Ezequiel 23:3 - Biblia Dc en Mixe de Quetzaltepec

³ Tääpë nimäjtskpë to'oxytyëjkëty ëna'k'ajtëp ënety ko ojts tpatso'onta'aktë kujenytyuunk, xim yam ja ye'etyëjk tmëët'atë; ko jap Egiptë y'ijtë ka'ap wi'ix y'ënantë ko yajtsi'tskpäntë, jëtu'un'äämpy ojts tyajtëkoytyë ja y'akiixy'ajtënëty.

Biblia Mixe de Quetzaltepec

³ Tääpë nimäjtskpë to'oxytyëjkëty ëna'k'ajtëp ënäty ko ojts tpatso'onta'aktë kujenytyuunk, xim yam ja ye'etyëjk tmëët'atë; ko jap Egiptë y'ijtë ka'ap wi'ix y'ënantë ko yajtsi'tskpäntë, jëtu'un'äämpy ojts tyajtëkoytyë ja y'akiixy'ajtënëty.

Ezequiel 23:3 ပူးပေါင်းရင်းမြစ်များ

Ezequiel 16:22

Mijts, ma tyam je'eyë mjot mnini'kx xytyo'knë xyajknën ka'ap xy'ëkja'amyäjtsnë wi'ix ojts mëxu'unk'atyën, ko niwa'ats ëxwa'ats miiny naaxwiiny ets jëtu'un ja ne'pny xytyukyäjtsëtyääynyë.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

Oseas 2:15

Etsës jatëkok nmo'oja'any yë tsatsym kam, etsës yë Acor yë nyitëjkëtyakn nyaj'awinpitanë akujk'ajt jotkujk'ajtën. Jamës xy'ëtsowa'any tääjës xy'ëtsooyën ko y'ëna'k'ajty, tääjës xy'ëtsooyën ko jap pyëtsiimy Egiptë.

Ezequiel 23:21

Mijts Oholibá, mëk ijty xyjyä'äymyetsy ja mjuukyajtën ko m'ëna'k'ajty, ko ijty jap Egiptë ja'ay mtsi'tsk mëxajëty.

Ezequiel 23:19

E yë'ë ni'ikyë ojts ja jyot nyini'kx tmo'oy oypyënëty, jëtu'un winë tuunë tä y'ëna'k'ajtyën, ko jap tsyënaay Egiptë ma ojts ja jyot nyini'kx oypyënëty, tmo'oyën

Ezequiel 23:8

Jëtu'un jap tyimtso'ontäky Egiptë ja jyot nyini'kx tmo'oy oypyënëty ets ka'ap jëtu'unpë tuunk t'ëxmajtsy. Ma y'ëna'k'ajtyën may ja ye'etyëjk ojts myëëtko'knëty ets tyajtëkooy ja y'akiixyajtën ets y'awinpijty to'oxykyujeny.

Ezequiel 20:8

E yë'ëjëty je'eyë ojts xykyäjpxy kumëtoownaxtës ets ka'ap tja'akyujkëtyë ijxtëm nja'ënëmaaytyës; ka'ap t'ëxmajtstë ja y'awinaxëty mëti'ipë jap Egiptë ets nän ka'ap tyajma'taaytyë ja wyiink tyiosëty. Ojtsës njamay njatajy nyajnaxa'any ja njoot'an ma yë'ëjëtyën etsës jap Egiptë njatëytyunantë etsës jotkujk nwë'ëmëty.

Deuteronomio 29:16

Miitsëty wa'ats xynyijawëtë wi'ix jap Egiptë ijty njuuky'ajtëmën ets wi'ix kanaak të ntuknajxëmën ja naax kajpn,

Apocalipsis 11:8

Tu'ujotm ja nyi'kx kyopk wyë'ëmta'aja'antë wijtstëy jam mëj kajpnjotm, ja kajpn ma ja Wintsën kyëruutspejtyën, yë'ë yajtijp yë Sodomë ets Egiptë kajpn.

Jeremias 3:9

Nijënu'un tsip të tkajawë tyuuntëkoy ets ja naax kajpn të tyajnipäxëtëjkëtyä'äy. Të tyajtëkoy ja wintsë'kën ma ëjtsën ko të t'ëwtajnë ja tsaa ets kepy.

Ezequiel 23:4

Ja mëjpë Oholá xyëëwajtyp, yë'ë ja Samaria kajpn kyutënääpy ets ja y'uty Oholibá txëëwajtyp, yë'ë ja Jerusalén kajpn kyutënääpy. Ojtsës mpëky mëët yë'ëjëty nimäjtsk mpatës ja n'u'unk maay ye'etyëjkpë to'oxytyëjkpë.

Ezequiel 23:43

Ënätës ojts nmay ntajy: Yë'ë ënät myëët'atantëp tääpë to'oxytyëjkëty mëti'ipë xim yam ja ye'etyëjk të tmëët'atën, tëëpë tyuun'ënu'kxëtën. Myëëtko'knëjantëp ënät.

Oseas 1:2

Jëtu'un tsyo'ontä'äky ja Wintsën ja y'aaw y'ayuk mëti'ipë nyikajpxën ma Oseas: Jëtu'un yë Israel kajpn të y'ëti'itsy tä tu'uk yë to'oxytyëjkën mëti'ipë tyo'kpy yäjkpyën yë jyot nyini'kx mëët koos të xypyuwa'ktu'uty. Mijts näjyëtu'un ënät xytyunëty, yë'ë mpëkëp tu'uk yë to'oxytyëjk mëti'ipë jyot nyini'kx tyo'kpyën ets mëët yë m'u'unk m'ëna'k xymyëët'atëty; jëtu'un'äämpy yajtijtëty ko yë'ë tyaak'ajtëp tu'uk yë to'oxytyëjk mëti'ipë jyot nyini'kx tyo'kpyën.

Ezequiel 16:15

Je'eyëp ko mijts yi'iyë ojts xytyuk'ijxpety ja m'oy'at mtsuj'at ets ko aak'oy ja ja'ay mnikäjpxy mnimëtyä'äkyë; ka'apës të xy'ëkwintsë'kënë, tëë m'awinpijnë tä tu'uk yë to'oxytyëjkën mëti'ipë xim yam yë ye'etyëjk myëët'ajtypyën.

Ezequiel 20:7

Ets n'ënëmaaytyës ko wä'än t'ëxmajtsta'atë yë tyiosëty mëti'ipës n'ëxëëk'ijxypyën ets ka'ap nëkoo tpanëjkxtëkëtëty yë awinax japë Egiptë yajpaatyën, jä'ä ko ëjts mëti'ipë Wintsën'ajtpën, ëjts yë xyTyios'ajtëp.

Ezequiel 23:34

Koonëm xytyuk'uktu'utëty ets nëjkx xytyukpu'ujë ja m'a'ukën ets nëjkx mnäkyätsykyupyë. Ëjts, jëtu'un të nikäjpxy maas nWintsën'atyën ets jëtu'unës ja n'aaw n'ayuk të nkë'ëyäky.