Ezequiel 26:17 - Biblia Dc en Mixe de Quetzaltepec

¹⁷ Ënet nëjkx tyaj'ëypëtsëmtë ko ënety jëtu'un mjaty mkëpety: Wi'ix ko të mkutëkoy, wi'ix ko të myaj'ijxtëkoy jap mejy'akujky, ma ënety mëj'äämpy ets akäjpxy m'ityën. Mijts mëët yë mja'ay mëj'äämpy të m'ity ma ja mejyën ets tëë ja naax kajpn mëk mtsë'ëkëty naaxwiinyëtë apëtsëmy.

Biblia Mixe de Quetzaltepec

¹⁷ Ënät nëjkx tyaj'ëypëtsëmtë ko ënäty jëtu'un mjaty mkëpety: Wi'ix ko të mkutëkoy, wi'ix ko të myaj'ijxtëkoy jap mejy'akujky, ma ënäty mëj'äämpy ets akäjpxy m'ityën. Mijts mëët yë mja'ay mëj'äämpy të m'ity ma ja mejyën ets tëë ja naax kajpn mëk mtsë'ëkëty naaxwiinyëtë apëtsëmy.

Ezequiel 26:17 ပူးပေါင်းရင်းမြစ်များ

Isaías 14:12

Wi'ixën jam tsajpjotm të mkuka'anajxpë, mëj ijty mtë'kxy mjajy jopyëp. Jëtu'unyë naaxkëjxy të myajnajtsjëpipë, mijts mëti'ipë ijty ëxëëk ja naax kajpn mtuunpyën.

Ezequiel 19:1

Ets mijts, ye'etyëjk, yajkoj ya'atë ëy, ma yajkuuy'iyën yë yajkutujkpëtëjk jampë yajpaatën Israel:

Ezequiel 32:16

Ya'atë ëy yë'ë yajtukuuy'ëëp yë o'kpë ets to'oxytyëjktëjkëty nëjkxëp t'ëwtë ya'atë ëy oymyaakajpnëty ko ënety tniya'axtë yë Egiptë kajpn mëët yë mayjyä'äy mëti'ipë të kyutëkoytyën. Ëjts Wintsën, ëjts ënaanp.

Ezequiel 32:2

Yë'ë ya'atë aaw ayuk mtukkuuy'ëwëp yë Egiptëpë yajkutujkpë: Jëtu'un m'ëtë'ëtsy m'ëna'any kaajën ma naax kajpnën; tä tu'uk mëj jëyujkën nëëjotypë tsyëënën: Ko mkuyuny ma mkë'ëm mëjnëëjën, mëët yë mteky xyaj'ëxëëkë yë nëë ets xyajki'ixkë yë nëëkap.

Ezequiel 19:14

Ma xye'entyën jëën jam pëtsëëmp mëti'ipë yajtoopyën ja jyi'tsk. Ka'ap tii xye'entynyë juunpë mëti'ipë ja yajkutujkpë tyajk'atëpën. Ya'atë ëy o'kpë ëy yë'ë, jää yaj'ëwëty ko pën y'ookëty.

Isaías 23:4

Mtsëtyunëp mijts Sidón, ma mëj'äämpy të m'ityën ko të xytyukmeenypyääty ja juukymyejy, jä'ä ko nëjkxëp jëna'a m'ëna'any: Ëjts ka'apës ja n'u'unk nmaay n'ëkpatnë, ka'ap jëtu'un ja njotës y'ëkpëjknë tä ijty tëëyëpën koos n'u'unk'ijxy. Ka'apës ja n'u'unk nmaay n'ëkmëët'ajnë mëti'ipës nyajyääkëpën ets mëti'ipës nyaj'ijxpëkëpën.

Sofonías 2:15

Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënety jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Miqueas 2:4

Jä'ä xëëw nëjkxëp miitsëty myajtukwin'ëwtë ja ëy mëti'ipë yajjëëy yajyaxpën. Jëtu'un myaj'ënëëmëtë: Tëë yajxon ntimy y'atëko'oytyä'äyëmë; ja nkajpn'ajtëmë, mëti'ipë ja Wintsën kyajpn'ajtypyën tëë ja nyiwintsën tyëkatsy ets ka'ap pën wi'ix të y'ënä'äny; yë nkam'ajt ntu'u'ajtëmë yë'ë të tpëjkwa'kxtë yë ja'ayëty mëti'ipë të xymyëmëtakëmën.

Abdías 1:5

Ko yë mä'tspë jeexyë koots y'ëkmintë ets mjayajmäätsa'anëty, ka'ap mtimmyä'tsta'ajëtëty; ko jeexyë y'ëkmintë mëti'ipë tsatymtyëëm tyujkmujktëpën, yajwë'ëmtëp muum yë tsatymtyëëm. E tëkatsy të jyäty të kyëpety mëët ja mëtsip, ko të mniminyë tëë myajkutëkooytyä'äyë

Joel 1:18

Ëjp tu'kp ja tsajpkaa. Yë tsajpkaato'oxy nëkoopë jyi'kxy t'ixta'atë; yë kupixyny jëtu'unyë y'o'ktaaynyëtë.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Jeremias 9:20

Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Jeremias 7:29

Miitsëty Jerusalén ja'ayëty, nëkä'pta'atë yë mkuwaayëty ets xy'ixpotstëty. Ëw tu'uk yë ëy mon tukpë jam tunkëjxm të'ëts'itjotm, jä'ä ko yë Wintsën tëë tukjoot'anpëky yë mja'ay, tëë tnike'eky ets tëë t'ëxmatsy.

Jeremias 6:26

Yë nkajpnës yë nyëëx, pëjkta'ak ja mwit mëti'ipë kuump u'kxpën ets kyëxë'ëkëty ko jë'ë ya'ax myajpaaty; ja'amyäts naaxyäts, mon tuk yajpaat tä jeexyë pën të y'ookyën; jä'ä ko ja mëtsip mëti'ipë xynyimina'anëmën, tää ja tyimwinkony.

Isaías 23:8

¿Pën ya'atë jëtu'unpë ënä'ämën të tpëjktä'äky ets ja Tirë kajpn o'ktëy jyatëty, ma ja yajkutujkpë y'ityën mëti'ipë ja jyä'äy ajuupy ato'ktëpën, mëti'ipë ja jyä'äy kumeenyëtyën ets mëj'äämpy y'itën?

2 Samuel 1:19

Mijts Israel, tëë tsyëtyuty yë mmëj'ajt jam tunkëjxm kopkëjxm. Tëë y'ooky ja mja'ayëty mëti'ipë jotmëkëtyën.

Josue 19:29

Jam tsyoony ja tsëpa'an Sidón ets nyajxë'ëky jam Ramá, jyä'ty ma ja Tirë kajpnën napotsypë, ets nyijkxy ma txëëwatyën Hosá, jyä'ty jam ma ja Mejyën Naax'akujkpyë, mëët ja Mahaleb, Aczib,

Jeremias 48:39

Nijë'ë niya'axtë yë Moab kajpn, atsë'ëk ajawëpë yajpaatyën. Nitsëtyu'un kutsëtyu'un ja jyëxk të tojpwinpity. Këtii y'ijxnëty të y'awinpity ets këtii tsyojknëty ma myënaax myëtsëpa'anën.

Jeremias 50:23

Yë Babilonyë ja'ayëty, jëtu'un yë naax kajpn y'ixyë pujxnkuwojpnën mëti'ipë tëë kyiitsyën ets piw nuuk të jyajta'ay. Tsë'këp yë naax kajpn ko yë Babilonyë ëxëëk të jyäty të kyëpety.

Ezequiel 32:23

Jam të nyaaxtëkëtë ma ja këk jutën ni'ikpë kyëkëtyën. Yë tsyiptuunpëtëjk tëë t'ëtsë'këtya'atë ja'ay mëti'ipë ënety jaakjuuky'ajtëpën, je'eyëp ko tëë näjyëtu'un y'o'kta'atë jam tsipjotm, paaty ja Asiria ja'ay yajnapikëtë ja jyut ma nyaaxtëkëja'antën.

Ezequiel 32:27

Ka'ap jyamëty të nyaaxtëkëtë ma nyaaxtëjkëtyën ja wintsëntëjkëty tëëyëpë jyuuky'atën, mëti'ipë ojts jap naaxjoty yajpëjkta'aktën mëët ja pyujxnëty mëti'ipë myëtsiptuuntëpën, yë'ë ojts ja tyiypyujxn tkoy'atë ets ja mëti'ipë ijty nätyuk'akëëytyujkëtëpën kyätykyijxy ojts yajpëjktä'äky, tëë ënety t'ëtsë'ëkëtë ja ja'ay mëti'ipë juuky jaakyajpatëpën.