Ezequiel 22:19 - Biblia Dc en Mixe de Quetzaltepec

¹⁹ Paaty ëjts maas nWintsën'atyën, jëtu'unës n'ëna'any: Mëët ko miitsëty jëtu'un të m'awinpijta'atë tä win'ë'tskëta'akën, nyajtu'ukmukantëp jam Jerusalén.

Biblia Mixe de Quetzaltepec

¹⁹ Paaty ëjts maas nWintsën'atyën, jëtu'unës n'ëna'any: Mëët ko miitsëty jëtu'un të m'awinpijta'atë tä win'ë'tskëta'akën, nyajtu'ukmukantëp jam Jerusalén.

Ezequiel 22:19 ပူးပေါင်းရင်းမြစ်များ

Mateo 13:30

Nikë oy ko n'ëxmajtsmëty, wä'än mëët tu'ukyë tyony ja pëjktä'äky. Jäänëm yajwixëty ko ja pëjktä'äky pyëtë'ëkëty. Ënätës ni'ënä'ämëty ets jëwyiin ëpëky tpëjkta'aktëty ja ëxëëk ujts atsuumtä'äkyäty ets yajnino'okëty, ok yajpëjkë'ëkëty jap tëkoty ja tsajpmok.

Miqueas 4:12

Je'eyëp ko tääpë naax kajpnëty ka'ap tnijawëtë wi'ix ja Wintsën myäy tyäjyën ets tii tyuknipëjktakëpën; ka'ap ninu'un tja'awëy'itë ko jëtu'un jyata'antë tä yaj'atsuumtä'äkyën yë tsajpmok kepy të'ëtspë ko pyëti'iky ja pëjktä'äky.

Ezequiel 11:7

Paaty ëjts maas nWintsën'atyën, jëtu'un yam miits n'ënëëmëtë; ko yë Jerusalén jëtu'un yajpëjkta'aka'any tä tu'tsën ets jap tu'tsjoty yë'ë jap mpëjkta'akäämpyës yë o'kpë mëti'ipë miits të xyaj'ooktën; e miitsëty njuutantëp jap tu'tsjoty.

Salmos 119:119

Yë ëxëëkja'aytyëjk mëti'ipë naaxwiiny juuky'ajtëpën jëtu'un xyjyawë tä aay pu'uxmën, paatyës yë'ë ni'ik ntsoky yë m'ënä'ämën mtëyajtën.

Isaías 1:25

Nnixajë'ëkäämpy yam jatëkok etsës nino'kta'aja'any ja mpu'uxm; nyajwa'atsäämpyës ma ëxëëk myajpaatyën.

Ezequiel 22:18

Yë Israel kajpn jëtu'un yë nyäxy maas ëjtsën tä wyinkinyën yë pujxn ko wyin'ëëtsy, tä yë juunpujxn, yu'unk pujxn, yëk pujxn ets poop pujxn.

Ezequiel 22:20

Jëtu'un tä yaj'apëjkmukyën jap jëënjoty yë juunpujxn, yëkpujxn, poop pujxn ets yu'unk pujxn ets yajjëënkupëky ets y'ë'tsmukëty; jëtu'un miitsëty nyajtu'ukmuka'antë maas ënety të njoot'anpëkyën ets nyaj'atooymyuka'antë.