Ezequiel 22:3 - Biblia Dc en Mixe de Quetzaltepec

³ ets xy'ënëëmëty: Jëtu'un yë Wintsën y'ënä'äny: Mijts naax kajpn ma yajpaatën ja yaja'ay o'kpë mëti'ipë myëkunaax myëkukajpn yaj'o'ktëpën ets ma yajpaatën ja ja'ayëty mëti'ipë yakojtëpën ja awinax ets nyätyukyaj'ëxëëkëtë, pyätyp ja xëëw jëmëjt ma ëxëëk mjata'anyën.

Biblia Mixe de Quetzaltepec

³ ets xy'ënëëmëty: Jëtu'un yë Wintsën y'ënä'äny: Mijts naax kajpn ma yajpaatën ja yaja'ay o'kpë mëti'ipë myëkunaax myëkukajpn yaj'o'ktëpën ets ma yajpaatën ja ja'ayëty mëti'ipë yakojtëpën ja awinax ets nyätyukyaj'ëxëëkëtë, pyätyp ja xëëw jëmëjt ma ëxëëk mjata'anyën.

Ezequiel 22:3 ပူးပေါင်းရင်းမြစ်များ

2 Reyes 24:3

Paatykyëjxm jëtu'un ja Judá kajpn jyäjty kyëpejty, jä'ä ko ja Wintsën ënety jëtu'un të tuknipëjktaakë ets timjyëpëky yë'ë wyintuuy mëët ko ja Wintsën ka'ap t'ëkkupëjknë ja nëë poky mëti'ipë ja Judá ja'ayëty tyuuntëpën, ja poky mëti'ipë ënety ja Manasés të tyuktunëtën,

2 Reyes 24:4

ets ko ja ne'pny ënety nëkoo të tam të tjä'ätstë jam Jerusalén. Paatykyëjxm ja Wintsën ka'ap ojts y'ëkpokymyä'kxënëtë.

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

Isaías 1:21

Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Ezequiel 12:25

Jä'ä ko ëjts Wintsën, kajpxaanpës yam ets ja mëti'ipës nikajpxäämpyën atëwaanp tsojk. Kajpn je'eyëpë kyäjpxykyumëtoownaxyën, nëjkxëp kë'ëm xy'ixtë; koos ënety nkäjpxy koonëm nëjkx y'atëy. Ëjts Wintsën, ëjts ënaanp.

Ezequiel 22:2

Mijts ye'etyëjk, yë'ë myajnitukëp yë naax kajpn mëti'ipë yaja'ay o'kpën. Mtukwinmëtoowta'ajëp mëti'ipëjaty të tuuntëkoytyën,

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Ezequiel 22:4

Mëët ko të myajja'ay ooky paaty të mpokykyä'äy ets mëët ko të xyajkojy yë awinax mëti'ipë m'ëwtajtypyën paaty të mnäyaj'ëxëëktëkëty; tëë ja m'o'kën mtëko'oyën wyinkony ets mkutëkoyëty. Paaty të ntuknipëjktaakës ets kanaak yë naax kajpn m'ojëtëty ets mnëxi'ik mtukxi'ikëtëty.

Ezequiel 22:6

Yë'ëjës n'antijpy yë Israel yajkutujkpëtëjk, mëti'ipë juuky'ajtëpën ma mijtsën ets yaja'ay ooktë ijxtëm tyimjot tyimwinma'anyëtyën.

Ezequiel 23:37

Yë'ëjëty tëë tyajtëkoytyë ja wintsë'kën maas ëjtsën ets ujts ja kyë'ë y'aawëty mëët ja jot ne'pny. Ka'apës të xywyintsë'ëkëtë, yi'iyë ja wiink tios të t'ëwtatë ets yë'ë të tukwintsë'ëkëtë ja kyë'ëm u'unk mëti'ipës mëët të n'u'unk'atyën.

Ezequiel 23:45

E yë ye'etyëjkëty mëti'ipë wa'atsëtyën yajnitukëjantëp tääpë nimäjtskpë to'oxytyëjkëty ets tkumëtowtëty yë nyëë pyokyëty ko të yajja'ay'ooktë, jä'ä ko yë'ëjëty tëë tyajtëkoytyë ja wyintsë'kën ma nyiye'etyëjkëtyën ets yaja'ay o'kpë yë'ëjëty.

Ezequiel 23:7

Ja Asiria ja'ay winpiypyë, yë'ë ojts yë Oholá jyot nyini'kx tmo'oy ets yë'ë ojts ni'ik tsoky yë tyiosëty mëti'ipë y'ëwtajtëpën ets näjyëtu'un t'ëwtajty.

Ezequiel 33:25

Paaty mijts, jëtu'un xy'ënëëmëty: Jëtu'un yë Wintsën y'ënä'äny: Miitsëty mëët yë tsu'utsy yë nyine'pny xyjyë'kxëtë, wiink tios m'ëwtajtëp, myajja'ay o'ktëp, ¿m'ënantëp ënät miits xyjyä'ä'atëty yë naaxwiinyëtë mëti'ipë të myajtukwinwanëtën?

Ezequiel 9:9

Ënet ja Dios xy'ëtsooyës: Mëj këjää të pyokytyuntë Israel ja'ayëty ets Judá ja'ayëty. Ujts yë naax kajpn yajpaaty mëët yë o'kën tëko'oyën; ka'ap jyam'aty oypyë nipaye'eyën. Jëtu'un yë myäytyë tyajtë ko tëëjës nja'atyëkooynyë yë naax kajpn ets ka'apës n'ixy mëti'ipë tyuuntëpën kyajpxtëpën.

Miqueas 3:10

mëti'ipë ja Israel kajpn kyojtëpën, mëti'ipë näjyëtu'un yajtijpën Sión kopk ma ja yajja'ay'o'kpë tsyëënëtën.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.