Ezequiel 26:10 - Biblia Dc en Mixe de Quetzaltepec

¹⁰ Ko ënety yë Babilonyë yajkutujkpë tnitëkë yë mnaax mkajpn ma tëjkëtyaknën, jëtu'un tä yajnitëkën yë kajpn ajotkumonë, nëkooyë nëjkx tmëtëjkënë yë maykyëwaay ets yajxon nëjkx yajnaaxjoktë, mëpaatëp yë naaxjok mji'kxënëty, jëtu'un yaj'ijxnëty tsyëtyuuypyëjktaaynyë yë potsy mëti'ipë ja naax kajpn nyapots'ajtypyën mëët ja nä'ämpë ko ënety myäytyëkëtë ja kwaay ets ja kepy wintëkäämpë;

Biblia Mixe de Quetzaltepec

¹⁰ Ko ënäty yë Babilonyë yajkutujkpë tnitëkë yë mnaax mkajpn ma tëjkëtyaknën, jëtu'un tä yajnitëkën yë kajpn ajotkumonë, nëkooyë nëjkx tmëtëjkënë yë maykyëwaay ets yajxon nëjkx yajnaaxjoktë, mëpaatëp yë naaxjok mji'kxënëty, jëtu'un yaj'ijxnëty tsyëtyuuypyëjktaaynyë yë potsy mëti'ipë ja naax kajpn nyapots'ajtypyën mëët ja nä'ämpë ko ënäty myäytyëkëtë ja kwaay ets ja kepy wintëkäämpë;

Ezequiel 26:10 ပူးပေါင်းရင်းမြစ်များ

Ezequiel 27:28

Jëtu'un tä ënety ya'axtën jyoktën ja mja'ay mëti'ipë kepy nëëwinye'epyë yajye'eytyëpën näjyëtu'un nëjkx ja nëëmejy ya'axtë jyoktë.

Ezequiel 26:15

Ëjts Wintsën, jëtu'unës yë Tirë n'ënëëmë: Yë naax kajpn mejypyë'aaypyë yajpaatën tsë'këtya'ajantëp ko ënety tnijawëtë ëxëëk mjaty mkëpety ets ko tëë ja jë'ëyën yaxën jyam'aty ets tëë ja mja'ay y'ooktë mëti'ipë tsënaaytyëpën ma mnaax mkajpnën.

Jeremias 47:3

Ko tmëtoowpaatëty ja kwaay pëkajx pëkajxnë myintë, ko ja pujxnwintëkäämpë kyujy jyëmämëty ets ja ye'eypyäjn jyänty ëna'anmëty. Ja teety taak jëtu'unyë nëjkx ja y'u'unk y'ëna'k tnipëyë'ktuta'atë, jä'ä ko ka'ap nëjkx t'ëkmëët'ajnëtë ja mëk'ajtën wi'ix ni'ëmukë kyä'äktëtyën.

Ezequiel 26:7

Ëjts, Wintsën jëtu'unës n'ëna'any: Nyajminäämpyës yë Nabucodonosor anëkëjxytsyow, mëti'ipë jam Babilonyë ënä'ämpën, mëti'ipë mëk ënä'ämpën yajkutujkpën ets tnitëkëja'any yë Tirë kajpn. Yajminäämpy yë kepy wintëkäämpë, kwaay ets mëti'ipë tyuk'u'unyääpyën, may tyajmuka'any yë jyä'äy.

Jeremias 4:13

Ëk'ixtë wi'ix myinyën yë mëtsip tä tu'uk yootsën, yë pyujxnwintëkäämpë jëtu'un yaj'ixy wyinkontë pojxujtykyën, yë kwaay jëtu'unyë yaj'ijxnë kyääkë'knëtë witsnën. Janty mon janty tuk ëëtsajtëm nyajpatëmë, tëë ntëko'oyëmë.

Josue 6:20

Ënet ja ja'ayëty tyëjkëtyë yaxpë jojkpë ets ja xuxn näjyëtu'un tjantyyaj'ënantë. Ko yë Israel ja'ayëty tmëtoowtë ja xuxn tyëjkëtyë xuxpë, ënät ojts ni'ikyë mëk jyänty'ënaanta'aktë koonëm je kajpn nyakëtaawtutaay, jä'ä ko napotsy ënety yajpaaty. Ënet tyëjkëtyë kajpnjoty ets ojts tniwa'kta'atë.

Josue 6:5

Wi'ix xymyëtowtën ja xuxn xyu'uxy, jëtu'un mëk jyänty yujkya'axtëty ets nëjkx ja potsy kyëtäy ets nitu'ukjaty ënätyë xynyitëkëtëty ja kajpn.

Jeremias 39:3

mëët tëkokyë ja Babilonyë tsiptuunpëtëjk mëti'ipë mëj'äämpy ijtëpën ets jam nyäpyëjktakëtë ma ja kajpn yajnitëkën itkujkytsyow. Tam ja mëti'ipë xyëëwajtypyën Nergal-sarézer, samgar-nebó, Sarsequim, wintsën y'ity ma ja kutujktaknën ets ja wiinkpë mëti'ipë xyëëwajtypyën Nergal-sarézer, nän wintsën y'ity.

Ezequiel 23:24

Nëjkxëp mniminyë, mëët yë kepy wintëkäämpë ets mëët yë maytsyiptuunpëtëjk; nëjkxëp myajnatukyë wä'än tmaajëty, mëët yë pyujxn ku'umënëty mëti'ipë tyukyajja'ay o'ktëpën; tä yë akëëytyukën, kujupën ets n'ënëëmëja'antës wä'än mtëytyunyë; jëtu'un tä yë y'ënä'ämën tyiyajtën myintën, jëtu'un xykyëpätëty ja mpoky.

Ezequiel 26:9

Yë'ë nëjkx mëët yë mëj kepy mëti'ipë yajpatijpën yajtukjijtë'ëky yë mëjpotsy ets mëët yë ja'axykya'tsn yajijtë'ka'any yë potsy ma ja këwent'ajtpë y'itën.