Ezequiel 24:16 - Biblia Dc en Mixe de Quetzaltepec

¹⁶ Tu'ktonyë yam mpëjkëja'any ja ja'ay mëti'ipë mëk mtsojkpy mja'apën. Je'eyëp ko ka'ap ok mya'axëty; ka'ap yë mwiinnëë kya'ajëty.

Biblia Mixe de Quetzaltepec

¹⁶ Tu'ktonyë yam mpëjkëja'any ja ja'ay mëti'ipë mëk mtsojkpy mja'apën. Je'eyëp ko ka'ap ok mya'axëty; ka'ap yë mwiinnëë kya'ajëty.

Ezequiel 24:16 ပူးပေါင်းရင်းမြစ်များ

Jeremias 22:10

Këtii xynyiya'axtë yë Josías yajkutujkpë, këtii xynyiya'axtë ko të y'o'knë; yë'ë niya'axtë yë myaank Salum, jä'ä ko ënety tsyoony ka'ap nijëna'a y'ëkwinpitanë, ka'ap nëjkx t'ëk'ijxnë nijëna'a yë nyaax kyajpn ma të myëxu'unk'atyën. Jä'ä ko yë Wintsën jëtu'un tnikäjpxy yë Salum, Josías yë myaank mëti'ipë jam Judá yajkutujkpën, mëti'ipë ja tyeety kyutëjkëyën ma ënä'ämtaknën ko y'o'ky ets mëti'ipë të tsyoonyën yaa: Ka'ap nëjkx nijëna'a y'ëkwinpijnë,

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënety n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

1 Tesalonicenses 4:13

Mëku'uktëjkëty, ka'apës ntsoky ets miits xykyanijawëtëty wi'ix ja o'kpëtëjk jyatën, këtiipë mjotmay'ooktëty ijxtëm ja ja'ayëtyën mëti'ipë ka'ap tii tjëjp'ixtën.

Ezequiel 24:18

Jopyëpës yë ja'ay të nmëmëtyä'äky, e jënäkyxyëëw yë nto'oxytyëjkës të y'ooky; komjëpom të ntunyës mëti'ipës yë Wintsën të xytyuk'ëne'emyën.

Cantares 7:10

Ëjts jëtu'unës të naxy tä tu'uk yë tsojkën ja'awënën mëti'ipë yë ye'etyëjk, mëti'ipës ntsojkpyën y'oy'ijxypyën.

Lamentaciones 2:18

Yë'ë Wintsën amëtow yë näypyutëkë, mijts Sión kajpn oypyë tsujpë. Yajpëyë'ëk yë mwiin nëëw xëëny koots. Këtii myaxtuky, këtii mwiin xyajpo'kxy mëët yë jë'ëyën yaxën.

Jeremias 16:5

Ojtsës näjyëtu'un yë Wintsën xy'ënëëmë: Këtii jap tëkoty mtëkëty ma ja o'kpë tnijë'ë tniya'axtën, këtii näjyëtu'un xynyiyaxpëty ets xymyëkja'apëty mëti'ipë të y'ookyën, jä'ä ko tëëjës nyajjëwä'äky ja n'oyajtën, ja ntsojkën nja'awën ets npa'ëyo'owënës ma ja naax kajpnën. Ëjts Wintsën, ëjts ënaanp.

Jeremias 9:18

Jëtu'un, wä'än tsojkyë tmintë ets wä'än xynyiyaxëmë; wä'än yë nwiinnëë'ajtëm tka'ay ets wä'än xyajnëëwin'oko'omëmë.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Proverbios 5:19

ja oypyë wa'atspë ja to'oxytyëjk. Xëmë mwinkow m'akowëtëty. Xëmë mtsokëtëty mjawëtëty.

Job 36:18

Mëk yë mjuukyajtën xykyëwent'atëty ets këtii nëkoo wit meeny mnätyukwin'ëënëtëty, këtii yë wit meeny yë'ë may xytsyojkën'atëty.

Jeremias 22:18

Jëtu'un yë Wintsën të tnikäjpxy ja Joaquim, yë Josías yë myaank mëti'ipë jam Judá yajkutujkpën: Yë Joaquim ni pën kyaniya'axa'anyë ko ënety y'ooky, ni pën kyaniya'axa'anyë ets ni pën kya'ëna'ana'any: Ix tëy të m'ëkjaty mijts uty, ëkë mijts ajty, ëkë mijts tsë'ë, ëkë mijts wintsën, ëkë mijts yajkutujkpë.

Ezequiel 24:15

Ënet ja Wintsën ojts xymyëkäjpxyës ets xy'ënëmaayës: