Ezequiel 24:12 - Biblia Dc en Mixe de Quetzaltepec

¹² Ya'atë tu'ts yajxon të tsyowënë, ka'ap wyintooywyä'ätsy.

Biblia Mixe de Quetzaltepec

¹² Ya'atë tu'ts yajxon të tsyowënë, ka'ap wyintooywyä'ätsy.

Ezequiel 24:12 ပူးပေါင်းရင်းမြစ်များ

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.

Habacuc 2:13

Yë Wintsën mëti'ipë maaytyääyëpën winë ka'ap tmëjpëjkta'aka'any yë mtuunk ets oy jënu'un tii të xyjyayajnimëjaawtä'äky, jä'ä ko nitooytya'ajaanp ja mëti'ipë të xyapëjktä'äkyën.

Jeremias 51:58

Ëjts Wintsën mëti'ipë maaytyääyëpën winë, ëjts ënaanp: Yë mëjwiinpë ja potsy mëti'ipë yë Babilonyë kajpn nyapots'ajtypyën, jijta'ajaanp yë'ë; ets tooytya'ajaanp mëjëtypë tyëjkëtyakn. Natëkë naax kajpn mëk të tyuntë, yë jyot myëjaawëty jëën nëjkx yajkëjxta'ayë.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënety ntsip n'äkë nyajnaxy ma mijtsën.

Ezequiel 24:6

Jä'ä ko yë Wintsën jëtu'un y'ënä'äny: Janty mon janty tuk yë naax kajpn yajpaaty mëti'ipë yajja'ay o'kpën. Jëtu'un yë nyäxy tä tu'uk yë tu'tsën mëti'ipë tëë nyikatskënën ets ka'ap y'ëkwatsnë. Tu'ukjaty xyjyuutëty yë tsu'utsy koonëm ja tu'ts xyajtukwa'atsëty.

Isaías 47:13

Tëëxë kanaak xymyëët'aty m'ëëwij mkajpxwijpë, ets mmëtsipkä'äxnëp ijty ko nyimay'ajnëtë. Wä'än ënät tyam tmëjwa'aktë ja mxëëwmääpyëtëjk, mëti'ipë nyija'awëtëpën wi'ix yë mëtsa'a tyajkajpxtëtyën, mëti'ipë winpo'ojaty mtuk'ëwa'anëyëpën tii tunan jatanëp ets jeexyë mijts mtso'oky.

Isaías 1:5

Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Génesis 8:21

Ko jyä'äjty ja xu'kën janty'oy jam Dios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënety yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Oseas 12:1

Yë Efraín poj jyi'kxyp: Tu'kxëëw tpaye'ey yë poj mëti'ipë xëëwpëtsëmtsyow tso'onpën. Këjääjëp yë wyin'ë'ënën ets tsyip y'äkë. Yë Asiria ja'ay yë'ë mëët käjpxytyu'unën tuny ets Egiptë ja'ayëty tyuknikejxyp yë olivë on tä tu'uk näynyamo'ojën.

Jeremias 6:29

Ko yë jëënpixn tyajmëjë yë jëën, poj'am yaj'ixy yë yu'unk pujxn jyiiytyä'äky. Tääpë jëtu'unpë pujxn oy jënu'un nyajwin'ë'tsmëty, yë ëxëëkja'aytyëjk ka'ap kyutëkoytyë.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?