Ezequiel 22:26 - Biblia Dc en Mixe de Quetzaltepec

²⁶ Yë teetytyëjkëty mëti'ipë yajpatëpën ma ya'atë kajpnën, wiinkatsy tja'akyukëtë ëjts ja n'ijxpëjkënës ets yaj'ëxë'këtyääytyëp ja mëti'ipës wa'ats nyajnajxypyën; ka'ap t'ixtë mëti'ipë ëxëëkën ets mëti'ipë wa'atsën ets ka'ap pën tukni''ixëtë mëti'ipën oy'ajtp ets ëxëëk'ajtpën. Ka'ap tpo'kxtë npo'kxën nxëëwës ets ka'apës xymyëjpëjkta'aktë.

Biblia Mixe de Quetzaltepec

²⁶ Yë teetytyëjkëty mëti'ipë yajpatëpën ma ya'atë kajpnën, wiinkatsy tja'akyukëtë ëjts ja n'ijxpëjkënës ets yaj'ëxë'këtyääytyëp ja mëti'ipës wa'ats nyajnajxypyën; ka'ap t'ixtë mëti'ipë ëxëëkën ets mëti'ipë wa'atsën ets ka'ap pën tukni''ixëtë mëti'ipën oy'ajtp ets ëxëëk'ajtpën. Ka'ap tpo'kxtë npo'kxën nxëëwës ets ka'apës xymyëjpëjkta'aktë.

Ezequiel 22:26 ပူးပေါင်းရင်းမြစ်များ

Malaquías 2:8

E miitsëty teetytyëjkëty, tëë ja ntu'ujës xy'ëxmajtsnëtë; aak tëkatsyjyäty ja ja'ay winë të xytyukni''ixëtë ets xyajwinma'anytyëkoytyë. Jëtu'un të xyajma'atë ja nkäjpxytyu'unënës mëti'ipës mëët ja Leví ojts ntunyën.

Ezequiel 22:8

Ka'ap twinkutsë'ëkëtë n'ijtaknës kënu'kxypyë ets npo'kxën nxëëwës ka'ap tmëjpëjkta'aktë.

Ezequiel 44:23

Yë teetytyëjkëty kopkpëky ko yë nnaax nkajpnës tukni''ixëtëty mëti'ipë kënu'kxyën ets mëti'ipë ka'ap kyënu'kxyëtyën, mëti'ipë wa'atsën ets mëti'ipë ka'ap wya'atsëtyën.

Jeremias 2:8

Yë teetytyëjkëty ka'ap xy'ixtaaytyës; mëti'ipë yaj'ijxpëjktëpën maas ja nnaax nkajpnën ka'ap xy'ijxkajptës; ja kopktëjkëty ni'ikyë ojts xykyäjpxy kumëtoownaxtë; ja mëti'ipë käjpxynyajxtëpën jä'ä ojts tpukajpxëtë ja Baal, jä'ä pyanëjkxtëjkëtyë ja awinax ka'apë tyunyën maa.

Ezequiel 36:20

E oymyaakajpnëty ma ojts jya'tën, je'eyëm tni'ojëtë ja nxëëwës, jëtu'un ja ja'ay y'ëna'antë: Ya'atë kajpn Wintsën ijty y'ëwtajtëp, e atsip ojts tsyoontë ma nyaax kyajpnëtyën.

1 Samuel 2:22

Ja Eli mëjja'ay'ëtëtsnëp ënety ni'ikyë, e oy jyëtu'unëty, nyija'awëtyääpy wi'ix ja y'ëna'k y'ëtë'ëtstën, ets yë'ëpaat ënety mëët y'ijtmujknëtë ja to'oxytyëjkëty mëti'ipë jam tuuntëpën ma yajnitëkën ja wit tëjk ma mëët ja Dios ja näpyaatë y'ityën.

Romanos 2:24

Paaty mëtëyën ijxtëm ja Dios ja y'aaw y'ayuk kyëxja'ayëtyën: Miits ja poky mmëët'ajtëp ko ja'ay tyajjoot'anpëktë yë Dios mëti'ipë ka'ap jyutiis'atën.

Lamentaciones 4:13

Ets yë'ë jëtu'un të tkujatëtë ko ja teetytyëjkëty ets ja käjpxynyajxpëtëjkëty të tyëkoytyë, ko jap tsajptëkoty të yaja'ay o'knëtë, ko të tyaj'o'knëtë ja ja'ay ka'apë tii poky tmëëtëtyën.

Jeremias 15:19

Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

1 Samuel 2:29

E pën jëtu'un y'ixë'aty tii ko ka'ap xy'ëkmëjpëjktaknëtë ja ayajk ako'onën mëti'ipë ja'ayëty yë Wintsën tyuknimiintëpën. ¿Wi'ix ko ja m'u'unk m'ëna'k jä'ä ni'ik mtsojkpy mja'ap ets këtiinëm ëjts, je'eyë xyajni'kxënyë mëët ja tsu'utsy mëti'ipë myëmiintëpën ëjts nwintuuyës ja Israel ja'ayëty, mëti'ipës nkajpn'ajtypyën?

Ezequiel 7:26

Kanaakjëjp yë ëyo'on myina'any; aak oyo'on aak jotmay yajnikajpxaanp oymyaajëty. Nëkoopë nëjkx t'ixta'atë yë käjpxynyajxpë mëti'ipë nyimëtya'akëpën ja Dios ja y'aaw y'ayuk; ka'ap jyää'ata'any yë teety ets mëjja'aytyëjk mëti'ipë kajpx wijëpën.

Ezequiel 42:20

Ojts tkijpxta'ay taxk pa'ajëty. Ja naax mëti'ipë ja tsajptëjk nyitënääpyën myëët'ajtyp tu'uk ja nyapots jä'ä myëjwiinëty pa'apa'a mëko'px ja tëkë'px tëtujk xajpk ja mäjtsk kë'ënux, mëti'ipë yaj'awäkxy'ijtypyën ja ëxëëkpë mëët ja wa'atspë.

Ezequiel 44:10

Yë Leví ja'ayëty mëti'ipë ëpëky të nyäpyëjkta'akëtën ko ja Israel ja'ayëty ojts xy'ëxmatstës ets ja wiink tu'u ojts tmatstë, yë'ëjëty kopkpëky ko ja nyëë pyoky tnikëpäjtu'utëty.

2 Crónicas 36:14

Näyjyëtu'un ja Judá ja'ayëty ets ja teetytyëjkëty, ojts ja jyot wyinma'any tyajtëkooynyëtë ets ka'ap ja Wintsën ojts t'ëkmëj'ijxnëtë; jëtu'un winë tuunëtë tä ja ja'ayëtyën mëti'ipë ka'ap ja Wintsën t'ixy'atën ets ka'ap t'ëkwitsë'kënëtë ja Wintsën ja jyëën tyëjk, mëti'ipë ënety ja Wintsën të tnikäjpxyën ko yë'ë tëjk'ata'any mëti'ipë jam Jerusalén yajpatpën.

Ezequiel 23:38

Ko jëtu'un winë të tuntë ëjts jëtu'un të xytyuntë, jä'ä ko yë'ëjëty tu'kxëëyë ojts yë njëën ntëjkës tyaj'ëxëëkëtë ets tu'kxëëyë ojts yë npo'kxën nxëëwës tukxi'iktë.

Ezequiel 44:24

Ko ja'ay tsyippaatëty yë'ë nëjkx tnipaye'eytyë ja tëko'oyën tä jeexyë tu'uk nipaye'epyën mëët ja n'ënä'ämënës ntëyajtënës. Nëjkxëp tpatuntë ja ënä'ämën mëti'ipë nyikäjpxypën jëna'a ja xëëw yajtunëtyën ets kopkpëky ko näjyëtu'un tpo'kxtëty ja npo'kxënxëëwës.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.