkäämpë, kwaay ets mëti'ipë tyuk'u'unyääpyën, may tyajmuka'any yë jyä'äy.

Biblia Mixe de Quetzaltepec

⁷ Ëjts, Wintsën jëtu'unës n'ëna'any: Nyajminäämpyës yë Nabucodonosor anëkëjxytsyow, mëti'ipë jam Babilonyë ënä'ämpën, mëti'ipë mëk ënä'ämpën yajkutujkpën ets tnitëkëja'any yë Tirë kajpn. Yajminäämpy yë kepy wintëkäämpë, kwaay ets mëti'ipë tyuk'u'unyääpyën, may tyajmuka'any yë jyä'äy.

Ezequiel 26:7 ပူးပေါင်းရင်းမြစ်များ

Daniel 2:37

Mijts yajkutujkpë mijts tu'uk mëj'äämpy mnajxp yajkutujkpë, jä'ä ko Wintsën mëti'ipë tsajpjoty yajpatpën yë'ë kuttujkën të mo'oyë ets tëë mo'oyë mëk'ajtën ets mëj'ajtën

Esdras 7:12

Tyam ja yajkutujkpë Artajerjes tkajpxpo'kxy ja teety Esdras, yaj'ijxpëjkpë, mëti'ipë nyija'apën ja ënä'ämën tëyajtën ja Wintsën ja jyä'äy tsajpjotmëpë yajpaatyën.

Ezequiel 23:24

Nëjkxëp mniminyë, mëët yë kepy wintëkäämpë ets mëët yë maytsyiptuunpëtëjk; nëjkxëp myajnatukyë wä'än tmaajëty, mëët yë pyujxn ku'umënëty mëti'ipë tyukyajja'ay o'ktëpën; tä yë akëëytyukën, kujupën ets n'ënëëmëja'antës wä'än mtëytyunyë; jëtu'un tä yë y'ënä'ämën tyiyajtën myintën, jëtu'un xykyëpätëty ja mpoky.

Oseas 8:10

E oy tjäyajkwä'kxy yë näynyamo'ojë ma naax kajpnëtyën, ëjts nwojpwä'kxantëpës yam ets ka'ap jyam'ata'any yë yajkutujkpë ets wintsëntëjkëty.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Jeremias 52:32

Oy ojts Joaquín tmëku'ukjawë, paaty tkumaay ni'ik, këtiinëm ja wiinkëtypë ja yajkutujkpëtëjk mëti'ipë jam Babilonyë tsumy matsy yajpatëpën.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Isaías 10:8

Yë'ë tyaa y'ënä'äny: Tëkokyë yë yajkutujkpëtëjk aak'ëjts yë xymyëtuuntëpës.

Ezequiel 28:7

nyajminäämpyës yë jaaypyaat jaaypyo'kxy ma mijtsën ets ëxëëk mtunëtëty, ja'ay mëti'ipë mëkëtyën, mëti'ipë jyuutäämpyën yë tyiypyujxn ets myaj'ooka'anyë, mijts oypyë tsujpë ets wijypyë ets yajnaaxkujitëja'any yë m'oyajtën mëj'ajtën.

Ezequiel 26:3

Paaty ëjts maas nWintsën'atyën, jëtu'unës yam n'ëna'any: Tirë, ëjts jëtu'unës yam näpyëjktä'äkyë ma mijtsën tä tu'uk mmëtsipën. Ëjts ntuknipëjktaakëjäämpy ets may yë naax kajpn mnipëtë'ëkëtëty jëtu'un tä nëë o'pykyën mejyjoty,

Ezequiel 17:14

këtiipë ja Judá tmëët'atëty ja mëk'ajtën ets këtiipë tnipëtë'ëkëty ja Babilonyë kajpn; yi'iyë tëy pyatunëp ijxtëm ja käjpxytyu'unën të tuntën.

Jeremias 25:22

tu'kë'ëyë yë yajkutujkpëtëjk mëti'ipë jam ënä'ämtëpën Tirë ets Sidón, yajkutujkpëtëjk mëti'ipë jam yajpatëpën ma ja Mejyën Naax'akujkpyë,

Jeremias 6:23

Yë'ëjëty tam oyëtypë pujxn tmëët'atë mëti'ipë myëtsiptuuntëpën; tääpë ja'ayëty ëxëëk ja'ay yë'ëjëty ets ni pën tkapa'ëyowtë. Ko y'aya'axtë, jëtu'un yajmëtoy tä mëjmejy y'iitsy kyomyën, kwaaykyijxy muum nyëjkxtë. Jëjp'ixy jam y'ijnëtë ets tnitëkëja'antë ja Sión kajpn.

Jeremias 4:13

Ëk'ixtë wi'ix myinyën yë mëtsip tä tu'uk yootsën, yë pyujxnwintëkäämpë jëtu'un yaj'ixy wyinkontë pojxujtykyën, yë kwaay jëtu'unyë yaj'ijxnë kyääkë'knëtë witsnën. Janty mon janty tuk ëëtsajtëm nyajpatëmë, tëë ntëko'oyëmë.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.