Ezequiel 23:4 - Biblia Dc en Mixe de Quetzaltepec

⁴ Ja mëjpë Oholá xyëëwajtyp, yë'ë ja Samaria kajpn kyutënääpy ets ja y'uty Oholibá txëëwajtyp, yë'ë ja Jerusalén kajpn kyutënääpy. Ojtsës mpëky mëët yë'ëjëty nimäjtsk mpatës ja n'u'unk maay ye'etyëjkpë to'oxytyëjkpë.

Biblia Mixe de Quetzaltepec

⁴ Ja mëjpë Oholá xyëëwajtyp, yë'ë ja Samaria kajpn kyutënääpy ets ja y'uty Oholibá txëëwajtyp, yë'ë ja Jerusalén kajpn kyutënääpy. Ojtsës mpëky mëët yë'ëjëty nimäjtsk mpatës ja n'u'unk maay ye'etyëjkpë to'oxytyëjkpë.

Ezequiel 23:4 ပူးပေါင်းရင်းမြစ်များ

1 Reyes 12:20

Ko ja Israel ja'ayëty tnija'awëtyë ko tëë ja Jeroboam wyimpity, ënät ojts tnikäxëtë ets t'ënëmaaytyë ets nyäwya'këxë'ëkëtëty ma ja naax kajpnën, e jëtu'unts ojts tnikajpxpätë ets yë'ë yajkutukëty ma tëkokyë ja Israel ja kajpn tnitänën ets ja Israel ja'ayëty ka'ap ojts t'ëkmëjwa'kpäjnëtë ja David ja y'u'unk y'ok, ëpëky ja Judá ja jyä'äy.

1 Reyes 8:29

Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

Salmos 76:2

Yë tsyajptëjk jam yajpaaty ma Sión kopkën, jam Jerusalén;

Jeremias 3:6

Ma ënety yë Josías y'ëne'emyën, jääjës ojts yë Wintsën xymyëkäjpxy ets xy'ënëmaayës: ¿Tëë xy'ixy wi'ix yë Israel kajpn y'ëti'itsyën mëti'ipë käjpxy kyumëtoownajxpën? Yë'ë wiink tios të tpanëjkxtëkë jam muum ma kopkën, ma kepypya'tkën y'ëti'itsy y'ënä'äny, tä tu'uk to'oxytyëjkën xim yampë ye'etyëjk tmëët'atyën.

Jeremias 3:7

Ëjts tyaajës ojts nmääpyë ntajpë ko ntijëtën yë Israel kajpn xynyiwinpita'anyës jatëkok oy wi'ix të y'ëk'ëtë'ëtsy të y'ëk'ëna'any; e yë'ë ka'ap të wyimpity. Yë Judá kajpn, mëti'ipë jëtu'un tä tsyë'ëjën tëë t'ixy;

Ezequiel 16:20

Ojts näjyëtu'un ja n'u'unk'ajt n'ëna'k'ajtëm xytyukwintsë'kënë tääpë awinax ets tsu'tstë twëjtstë. Ka'ap yowë xytyim mëjpëjktä'äky ko kujeny të m'awinpijnë,

Ezequiel 16:40

Nëjkxëp ja naax kajpn mtukjoot'anpëkyë, kuka'atsy kupuxy nëjkx myaj'ookyë.

Ezequiel 16:46

Ja mtsë'ëtaak yë'ë ojts nyijkxy anëkëjxytsyow, ma Samaria kajpnën ets Samaria nyaaxjotmën; e ëpa'tkë'ëmtsow yë'ë ojts jam nyijkxy yë m'uty to'oxytyëjkpë, ma Sodomë kajpnën ets Sodomë nyaaxjotmën.

Ezequiel 16:8

Koos jatëkok nnajxy ets n'ijxy ko tëëtëm myä'knë, jyëkyäjpnëp mye'etyëjk mëëttsënaaynyëty. Ënet ojts yë nwitës ntukniye'epy ets ja mjot mnini'kx nyu'tyës ets n'ënëmaay ko mijts nmëët tsëënëjäämpy; ojts tu'uk käjpxytyu'unën nyaj'o'oyëmë ets mijts npëjky. Ëjts Wintsën, ëjts ënaanp.

Ezequiel 23:3

Tääpë nimäjtskpë to'oxytyëjkëty ëna'k'ajtëp ënety ko ojts tpatso'onta'aktë kujenytyuunk, xim yam ja ye'etyëjk tmëët'atë; ko jap Egiptë y'ijtë ka'ap wi'ix y'ënantë ko yajtsi'tskpäntë, jëtu'un'äämpy ojts tyajtëkoytyë ja y'akiixy'ajtënëty.

Ezequiel 23:36

Ënet ja Wintsën xy'ënëmaayës: E mijts ye'etyëjk, ¿Wi'ix mnikajpxäämpy wi'ix ja Oholá ets ja Oholibá tkumëtowa'antën ja pyokyëtyë? Pën jëtu'un, tukwinmëtow ma wyiin jyëjpën wi'ix winë ëxëëk të tuntën.

Ezequiel 23:44

Ix, yë'ë nyimiintëp ja Oholá ets ja Oholibá, mëti'ipë naspëkë'ajtëpën ets kujeny'ajtëpën.

Ezequiel 23:5

Yë Oholá ka'apës ojts xymyëj'ixy yë'ë ojts tpanëjkxy wiink ye'etyëjk mëti'ipë yë'ë tsyojkën'ajtypyën, yë Asiria ja'ay tsiptuunpëtëjkëty,

Oseas 1:3

Ënet ja Oseas nyäpyuwa'këy mëët ja Gómer, yë'ë nyëëx yë Diblaim ets ojts u'unk mëët wyi'imy ets tyajmiiny tu'uk yë u'unk.

Oseas 2:7

Yë'ë pyanëjkxäämpy yë y'atsoky ye'etyëjk, je'eyëp ko ka'ap tnajtspaatëja'any; y'ixta'ajäämpy, je'eyëp ko ka'ap tpaata'any. Tä y'ëna'ana'any: Yë'ëjës jatëkok ninëjkxäämpy mëti'ipës tëëyëp mëët mpëjky n'ukyën, jä'ä ko nikë oyës ijty mëët njuuky'äty këtiinëm yë tyampë.

Juan 4:22

Miitsëty ka'ap xynyijawëtë pën m'ëwtajtëp; ëëts nnija'awëtëpës pën n'ëwtajtëpës, jä'ä ko yë nitsokën jam tsyoony ma jutiis ja'ayëtyën.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.