Ezequiel 22:20 - Biblia Dc en Mixe de Quetzaltepec

²⁰ Jëtu'un tä yaj'apëjkmukyën jap jëënjoty yë juunpujxn, yëkpujxn, poop pujxn ets yu'unk pujxn ets yajjëënkupëky ets y'ë'tsmukëty; jëtu'un miitsëty nyajtu'ukmuka'antë maas ënety të njoot'anpëkyën ets nyaj'atooymyuka'antë.

Biblia Mixe de Quetzaltepec

²⁰ Jëtu'un tä yaj'apëjkmukyën jap jëënjoty yë juunpujxn, yëkpujxn, poop pujxn ets yu'unk pujxn ets yajjëënkupëky ets y'ë'tsmukëty; jëtu'un miitsëty nyajtu'ukmuka'antë maas ënäty të njoot'anpëkyën ets nyaj'atooymyuka'antë.

Ezequiel 22:20 ပူးပေါင်းရင်းမြစ်များ

Ezequiel 24:13

Mijts Jerusalén tëë njayajwa'atsa'any ma të m'ëxëëkën ko naspëkë të mjuuky'äty, je'eyëp ko ka'ap mwa'atsy. Jäänëm tëy mwa'atsëty koos ënety ntsip n'äkë nyajnaxy ma mijtsën.

Jeremias 4:20

Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Isaías 54:16

Ëk'ixtë, ëjts të nyajkojy yë pujxn oytyuunpë, mëti'ipë jëën yajmëjëpën ma jëëntooytyaknën mëti'ipë yajkojpyën yë tëypyujxn ets ja'ay tuktsiptuny; e nän ëjts yë ja'ay të nyajkojy mëti'ipë winë yajma'tääpyën ets xit ko'ow winë tuunta'ajëty.

Ezequiel 22:21

Jëtu'un y'ixë'atëty, nyajmëjëjäämpyës yë jëën mëëtës yë njoot'an; nwoowmukantëp ets nyaj'a'ë'tsmuka'antë jap kajpnjoty.

Isaías 1:25

Nnixajë'ëkäämpy yam jatëkok etsës nino'kta'aja'any ja mpu'uxm; nyajwa'atsäämpyës ma ëxëëk myajpaatyën.

Jeremias 8:13

Jëtu'un yë Wintsën y'ënä'äny: Jëtu'unës yë nnaax nkajpn ntuna'any tä ja'ay tkutëjtu'utyën yë tsajpmok yon. Nitu'uk kyawë'ëma'any yë tsatsymtsya'am ma nyi'aatsën, nitu'uk higo tëëm ma nyikepyën. Yi'iyë y'ääy xootspë jaakwë'ëmaanp.

Ezequiel 22:19

Paaty ëjts maas nWintsën'atyën, jëtu'unës n'ëna'any: Mëët ko miitsëty jëtu'un të m'awinpijta'atë tä win'ë'tskëta'akën, nyajtu'ukmukantëp jam Jerusalén.

Ezequiel 22:31

Paatykyëjxmës të nyajkëtä'äky yë ëyo'on ma yë'ëjëtyën etsës të nyajtooytyëkoytyë mëët ja ntsip n'äkës, etsës të ntukëpätë mëët ko të tyuuntëkoytyë. Ëjts Wintsën, ëjts ënaanp.

Ezequiel 36:18

Ënet ojts ja ntsip n'äkë nyajnaxyës ma yë'ëjëtyën mëët ko ënety të yaja'ay ooktë ma ja naax kajpnën ets mëët ko të tyaj'ëxëëkëtë ja kajpn ko të t'ëwtatë ja wiink tios,

Oseas 8:10

E oy tjäyajkwä'kxy yë näynyamo'ojë ma naax kajpnëtyën, ëjts nwojpwä'kxantëpës yam ets ka'ap jyam'ata'any yë yajkutujkpë ets wintsëntëjkëty.