Ezequiel 22:9 - Biblia Dc en Mixe de Quetzaltepec

⁹ Mëët ko je'eyë wyin'ëëntë, mëti'ipë yajpatëpën ma mijtsën paaty yë wiinkëtypë ja'ay y'ooktë tyëkoytyë; nyinëjkxtëp ja tëkatsypë ja tios mëti'ipë jam tunkëjxm kopkkëjxm nyixëëwtuuntëpën ets tuntë ka'apë tyuunëtyën.

Biblia Mixe de Quetzaltepec

⁹ Mëët ko je'eyë wyin'ëëntë, mëti'ipë yajpatëpën ma mijtsën paaty yë wiinkëtypë ja'ay y'ooktë tyëkoytyë; nyinëjkxtëp ja tëkatsypë ja tios mëti'ipë jam tunkëjxm kopkkëjxm nyixëëwtuuntëpën ets tuntë ka'apë tyuunëtyën.

Ezequiel 22:9 ပူးပေါင်းရင်းမြစ်များ

Oseas 4:14

Ëjts ka'apës ntëytyuna'any yë mnëëx ko jyot nyini'kx tooky tyäky ets mxäkxytyëjk ko tyajtëkoy yë pëjkën ukën wyintsë'kën, jä'ä ko miitsëty ye'etyëjktëjk nän mninëjkxtë yë to'oxytyëjk mëti'ipë jyot nyini'kx tyo'ktëpën; ets miitsëty ko yë wintsë'kën xyaktë, myajmiintëp yë to'oxytyëjk mëti'ipë jyot nyini'kx tyo'kpy yäjkpyën. Jëtu'un ja naax kajpn nyätyunyë mëti'ipë ka'ap wyijyëtyën.

Oseas 4:10

Mëëtkyëjxm ko ka'ap ja Wintsën t'ëk mëtuunëtë, ja kay ja uuktëp, je'eyëp ko ka'ap kyu'uxëtëty; jyatooktëp ja jyot nyini'kxëty, je'eyëp ko ka'ap y'u'unkpaatëty.

Oseas 4:2

Yi'iyë mëjnajxnëp wi'ix wiinkë'ëy akë'ëy Dios xyëëw tukajpxpätëtyën ets y'ayuk ka'ap tkuuytyuntë, ja näwyin'ëën näwyinxajën ets ja ka'apë myëtëyëtyën, ma yaja'ay ooktën, ma myäätstën, ma pëjkën ukën ka'ap twintsë'ëkëtën ets ma je'eyë tsyiptuntën ets janaam jatsojk myëku'uk tyaj'ooktë.

Ezequiel 18:11

mëti'ipë ka'ap yë tyeety ijty tunyën, ijxtëm ko jam tunkëjxm yajnixëëwtunyën yë wiink tios ets pyëjkëp yë myëku'uk ja tyo'oxytyëjk,

Ezequiel 18:6

ka'ap jam nyijkxy kopkkëjxm ma ja'ay tnixëëwtunyën awinax ets ka'ap tuk'ijxpety ka'apë tiosëtyën mëti'ipë Israel ja'ayëty myëët'ajtëpën; ka'ap yë myëku'uk yë tyo'oxytyëjk t'atsojkë ets wyinkutsë'këp yë tyo'oxytyëjk ko y'ëmaay'ity;

Ezequiel 16:43

Mijts tëë xyjyä'äytyëkoy wi'ix ojts m'ëna'k'atyën, je'eyës ojts xyajjoot'anpëky mëët ko yi'iyë ja ëxëëktu'un ëxëëk kajpxën të xyajtu'uye'ey ëxëëkpë tsaatsypë; paatykyëjxm mijts ntëytyuna'any ko ka'ap tii oy të xytyuny. Ëjts Wintsën, ëjts ënaanp.

Hechos 24:13

Ya'atë ja'ayëty ka'ap tii wa'kpäjn tmëët'atë tiis xynyatukni'ëënëtëp.

Hechos 24:5

Tëës yajxon nijawëtë ko ya'atë ja'ay y'ëyo'onpëjktä'äky ets ja jutiis ja'ay tyajjoot'anpëky ets tyajnäwyä'kxyë tu'kë'ëyë naaxwiinyëtë ja'ay ets yë'ë nyikopk'ajtyp ko t'ijxpëktë tu'uk ja Nazaretëtë ja'ay ja y'ijxpëjkën.

Mateo 26:59

Ja teety wintsëntëjk, ja mëjja'aytyëjk ets ja ijxpëkyjyä'äytyëjkëty yajxon ja winma'any t'ixta'atë wi'ix ja Jesús tyajpokytyëkëja'antën ets tyaj'ooka'antë.

Oseas 7:4

Aak tëë tyajtëkooytya'atë ja wyintsë'kën ja pëjkën ukën; jëtu'un yë'ë tä jëëntooytyaknën ma tsajpkääky kyi'iyën, ko tëë y'aanpëky ka'ap yë tsajpkääky oytyuunpë nëkoo t'ëk jëën mooynyë, je'eyë jyitsy tij'o'knë ets tyajnimaanajxnë.

Oseas 6:9

Yë teetytyëjkëty mä'tspë të y'awinpijnëtë, je'eyë t'ix'ijx tpa'ijxnëtë ja'ay; näjyëtu'un yaja'ay o'knëtë në'ë'am tu'u'am mëti'ipë nëjkxpën Siquem.

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënety ntsip n'äkë nyajnaxy ma mijtsën.

Ezequiel 18:15

ka'ap jam nyijkxy kopkkëjxm ma yajnixëëwtunyën ja wiink tios ets ka'ap wiink tios tuk'ijxpety mëti'ipë jam yajpatpën ma Israel kajpnën; ka'ap tpëjkë myëku'uk yë tyo'oxytyëjk

Jeremias 9:4

Yë'ëpaat ka'ap yajtukjotkujk'aty ja jëëky mëku'uk ets ja mëkä'äx, jä'ä ko aak win'ë'ëntëp.

Jeremias 6:28

Wintsën, tääpë ja'ayëty aak je'eyë kyäjpxykyumëtoownaxtë; je'eyë y'ëxëëkpi'tskajpxtë ets aak ëxëëk jyot wyinma'any tmëët'atë; jëtu'un yajpaatë tä tsuxkpujxn ets juunpujxnën.

Proverbios 26:22

Yë ja'ay mëti'ipë pi'tskajpxpën oy nyäjyawëty ko jyiiky myëku'uk tnimëtyä'äky, e ja ja'ay mëti'ipë pën ko tnijawë mëk tja'awëkyëtä'äky.

Proverbios 18:8

Yë pi'tskäjpxy jëtu'un yë'ë tä jë'kxy pëkyën pa'akpë ets ka'ap jyotkëtä'äky; e ko yajmëtoow'ity, jëtu'un yajmëtoy tim atëjk tim jotëjkëp yowë.

Proverbios 10:18

Antakp yë ja'ay mëti'ipë ka'ap tyajkëxë'ëkyën ko myëku'uk t'ëxëëk'ixy, ets tsuuwinma'any yë'ë ko yajnikäjpxy yajnimëtyä'äky xii yaa muum yë pi'tskäjpxy.

Salmos 106:28

Tä ojts tmëtuntë ja wiink tios mëti'ipë tyijtëpën Baal-peor, ets tkaaynyëtë tjë'kxnëtë ja ka'ayën ukën mëti'ipë të yajtukwintsë'ëkën ja tios ka'apë jyuukyëtyën.

Salmos 101:5

Nyaj'ëmonäämpyës yë ja'ay mëti'ipë myëjëën myëtëjk ayu'utsy ame'tsyë nyi'ëëpy nyikäjpxypën; ka'apës nijënu'un yë ja'ay jeky nwiintänëja'any mëti'ipë amëj akëjxm ja'ay'ajtpën, ets mëti'ipë nämyëjja'aw näjyääntyjya'awëyëpën.

Salmos 50:20

Tëkatsyëty yë mjëëky mmëku'uk xynyi'ëy xynyikäpxy, ets myajjotma'typ yë mmëkä'äx ko tsaatsyëty ma'atëty xymyëkäjpxy.

Jueces 20:6

E koos ooky ja to'oxytyëjk ojts ntuk'ijxpety, ënätës ja nyini'kx të ntsujktakë, tääts të nkäjxwa'kxta'ayës kajpn'apëtsëmy mapaat yë Israel ja'ayëty tsyëënëtën ets nijawëtëty ni'ëmukë mëti'ipë ya'atë ja'ayëty mëj këjää të tuuntëkoytyën.

Éxodo 23:1

Këtii tii tëkatsyjyäty xynyipaye'eyëty ets këtii xy'apupätëty ja mëti'ipë pokymyëëtën, këtiipë tyekymya'atëty ja tëyajtën ets ja yajnipaye'eyën.

Éxodo 20:16

Këtii ëxëëkjaty tëkatsyjyäty xynyikajpx xynyimëtya'akëty yë mjëëky mëku'uk.

Ezequiel 11:6

Miitsëty tëë may myajja'ay ooktë ma naax kajpnën, tëë xyaj'ujtsta'atë në'ë tu'u mëët yë o'kpë.

Ezequiel 23:29

Ëxëëk nëjkx mtunyë mëët ja tsyip y'äkë ets nëjkxëp tjä'ä'ajta'atë mëti'ipë ënety nimëjaaw të xypyäätyën, niwa'ats ëxwa'ats myajwë'ëma'anyë; jëkäm ja mjot mnini'kx yaj'ixa'any mëti'ipë të xykyë'ëyäkyën ko të mkujeny'äty.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

1 Samuel 24:10

Tyam tëë kë'ëm xy'ixy, mijts Wintsën, ko ka'apës mijts të nyaj'ooky. Yë Dios tëë mjakë'ëyäkyë ko tyam ojts të mjëtity jap aankjoty, kajxyëp tsyipëty jeexyë mijts të nyaj'ooky, e tëë mpokymye'kxy. Jä'ä ko tyaajës të nmay të ntajy ko mijts m'ëne'emy, Dios jëtu'un të mpëjktä'äkyë m'ënä'ämëty.