Ezequiel 23:34 - Biblia Dc en Mixe de Quetzaltepec

³⁴ Koonëm xytyuk'uktu'utëty ets nëjkx xytyukpu'ujë ja m'a'ukën ets nëjkx mnäkyätsykyupyë. Ëjts, jëtu'un të nikäjpxy maas nWintsën'atyën ets jëtu'unës ja n'aaw n'ayuk të nkë'ëyäky.

Biblia Mixe de Quetzaltepec

³⁴ Koonëm xytyuk'uktu'utëty ets nëjkx xytyukpu'ujë ja m'a'ukën ets nëjkx mnäkyätsykyupyë. Ëjts, jëtu'un të nikäjpxy maas nWintsën'atyën ets jëtu'unës ja n'aaw n'ayuk të nkë'ëyäky.

Ezequiel 23:34 ပူးပေါင်းရင်းမြစ်များ

Salmos 75:8

Ko yë Dios jyoot'anpëky, jëtu'un tpaaty tä jeexyë a'ukën tmëët'atyën kyë'ëjotm mëët yë nëë mëti'ipë xunën. Ko ënety yë'ë tnaaxkutämë yë tsatym nyëë, tëkokyë yë ëxëëkja'aytyëjk jënu'un yajpaatën naaxwiiny, nëjkxëp t'ukmujkta'atë ya'atë tsatym nyëë, ets ni tu'ktsuny nëjkx tkayajwë'ëmtë.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Apocalipsis 18:7

Tëytyuntë tsaatyuntë ijxtëm pyaat'atyën, jä'ä ko tëë tuntë winë ëxëëk. Jëtu'un y'ënä'äny jyootjoty wyinma'anyjoty: Tyaajës n'u'unyë ijxtëm tu'uk yë yajkutujkpën to'oxytyëjkpë. Ka'apës nku'ooky tyo'oxyëty ets ka'apës n'ëyowa'any.

Ezequiel 23:8

Jëtu'un jap tyimtso'ontäky Egiptë ja jyot nyini'kx tmo'oy oypyënëty ets ka'ap jëtu'unpë tuunk t'ëxmajtsy. Ma y'ëna'k'ajtyën may ja ye'etyëjk ojts myëëtko'knëty ets tyajtëkooy ja y'akiixyajtën ets y'awinpijty to'oxykyujeny.

Ezequiel 23:3

Tääpë nimäjtskpë to'oxytyëjkëty ëna'k'ajtëp ënety ko ojts tpatso'onta'aktë kujenytyuunk, xim yam ja ye'etyëjk tmëët'atë; ko jap Egiptë y'ijtë ka'ap wi'ix y'ënantë ko yajtsi'tskpäntë, jëtu'un'äämpy ojts tyajtëkoytyë ja y'akiixy'ajtënëty.

Salmos 75:9

Ëjts yë'ëjës xëmë nnikajpxäämpy nnimëtya'akäämpy yë Dios, mëti'ipë Jacob Tiosajtën, etsës yë'ë ntukwin'ëwa'any yë xoontakën;

Ezequiel 22:14

Mijts nitii mëk'ajtën xykyamëët'ata'any ko ënety nnipëtë'ëky ets ntëytyuny. Ëjts Wintsën ëjts ënaanp ets koonëmës nkuuytyuna'any: