Ezequiel 26:1 - Biblia Dc en Mixe de Quetzaltepec

¹ Ma tyu'uk anyën yë po'o mëmajktu'uk jëmëjtpë, jää ojts yë Wintsën xymyëkäjpxyës ets xy'ënëmaayës:

Biblia Mixe de Quetzaltepec

¹ Ma tyu'uk anyën yë po'o mëmajktu'uk jëmëjtpë, jää ojts yë Wintsën xymyëkäjpxyës ets xy'ënëmaayës:

Ezequiel 26:1 ပူးပေါင်းရင်းမြစ်များ

Ezequiel 20:1

Ma myajk anyën ja mëmëkoxk po'opë, ja mëwëxtujk jëmëjtpë, ojts yë mëjja'aytyëjk tninëjkxtë ja Dios ets winë tyajtëwa'antë, ënät jam nyaaxwä'tstaaytyë ëjts nwintuuyës.

Ezequiel 8:1

Ma myëkoxk anyën yë mëtëtujk po'opë, ma tëtujk jëmëjt y'apetyën, jamës ënety n'u'unyë maas yë ntëjkën mëët yë mëjja'aytyëjkëty mëti'ipë Judá kukajpnajtëpën. Ajotkumonë ojts yë Wintsën tpëjktä'äky yë kyë'ë maas ëjtsën,

Jeremias 39:2

Ma tyaxtujk anyën ja taxk po'opë, ma mëmajktu'uk jëmëjtpë tyu'uye'eyën, ma ënety yajkutukyën yë Sedequías, jää ojts tyëkë ja mëtsip jam ma Jerusalén kajpnën,

Ezequiel 25:17

Ntuunwinpitäämpyës ets jëtu'un nyanaxa'anyës yë ntsip n'äkës ma yë'ëjëtyën. Koos ënety jëtu'un ntuny, jäänëm nëjkx tnijawëtë ko ëjts Wintsën.

Ezequiel 26:2

Jëtu'un yë Tirë kajpn të y'ënä'äny, yë'ë y'antijpy yë Jerusalén kajpn: Ix tää ënät të mya'ta'ay ja nyitëjk'aaw ja kajpn ma ijty tëëyëp ja ja'ay y'ajuy y'atooktën, tyam ëjtsës xytyukka'ap; etsës nkumeenytya'akëty ets yë'ë wä'än axit ako'owë tjajta'ay.

Ezequiel 29:1

Ma myajkmäjtsk anyën yë mëmajkpo'opë, ma majk jëmëjt tyu'uye'eyën, jää ojts yë Wintsën xymyëkäjpxyës ets xy'ënëmaayës:

Ezequiel 29:17

Ma tyu'uk anyën yë mëët tu'kpo'opë ja më'i'px wëxtujk jëmëjtpë, jää ojts yë Wintsën xymyëkäjpxyës ets xy'ënëmaayës:

Ezequiel 30:20

Ma wyëxtujk anyën yë mëtu'kpo'opë, ma majktu'uk yë jëmëjt tyu'uye'eyën, jääjës ojts yë Wintsën xymyëkäjpxy ets xy'ënëmaayës:

Oseas 9:13

Jëtu'unës n'ixy yë Efraín yë y'u'unk y'ëna'k tmëët'aty tä jeexyë tuknipëtsëmyën mëti'ipë yaj'ookëtëpën.

Ezequiel 27:27

Yë mwit mmeeny, yë mjuy mtooky ets mëti'ipëjaty myaj'ijtyp myajwintëëpyën, yë mja'ay mëti'ipë yajye'eytyëpën ja kepy nëëwinye'epyë ets mëti'ipë kya'ptëpën, mëti'ipë jëëntuuntëpën, m'ajuuy m'ato'kpëty, mtsiptuunpëtëjkëty ets tëkokyë ja mja'ay mëti'ipë jap mkepy nëëwinye'epyëjoty myajëtijtypyën, mëët nëjkx mkiinta'ay ko ënety tpaaty ja xëëw po'o.

Ezequiel 28:1

Ënet ja Wintsën ojts xymyëkäjpxyës ets xy'ënëmaayës:

Amós 1:9

Jëtu'un yë Wintsën y'ënä'äny: Yë Tirë ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tkë'ëyaktë yë naax kajpn mëti'ipë ënety mëët ja käjpxytyu'unën të tuntën, jëtu'un tä tu'uk ja'ay tu'kmëkä'äx tii tkäjpxytyunyën ets tkë'ëyajktë jam ma Edom ja'ayëtyën.

Zacarías 9:2

Näyjyëtu'un yë Hamat kajpn, mëti'ipë mëët nyäpyaatëtën, yë Tirë kajpn ets Sidón kajpn mëët tu'kë'ëyë mëti'ipë tyukjuuky'ajtëpën ets wyinma'any'ajtëpën.